ଭୁବନେଶ୍ୱର,୩୦।୧୧(ବ୍ୟୁରୋ): ସିଏଜି ରିପୋର୍ଟକୁ ନେଇ ରାଜ୍ୟ ସରକାରଙ୍କୁ ଭାଜପାର ଟାର୍ଗେଟ। ଶନିବାର ଭାଜପା ନେତ୍ରୀ ଲେଖାଶ୍ରୀ ସାମନ୍ତସିଂହାର ଖବରଦାତା ସମ୍ମିଳନୀରେ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି। କାହା ସ୍ବାର୍ଥରେ ସରକାର ଖୋଲା ବଜାରରୁ ୧୨,୧୩୦ କୋଟି ଟଙ୍କାର ଋଣ ଆଣିଛନ୍ତି ବୋଲି ସେ ପ୍ରଶ୍ନ କରିଛନ୍ତି। ଏହାଛଡ଼ା ପୂର୍ତ୍ତ ବିଭାଗରେ ଟଙ୍କା ଖର୍ଚ୍ଚ ଦେଖାଇ ଏହାକୁ ଆତ୍ମସାତ କରାଯାଇଥିବା ସେ ଅଭିଯୋଗ କରିଛନ୍ତି।
ସେ କହିଛନ୍ତି, ୧ଶହ କିମି ରାସ୍ତା ପାଇଁ ୨୨୯ କୋଟି ମଞ୍ଜୁର ହୋଇଥିଲା। ହେଲେ ମାତ୍ର ୪୮ କିମି ରାସ୍ତା କରାଯାଇ ଟଙ୍କାକୁ ହଡ଼ପ କରାଯାଇଛି। ରାଜ୍ୟ ସରକାର ୧୩୦ କୋଟିରେ ଆଳୁ ମିଶନ ଆରମ୍ଭ କରିଥିଲେ ମାତ୍ର ଏଥିଲାଗି ୨୬ କୋଟି ଖର୍ଚ୍ଚ ହୋଇଛି। ଚିଟ୍ଫଣ୍ଡ ପାଇଁ ୩ଶହ କୋଟିର କର୍ପସ ପାଣ୍ଠି କରିଥିଲେ ହେଁ କାହାରିକୁ ଟଙ୍କା ଫେରାଯାଇନାହିଁ ବୋଲି ସେ ମଧ୍ୟ ଅଭିଯୋଗ କରିଛନ୍ତି।
