ବଡବିଲ,୮ା୧୦(ସ୍ବ.ପ୍ର.)- କେନ୍ଦୁଝର ଜିଲା ରୁଗୁଡି ପୋଲିସକୁ ସୋମବାର ରାତିରେ ବଡ଼ ସଫଳତା ମିଳିଛି। ମାଙ୍ଗାନିଜ ଚୋରାଚାଲାଣ ବେଳେ ପୋଲିସ ଚଢାଉ କରି ଘଟଣାସ୍ଥଳରୁ ୨ଟି ଟ୍ରକ, ୧ଟି ବୋଲେରୋ, ୧ଟି ବାଇକ ଜବତ କରିଛି। ଏହି ଘଟଣାରେ ସମ୍ପୃକ୍ତ ଓଡ଼ିଶା, ଝାଡଖଣ୍ଡ ଓ ବିହାର ରାଜ୍ୟର ମୋଟ ୮ ଅଭିଯୁକ୍ତ ଗିରଫ ହୋଇଛନ୍ତି। ସେମାନଙ୍କ ନିକଟରୁ ୮ ଟି ମୋବାଇଲ ଓ ନଗଦ ୧ଲକ୍ଷ ଟଙ୍କା ପୋଲିସ ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ବିହାର ରାଜ୍ୟ ବକ୍ସେର ଜିଲା କ୍ରିଷ୍ଣବରମ ଥାନା ଅନ୍ତର୍ଗତ ଡୁଭୁକି ଅଞ୍ଚଳର ବିବେକ କୁମାର ଯାଦବ, ଝାଡଖଣ୍ଡ ପଶ୍ଚିମ ସିଂହଭୂମି ଜିଲା କିରିବୁରୁ ଟାଉନସିପ ମୂର୍ଗାପଡା ଅଞ୍ଚଳର ଏମଡି ରଫିକ ଖାନ, ବଡବିଲ ଆଜାଦ ବସ୍ତି ଅଞ୍ଚଳରେ ରହୁଥିବା ଝାଡଖଣ୍ଡ ରାଜ୍ୟ ପଶ୍ଚିମ ସିଂହଭୂମି ଜିଲା ନୂଆମୁଣ୍ଡି ଥାନା ବଜାରମହୋଲ୍ଲା ଡାଙ୍ଗୋଆପଶି ଅଞ୍ଚଳର ଏମଡି ତାଜୁଦ୍ଦିନ ଆନସାରୀ, ବଡବିଲ ଦାମୁ ହଟିଂ ଅଞ୍ଚଳରେ ରହୁଥିବା ଜୁନାସ ଓରଫ ଜୁନେସ ଲାକ୍ରା, ବଡବିଲ ଗାଢା ହଟିଂ ଅଞ୍ଚଳର ଷ୍ଟିପେନ ଡୁଙ୍ଗଡୁଙ୍ଗ ଓରଫ୍ ମୋଟୁ, ସୁନ୍ଦରଗଡ ଜିଲା କୋଇଡା ଥାନା ଅନ୍ତର୍ଗତ ପାଣୁପଶି ପାଟୁଳି ଗ୍ରାମର ଜଗଦିଶ ଦାସ ଓ ଗୌର ଦାସ ଏବଂ ରୁଗୁଡି ଥାନା କାଟେସାହି ଅଞ୍ଚଳର ଅଜିତ ପାତ୍ର।
