ଅଯୋଧ୍ୟା: ରାମ ଜନ୍ମଭୂମି ବାବ୍ରି ମସଜିଦ ମାମଲାର ଚୂଡାନ୍ତ ରାୟ ପ୍ରକାଶ ପାଇବା ପରେ ଅଯୋଧ୍ୟାରେ ଏକ ବିଚିତ୍ର ପରମ୍ପରାର ଅବସାନ ଘଟିବାକୁ ଯାଉଛି। ଅଯୋଧ୍ୟା ନିକଟସ୍ଥ ପୂରା ବଜାର ଓ ଏହାର ଆଖପାଖ ୧୦୫ଟି ଗାଁର ସୂର୍ଯ୍ୟବଂଶୀ କ୍ଷତ୍ରିୟ ପରିବାର ୫୦୦ ବର୍ଷ ପରେ ମୁଣ୍ଡରେ ପଗଡ଼ି ବାନ୍ଧିବା ସହ ଚମଡା ଜୋତା ପିନ୍ଧିବେ। ରାମ ମନ୍ଦିର ନିର୍ମାଣର ସଂକଳ୍ପ ଏବେ ପୂରଣ ହୋଇଥିବାରୁ ସେମାନେ ଏହା ପାଳନ କରିବେ। ରାମ ମନ୍ଦିର ଉପରେ ଆକ୍ରମଣ ହେବା ପରେ ଯେ ପର୍ଯ୍ୟନ୍ତ ମନ୍ଦିର ପୁଣି ନିର୍ମାଣ କରା ନ ଯାଇଛି ସେବେଯାଏ ସେମାନେ ଜୋତା ପିନ୍ଧିବେନି କି ପଗଡି ବାନ୍ଧିବେନି ବୋଲି ଶପଥ ନେଇଥିଲେ। ଅଯୋଧ୍ୟା ସମେତ ବସ୍ତି ଜିଲାର ୧୦୫ଟି ଗାଁରେ ସୂର୍ଯ୍ୟବଂଶୀ କ୍ଷତ୍ରିୟ ସମୁଦାୟର ପ୍ରାୟ ଦେଢ ଲକ୍ଷ ଲୋକ ରହିଛନ୍ତି। ଦୀର୍ଘ ବର୍ଷ ହେବ ଏମାନେ ବାହାଘରରେ ପଗଡି ବାନ୍ଧିନାହାନ୍ତି। କିନ୍ତୁ ବାହାଘର ସମୟରେ କନ୍ୟା ମଥାରେ ଏକ ଛୋଟ ପଗଡି ବାନ୍ଧିଦିଆଯାଏ। ଜୋତା କିମ୍ବା ଚପଲ ନ ପିନ୍ଧିବା ପାଇଁ ଏମାନଙ୍କ ପୂର୍ବପିଢି ଯେବେଠୁ ଶପଥ ନେଇଥିଲେ ସେବେଠାରୁ ଚମଡା ପୂରା ବନ୍ଦ କରାଯାଇଥିଲା। ଏଥିପାଇଁ ସେମାନେ କଠଉ ପିନ୍ଧୁଥିଲେ। ବିନା ଚମଡା ଜୋତା କିମ୍ବା ଚପଲରେ ଲୋକଙ୍କୁ ଦେଖିତ୍ଲେ ସେମାନେ ସୂର୍ଯ୍ୟବଂଶୀ ବୋଲି ଲୋକେ ଜାଣିପାରନ୍ତି। ଏବେ ଏଢହି ଗାଁଗୁଡିକରେ ସାଧାରଣ ସଭାମାନ ଆୟୋଜିତ କରାଯିବା ସହ ଲୋକମାନଙ୍କୁ ପଗଡ଼ି ବାଣ୍ଟିିବା କାର୍ଯ୍ୟ ଆରମ୍ଭ ହୋଇଛି। ବର୍ତ୍ତମାନ ସୁଦ୍ଧା ୪୦୦ ପଗଡ଼ି ବଣ୍ଟାଗଲାଣିି। କୋର୍ଟଙ୍କ ଫଇସଲାରେ ଖୁସି ହେବା ସହ ଭବ୍ୟ ମନ୍ଦିର ନିର୍ମାଣ ଅପେକ୍ଷାରେ ରହିଛନ୍ତି ସୂର୍ଯ୍ୟବଂଶୀ ବଂଶଧର।
