ହାତରୁ ବନ୍ଧୁକ ଛଡ଼ାଇଲା ପ୍ରେମ

ବନ୍ତଳା, ୨୧।୧୧ – ଏକଦା ଲାଲ୍‌ଗଡ଼ରେ ଥିଲା ସେମାନଙ୍କ ରାଜୁତି। ଦୁର୍ନୀତି ବିରୋଧରେ ଉଠାଇଥିଲେ ବନ୍ଧୁକ। ମାଓବାଦୀ ସଙ୍ଗଠନ ବିଷୟରେ ମତାଉଥିଲେ ଲୋକଙ୍କୁ। ହେଲେ ହିଂସା ଯେ ସମସ୍ୟା ସମାଧାନର ବାଟ ନୁହେଁ, ତାହା ଅନୁଭବ ହେଲା ଯେତେବେଳେ ସେମାନଙ୍କ ଭିତରେ ଗଢ଼ି ଉଠିଲା ପ୍ରେମ। ଏହାପରେ ବନ୍ଧୁକ ଛାଡ଼ି ଦୁହେଁ ଫେରିଆସିଥିଲେ ମୁଖ୍ୟସ୍ରୋତକୁ। ମାଓବାଦୀ ଇଲାକାରୁ ଆରମ୍ଭ ହୋଇଥିବା ଏପରି ଏକ ପ୍ରେମ କାହାଣୀ ବିବାହରେ ନେଇଛି ପୂର୍ଣ୍ଣାଙ୍ଗ ରୂପ। ସାତଜନ୍ମ ପାଇଁ ବଞ୍ଚତ୍ବା ମରିବାର ଶପଥ ନେଇଛନ୍ତି ଦୁହେଁ। ଏପରି ଏକ ନିଆରା ବିବାହର ସାକ୍ଷୀ ରହିଛନ୍ତି ପୋଲିସ ସମେତ ହଜାର ହଜାର ଜନସାଧାରଣ। ଅଞ୍ଚଳର ବୟୋଜ୍ୟେଷ୍ଠ ବ୍ୟକ୍ତିଙ୍କଠାରୁ ଆଶୀର୍ବାଦ ନେଇ ନୂଆ ଜୀବନ ଆରମ୍ଭ କରିଛନ୍ତି ଆତ୍ମସମର୍ପଣ କରିଥିବା ମାଓବାଦୀ କ୍ୟାଡର ଛୁଟୁ ଗଞ୍ଜୁ ଏବଂ ଜଲି ଦେହୁରୀ।
ସାତକୋଶିଆ ଅଭୟାରଣ୍ୟରେ ଏସଡିଏସ ମାଓବାଦୀ ସଙ୍ଗଠନକୁ ବଢ଼ାଇବା ପାଇଁ ଝାଡ଼ଖଣ୍ଡ ରାଞ୍ଚତ୍ ଅଞ୍ଚଳର ଛୁଟୁ (୨୬)ଙ୍କ କାନ୍ଧରେ ଦିଆଯାଇଥିଲା ଦାୟିତ୍ୱ। ସେକ୍ସନ କମାଣ୍ଡର ଭାବେ ସେ ଶିବିର ପରିଚାଳନା କରୁଥିଲେ। ଗଁା ଗଁାରେ ବୈଠକ କରିବା, ସରକାରୀ କାର୍ଯ୍ୟରେ ହେଉଥିବା ଦୁର୍ନୀତି ବିରୋଧରେ ସ୍ବର ଉଠାଇବା ଭଳି କାର୍ଯ୍ୟ ଜାରି ରଖିଥିଲେ ଛୁଟୁ। ଏକଦା ଟିକରପଡ଼ା ପଞ୍ଚାୟତ ମଝିପଡ଼ା ଗ୍ରାମରେ ମାଓବାଦୀମାନେ ଗ୍ରାମବାସୀଙ୍କୁ ନେଇ ବୈଠକ କରୁଥିବାବେଳେ ସେଠାରେ ଉପସ୍ଥିତ ଜଲିଙ୍କ ସହ ଗଢ଼ି ଉଠିଥିଲା ପ୍ରେମ ସମ୍ପର୍କ। ମାଓବାଦୀଙ୍କ କଥାରେ ପ୍ରଲୋଭିତ ହୋଇ ୨୦୧୮ରେ ଜଲି ଘର ଛାଡ଼ି ପଳାଇ ଆସି ସଙ୍ଗଠନରେ ଯୋଗଦେଇଥିଲେ। ଜଙ୍ଗଲରେ ଘୂରିବୁଲିବା ସମୟରେ ଦୁହିଁଙ୍କ ପ୍ରେମ ଆହୁରି ମଜଭୁତ୍‌ ହୋଇଥିଲା।

ହେଲେ କ୍ୟାଡରଙ୍କ ମଧ୍ୟରେ ସୃଷ୍ଟି ହୋଇଥିବା ପ୍ରେମକୁ ନେଇ ସଙ୍ଗଠନରେ ଆରମ୍ଭ ହୋଇଥିଲା ବିରୋଧାଭାସ। ଏଥିରେ ଅସନ୍ତୁଷ୍ଟ ଥିବା ଜଲି କ୍ୟାମ୍ପରେ ଯୋଗଦେବାର ମାସେ ଭିତରେ ସଙ୍ଗଠନ ଛାଡ଼ିବାକୁ ମନସ୍ଥ କଲେ। ସମାଜର ମୁଖ୍ୟସ୍ରୋତରେ ସାମିଲ ହେବା ଲକ୍ଷ୍ୟରେ ପ୍ରେମୀଯୁଗଳ ରେଢ଼ାଖୋଲ ଜଙ୍ଗଲରୁ ପଳାଇ ଆସି ତତ୍କାଳୀନ ଏସ୍‌ପି ଏବଂ ଡିଆଇଜିଙ୍କ ନିକଟରେ ଆତ୍ମସମର୍ପଣ କଲେ। ଉଭୟଙ୍କୁ ପ୍ରଥମେ ଛେଳିଆପଡା ରିଜର୍ଭ ପୋଲିସ କ୍ୟାମ୍ପରେ ରଖାଗଲା। ସରକାରୀ ନିୟମ ମୁତାବକ ସହାୟତା ମଧ୍ୟ ପ୍ରଦାନ କରାଗଲା। ଏହାପରେ ଜଲି ରିଜର୍ଭ ପୋଲିସ କ୍ୟାମ୍ପରୁ ଘରକୁ ଫେରି ଆସିଥିଲେ। ଛୁଟୁ ରିଜର୍ଭ କ୍ୟାମ୍ପରେ ରହୁଥିଲେ। ହେଲେ ମାଓବାଦୀ ସଙ୍ଗଠନ ହିଂସା ଘଟାଇବା ଆଶଙ୍କାରେ ଉଭୟେ ଭୟଭୀତ ଅବସ୍ଥାରେ ଦିନ କାଟୁଥିଲେ। ଏପରି ସ୍ଥିତିରେ ଦୁହିଁଙ୍କ ପ୍ରେମକୁ ସାକାର କରିବାକୁ ଅଣ୍ଟା ଭିଡ଼ିଥିଲା ପୋଲିସ। ବୁଧବାର ମଝିପଡା ଗ୍ରାମ ମହାନଦୀ ଗଣ୍ଡ ନିକଟ ଚମ୍ପେଶ୍ୱର ଶିବମନ୍ଦିରରେ ଉଭୟଙ୍କ ବିବାହ ସମ୍ପନ୍ନ ହୋଇଥିଲା। ତେବେ ସେମାନଙ୍କ ସୁରକ୍ଷା ପାଲଟିଥିଲା ଚ୍ୟାଲେଞ୍ଜ। କୌଣସି ପ୍ରକାର ବିଶୃଙ୍ଖଳା ପରିସ୍ଥିତି ଏଡ଼ାଇବାକୁ ପୋଲିସ ପକ୍ଷରୁ ୩ଦିନ ଧରି ଟିକରପଡା ପଞ୍ଚାୟତର ଚତୁଃପାର୍ଶ୍ୱରେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା। ଗ୍ରାମର ପ୍ରବେଶ ପଥକୁ ସିଲ୍‌ କରାଯାଇଥିଲା। ସର୍ବସମ୍ମତିକ୍ରମେ ମଝିପଡା ଗ୍ରାମ ସଭାପତି ସୁବଳ ପଧାନ ବରପିତା ଦାୟିତ୍ୱ ତୁଲାଇଥିଲେ। ଟିକରପଡା, କରଡ଼ାପଡା, କୁଶଖଳି, ହାତୀବାରି, ବେହେରା ସାହି, କଟରଙ୍ଗ, ପୁରୁଣାକୋଟ, ମଝିପଡ଼ା ଗ୍ରାମର ୨୦୦୦ରୁ ଊର୍ଦ୍ଧ୍ୱ କନ୍ୟାଯାତ୍ରୀ ଏହି ମାଙ୍ଗଳିକ ଉତ୍ସବରେ ସାମିଲ ହୋଇଥିଲେ। ବିବାହର ସମସ୍ତ ଖର୍ଚ୍ଚ ଜିଲା ପୋଲିସ ବହନ କରିଥିଲା। ମନ୍ଦିର କମିଟି ସଭାପତି ଫକୀର ଯାନି, ପ୍ରତାପ ଦେହୁରୀ, ବିରାଜ ଯାନୀ, ସାଇବାଣୀ ପଧାନ, ଚନ୍ଦନ ଦେହୁରୀ, ସରୋଜ ଯାନୀ, ପବିତ୍ର ପଲେଇ, ରାଜକିଶୋର ସାହୁଙ୍କ ସମେତ ଗୁରୁଜନଙ୍କଠାରୁ ନବଦମ୍ପତି ଆଶୀର୍ବାଦ ଗ୍ରହଣ କରି ନୂଆ ଜୀବନ ଆରମ୍ଭ କରିଛନ୍ତି।
ଏ ସମ୍ପର୍କରେ ଛୁଟୁ କୁହନ୍ତି, ଜଲିଙ୍କୁ ସ୍ତ୍ରୀ ଭାବେ ପାଇ ସେ ବହୁତ ଖୁସି। ମାତ୍ର ୧୫ବର୍ଷ ବୟସରେ ସେ ମାଓବାଦୀ ସଙ୍ଗଠନରେ ଯୋଗ ଦେଇଥିଲେ। ଦୀର୍ଘ ୧୦ବର୍ଷ ସେ ମାଓବାଦୀ କ୍ୟାମ୍ପରେ କାମ କରିଛନ୍ତି। ଅସନ୍ତୋଷ ବ୍ୟକ୍ତ କରି ସେ ସଙ୍ଗଠନ ଛାଡ଼ିଥିଲେ। ଏବେ ସମାଜରେ ମୁଖ୍ୟସ୍ରୋତରେ ସାମିଲ ହୋଇ ସାଧାରଣ ଜୀବନଯାପନ କରିବେ। ବିବାହ ପରେ ବି ଭୟ ଲାଗୁଛି। ତେଣୁ ଆମ ଦୁଇଜଣକୁ ସୁରକ୍ଷା ଦିଆଯାଉ ବୋଲି ସେ ନିବେଦନ କରିଛନ୍ତି। ଏ ବିଷୟରେ ଉତ୍ତର କେନ୍ଦ୍ରାଞ୍ଚଳ ଡିଆଇଜି ନରସିଂହ ଭୋଳ କୁହନ୍ତି, ଏହା ଖୁସିର ବିଷୟ। ମାଓବାଦୀ ସଙ୍ଗଠନରେ ମିଶି ସେମାନେ ନିଜର କ୍ଷତି କରିବା ସହ ସମାଜର କ୍ଷତି କରୁଥିଲେ। ବିବାହ ବନ୍ଧନରେ ଆବଦ୍ଧ ହୋଇ ଉଭୟେ ଅନ୍ୟମାନଙ୍କ ପାଇଁ ଉଦାହରଣ ସାଜିଛନ୍ତି। ମାଓବାଦୀଙ୍କ ଅତ୍ୟାଚାରରେ କ୍ୟାଡରମାନେ ଅତିଷ୍ଠ ହୋଇପଡ଼ିଲେଣି। ଛୁଟୁ ଏବଂ ଜଲିଙ୍କଠାରୁ ପ୍ରେରଣା ପାଇ ଅନ୍ୟମାନେ ମଧ୍ୟ ମୁଖ୍ୟସ୍ରୋତକୁ ଫେରି ଆସିବା ପାଇଁ ଆଶା ରଖିଛୁ ବୋଲି ଡିଆଇଜି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଝୁଲିଲା ଅନୁଗୋଳ, ତାଳଚେର, ଆଠମଲ୍ଲିକ

ଅନୁଗୋଳ, ୨୮ା୩ (ଅମିତ କୁମାର ସାମଲ)ବିଜୁ ଜନତା ଦଳ ପକ୍ଷରୁ ବୁଧବାର ପ୍ରଥମ ପର୍ଯ୍ୟାୟରେ ୭୧ଟି ବିଧାନସଭା କ୍ଷେତ୍ର ପାଇଁ ପ୍ରାର୍ଥୀ ଘୋଷଣା କରାଯାଇଛି। ଏଥିରେ...

ରାସ୍ତା ପାର୍ଶ୍ୱରେ ବିପଜ୍ଜନକ ଅବସ୍ଥାରେ ଚାଲୁଛି ପରିବା ବଜାର

ବଅଁରପାଳ/ଅନୁଗୋଳ,୨୫ା୩(ଅମିତ କୁମାର ସାମଲ): ବଅଁରପାଳ ବ୍ଲକ କୁଲା଼ଡ ଏଫ୍‌ସିଆଇ ଛକରୁ ନାଲ୍‌କୋ ସିପିପିକୁ ସଂଯୋଗ କରୁଥିବା ରାସ୍ତାର ଉଭୟ ପାଖରେ ଚାଲିଛି ପରିବା ବଜାର। କରୋନା...

ଲୁଚାଚୋରାରେ ଘରୋଇ ଜାଗାରେ ପଡ଼ୁଛି ଅଳିଆ

ଅନୁଗୋଳ, ୨୨ା୩ (ଅମିତ କୁମାର ସାମଲ): ଅନୁଗୋଳ ସହରରୁ ବାହାରୁଥିବା ଆବର୍ଜନା କେଉଁଠାରେ ପକାଯିବ ତାହାକୁ ନେଇ ସୃଷ୍ଟି ହୋଇଥିବା ସମସ୍ୟାର ଏଯାଏ ସମାଧାନ ହୋଇପାରୁ...

ରାଜନୈତିକ ସମୀକରଣ ଦେଖି ରଣନୀତି

ଆଠମଲ୍ଲିକ,୨୨।୩(ଉଦୀପ୍ତ ପୁରୋହିତ): ସାଧାରଣ ନିର୍ବାଚନ ପାଇଁ ତାରିଖ ଘୋଷଣା ପରଠାରୁ ସମ୍ଭାବ୍ୟ ପ୍ରାର୍ଥୀଙ୍କୁ ନେଇ ସାଧାରଣରେ ବହୁ ଆଲୋଚନା ଚାଲିଛି। ଅନୁଗୋଳ ଜିଲାର ୫ଟି ବିଧାନସଭା...

ଜଙ୍ଗଲ ନିଆଁ ଆୟତ୍ତ କଲେ ଗାଁ ପିଲା

ପାଲଲହଡ଼ା,୨୦ା୩ (ଦିବ୍ୟଜ୍ୟୋତି ଦାଶ): ଖେଳକୁଦ କରିବା ବୟସରେ ୭ ଜଣ ପିଲା ଦେଖାଇଛନ୍ତି ସାହସିକତା। ସଚେତନ ମଣିଷଙ୍କ ପରି ସେମାନେ ବୁଦ୍ଧି ଖଟାଇ ଜଙ୍ଗଲ ନିଅଁାକୁ...

ଅନୁଗୋଳରେ ୨୭, ୬୨୫ ନୂଆ, ୭, ୭୪୮ ବରିଷ୍ଠ ମତଦାତା

ଅନୁଗୋଳ, ୧୮ା୩ (ଅମିତ କୁମାର ସାମଲ): ଅନୁଗୋଳ ଜିଲାରେ ଥିବା ବିଧାନସଭା ଆସନ ଏବଂ ଢେଙ୍କାନାଳ ଓ ସମ୍ବଲପୁର ଲୋକ ସଭା ଅଧୀନରେ ଆସୁଥିବା ନିର୍ବାଚନମଣ୍ଡଳୀରେ...

ଅନୁଗୋଳ ଜିଲାରେ ୧୬୫ ବୁଥ୍‌ ସମ୍ବେଦନଶୀଳ

ଅନୁଗୋଳ, ୧୮ା୩ (ଅମିତ କୁମାର ସାମଲ): ଅନୁଗୋଳ ଜିଲାରେ ନିର୍ବାଚନ ପ୍ରସ୍ତୁତି ସମ୍ପର୍କରେ ଜିଲାପାଳ ତଥା ଜିଲା ନିର୍ବାଚନ ଅଧିକାରୀ ମହମ୍ମଦ ଅବଦଲ ଅଖତାର ରବିବାର...

ଅନୁଗୋଳରେ ବିଗୁଡୁଛି ଆଇନଶୃଙ୍ଖଳା ସ୍ଥିତି

ଅନୁଗୋଳ, ୧୩।୩ (ଅମିତ କୁମାର ସାମଲ): ଅନୁଗୋଳ ଦେଇ ଯାଇଥିବା କଟକ-ସମ୍ବଲପୁର ୫୫ନଂ. ଜାତୀୟ ରାଜପଥ ସମ୍ପ୍ରସାରଣ କାର୍ଯ୍ୟ ଶେଷ ହେବାରେ ଅହେତୁକ ବିଳମ୍ବ ହେଉଛି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri