ଭୁବନେଶ୍ୱର,୨୦-୯(ବ୍ୟୁରୋ): ସାନିଟାରି ପ୍ୟାଡ୍ ବ୍ୟବହାର କ୍ଷେତ୍ରରେ ପଛୁଆ ରାଜ୍ୟଗୁଡିକ ତୁଳନାରେ ଓଡ଼ିଶା କିଛିଟା ଆଗୁଆ ରହିଛି। ଏଠାରେ ମହିଳାଙ୍କ ମଧ୍ୟରେ ପ୍ୟାଡ୍ ବ୍ୟବହାର ପରିମାଣ ପ୍ରାୟ ୧୨ରୁ ୧୩%। ସେହିଭଳି ରାଜ୍ୟରେ ଆଦିବାସୀ ବହୁଳ ଅଞ୍ଚଳରେ ଏଭଳି ପ୍ରଡକ୍ଟ ବ୍ୟବହାର ନେଇ ସଚେତନତା ବିଶେଷ ଭାବେ ପହଞ୍ଚିପାରି ନାହିଁ। ଓଡ଼ିଶାରେ ଅଧିକରୁ ଅଧିକ ଆଉଟଲେଟରେ ଏହି ପ୍ରଡକ୍ଟଗୁଡିକୁ ପହଞ୍ଚାଇବା ନେଇ ପଦକ୍ଷେପ ନିଆଯାଉଛି। ସାନିଟାରି ପ୍ୟାଡ୍ ବ୍ୟବହାର ନେଇ ସଚେତନତା ବୃଦ୍ଧି ଲାଗି ବିଭିନ୍ନ କ୍ୟାମ୍ପେନ ହାତକୁ ନିଆଯାଇଛି ବୋଲି ନାଇନ ସାନିଟାରି ପ୍ୟାଡ କମ୍ପାନୀର ସିଇଓ ରିଚା ସିଂ କହିଛନ୍ତି।
ଏଠାରେ ଏକ ଅନୁଷ୍ଠିତ ଖବରଦାତା ସମ୍ମିଳନୀରେ ସେ କହିଛନ୍ତି, ଓଡ଼ିଶା ସମେତ ପଞ୍ଜାବ ଏଜୁକେଶନ ବୋର୍ଡ, ନ୍ୟାଶନାଲ ହେଲ୍ଥ କମିଶନ ସହ ମିଳତ ଉତ୍ତର ପ୍ରଦେଶରେ ହୋଇ ସାନିଟାରି ନାପକିନ ବ୍ୟବହାରକୁ ଉତ୍ସାହିତ କରାଯାଉଛି। ସେହିଭଳି ଆଗାମୀ ଦିନରେ ଏଠାରେ ସରକାର ଏବଂ ଆଶା ଓ୍ବାର୍କରଙ୍କ ସହ ମିଶି କାମ କରିବାକୁ ଯୋଜନା ରଖିଛୁ। ଏବେ ଓଡ଼ିଶାରେ ୬ରୁ ୭ ହଜାର ଷ୍ଟୋରରେ କମ୍ପାନୀର ପ୍ରଡକ୍ଟ ଉପଲବ୍ଧ ହେଉଛି। ବର୍ତ୍ତମାନ ପ୍ରଡକ୍ଟର ଗୁଣବତ୍ତାକୁ ନେଇ ଲୋକଙ୍କ ମଧ୍ୟରେ ସଚେତନତା ମଧ୍ୟ ସୃଷ୍ଟି କରାଯାଉଥିବା ସେ କହିଛନ୍ତି।
ସେ କହିଛନ୍ତି ଯେ, ବର୍ତ୍ତମାନ ଦେଶର ୧୮% ମହିଳା ଏବଂ ଯୁବତୀଙ୍କ ନିକଟରେ ସାନିଟାରି ନାପକିନ ପହଞ୍ଚିଛି। ଏବେ ବି ସିଂହଭାଗ ଲୋକଙ୍କ ନିକଟରେ ଏହି ପ୍ରଡକ୍ଟ ପହଞ୍ଚି ନାହିଁ। ଏହି ଅଂଶ ମଧ୍ୟରୁ ସାନିଟାରି ପ୍ୟାଡ୍ ବ୍ୟବହାର କରିବା ନେଇ ସମ୍ଭାବନା ରହିଥିବା ମହିଳା ଏବଂ ଯୁବତୀଙ୍କ ଅଂଶ ପ୍ରାୟ ୪୦% ହେବ। ଏମାନଙ୍କ ନିକଟରେ ପ୍ରଡକ୍ଟ ପହଞ୍ଚାଇବା ଯୋଜନା ରହିଛି। ସେହିଭଳି ଏନ୍ଜିଓ ଏବଂ ସରକାରଙ୍କ ସହାୟତାରେ ଶସ୍ତାରେ ପ୍ୟାଡ୍ ଯୋଗାଇବାକୁ ଯୋଜନା ରଖିଛୁ। ପ୍ୟାଡ୍ ବ୍ୟବହାର ନେଇ ସଚେତନତା ବଢାଇବାକୁ ହେବ। କେବଳ ଗାଁ ନୁହେଁ ସହରରେ ମଧ୍ୟ ପ୍ୟାଡ ବ୍ୟବହାର ନେଇ ସଙ୍କୋଚ ଦେଖାଯାଉଛି। ଏହାର ଦୂରୀକରଣ ନେଇ ନାଇନ୍ କାର୍ଯ୍ୟ କରୁଛି।
ରାଜ୍ୟରେ କମ୍ପାନୀର ଉପସ୍ଥିତି ସମ୍ପର୍କରେ ସୂଚନା ଦେଇ ସେ କହିଛନ୍ତି, କମ୍ପାନୀ ବର୍ତ୍ତମାନ ସାରା ଦେଶରେ ୨୦୦ କୋଟି ଟଙ୍କାର କାରବାର କରୁଛି। ଆଗାମୀ ୫ ବର୍ଷରେ ୧୦୦୦ କୋଟି ଟଙ୍କାର ବ୍ୟବସାୟ ଲକ୍ଷ୍ୟ ରହିଛି। ୯ ରାଜ୍ୟରେ ପ୍ରଡକ୍ଟ ଉପଲବ୍ଧ କରାଯାଉଛି। ଚଳିତ ବର୍ଷ ଆଉ ଅଧିକ ରାଜ୍ୟରେ ପ୍ରଡକ୍ଟ ଉପଲବ୍ଧ କରାଇବା ଲାଗି ପଦକ୍ଷେପ ନିଆଯାଉଛି। ୨ଟି ୟୁନିଟ ସହ ଉତ୍ପାଦନ ପ୍ରକ୍ରିୟା ଚାଲୁ ରହିଥିବା ବେଳେ ବାର୍ଷିକ ୯୦ କୋଟି ପ୍ୟାଡ ଉତ୍ପାଦନ ହେଉଛି। ବତ୍ତର୍ମାନ ୧୧୦୦ ଲୋକ କମ୍ପାନୀରେ କାମ କରୁଛନ୍ତି। ଗୁଣବତ୍ତା ପ୍ରଡକ୍ଟକୁ ପ୍ରାଥମିକତା ଦିଆଯାଉଥିବା ବେଳେ ସର୍ବୋତ୍ତମ କଞ୍ଚାମାଲକୁ ଚୟନ କରୁଛୁ। ପ୍ଲାଣ୍ଟରେ ଅଭିଜ୍ଞ ତଥା ତାଲିମ ପ୍ରାପ୍ତ ଶ୍ରମ ଶକ୍ତିଙ୍କୁ ନିଯୁକ୍ତ କରୁଛୁ। ପ୍ରଡକ୍ଟ ପ୍ରସ୍ତୁତି ପରେ ଏହାର ଗୁଣବତ୍ତାର ତ୍ୱରିତ ପରୀକ୍ଷା କରାଯାଉଛି।
