ଧରାକୋଟ,୨୮ା୫(ଡି.ଏନ.ଏ.)- ଧରାକୋଟ ଥାନା ବାଦଗଡ଼ ଗ୍ରାମ ଛକ ନିକଟରୁ ବୁଧବାର ବିଳମ୍ବିତ ରାତିରେ ଏକ ବଡ ଧରଣର ଲୁଟ୍ ହୋଇଛି। ୩ ବ୍ୟବସାୟୀଙ୍କ ଠାରୁ ଖଣ୍ଡା ଓ ମାଉଜର ଦେଖାଇ ନଗଦ ୧୬ ଲକ୍ଷ ୮୦ ହଜାର ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ। ଧରାକୋଟ ପୋଲିସ ନଂ.୮୩/୨୦ରେ ମାମଲା ରୁଜୁକରି ତଦନ୍ତ ଚଳାଇଥିବା ଥାନା ଅଧିକାରୀ ଶହଦେବ ମହାପାତ୍ର କହିଛନ୍ତି।
ଧରାକୋଟ ଥାନା କେନ୍ଦୁପଲ୍ଲୀର ବ୍ୟବସାୟୀ ବି.ବାୟା ପାତ୍ର ଦେଇଥିବା ଏତଲା ଅନୁଯାୟୀ, ସୋରଡାର ଏ.ଗଣେଷ ପାତ୍ର ଓ ଏସ୍. ତ୍ରିପତି ପାତ୍ରଙ୍କ ସହ ସେ ମଙ୍ଗଳବାର ୩୦୦ ଛେଳି ଧରି ଆନ୍ଧ୍ରପ୍ରଦେଶକୁ ବିକ୍ରି କରିବାକୁ ଯାଇଥିଲେ। ବିକ୍ରି କରିଥିବା ୧୬ ଲକ୍ଷ ୮୦ ହଜାର ଟଙ୍କା ଧରି ଆନ୍ଧ୍ର-ଓଡ଼ିଶା ସୀମାନ୍ତ ଗିରିସୋଲାରେ ବୁଧବାର ସନ୍ଧ୍ୟାରେ ପହଞ୍ଚତ୍ଥିଲେ। ତାଙ୍କର ଜଣେ ଚିହ୍ନା ପରିଚିତ ବ୍ୟକ୍ତି ଡ଼ାକିବଦା ଗ୍ରାମର କବି ଗୌଡ଼ଙ୍କୁ ଅଟୋ ଧରି ଗିରିସୋଲାରେ ପହଞ୍ଚତ୍ବାକୁ କହିଥିଲେ। କବି ତାଙ୍କ ଡାଲାଅଟୋ (ନଂ. ଓଡି୦୭ଟି-୫୨୪୯) ଧରି ହେଲ୍ପର ଭାଲିଆଗୋଚ୍ଛା ଗ୍ରାମର ବସନ୍ତ ବିଷୋୟୀଙ୍କ ସହ ରାତି ପ୍ରାୟ ୯ଟାରେ ଗିରିସୋଲାରେ ପହଞ୍ଚତ୍ଥିଲେ। ସେଠାରେ ଖାଇ ସାରିବା ପରେ ସମସ୍ତେ ଧରାକୋଟ ଅଭିମୁଖେ ବାହାରିଥିଲେ। କବି ଓ ବସନ୍ତ ଚାଳକ କ୍ୟାବିନ୍ରେ ବସିଥିବାବେଳେ ବାୟା, ଗଣେଶ ଓ ତ୍ରିପତି ଅଟୋ ଡ଼ାଲାରେ ବସିଥିଲେ। ବିଳମ୍ବିତ ରାତିରେ ବାଦଗଡ ଛକ ବୁଲାଣିରେ ୩ ଖଣ୍ଡାଧାରୀ ଯୁବକ ଅଟୋକୁ ଅଟକାଇଥିଲେ। ଅଟୋଟି ରହିବା ପରେ ସେଠାରେ ଲୁଚିଥିବା ୬ ଜଣ ଦୁର୍ବୃତ୍ତ ବାହାରି ଡ଼ାଲାରେ ବସିଥିବା ବାୟା, ଗଣେଶ ଓ ତ୍ରିପତିଙ୍କୁ ମାଡ ମାରି ବନ୍ଧୁକ ଦେଖାଇ ଟଙ୍କା ଲୁଟି ନେଇଥିଲେ।
ଏତେଟଙ୍କା ଧରି ଜାତୀୟ ରାଜପଥରେ ନ ଆସି ଅଟୋଯୋଗେ ନିଛାଟିଆ ରାସ୍ତାଦେଇ କାହିଁକି ବ୍ୟବସାୟୀମାନେ ଆସୁଥିଲେ ଓ ଟଙ୍କା ନେଇ ଆସୁଥିବା ଦୁର୍ବୃତ୍ତ କିପରି ଖବର ପାଇଲେ ସେ ନେଇ ପୋଲିସ ତଦନ୍ତ କରୁଛି। ଆସିକା ଏସ୍ଡିପିଓ ସୂର୍ଯ୍ୟମଣି ପ୍ରଧାନଙ୍କ ସହ ଆସିକା, ଧରାକୋଟ, ଶେରଗଡ ଓ ବଡଗଡ ଥାନା ଅଧିକାରୀ ବିଭିନ୍ନ ସ୍ଥାନରେ ଛାନ୍ବିନ୍ ଚଳାଇଛନ୍ତି।
