ମୁମ୍ବାଇ: ଗତ କିଛି ଦିନରୁ ମୋଷ୍ଟ ପପୁଲାର ଶୋ’ ‘ମେନ୍ ଭର୍ସେସ୍ ଓ୍ବାଇଲ୍ଡ’ରେ ସାଉଥ୍ ସୁପରଷ୍ଟାର ରଜନୀକାନ୍ତ ଶୁଟିଂ କରି ଚର୍ଚ୍ଚାର ପରିସରକୁ ଆସିଥିଲେ। ବହୁ ପ୍ରତିକ୍ଷୀତ ଏହି ଏପିସୋଡ୍ର ଏବେ ଟିଜର ରିଲିଜ୍ ହୋଇଛି। ଡିସକଭରି ଚ୍ୟାନେଲ ଶୋ’ର ଏହି ଟିଜରକୁ ଟୁଇଟ କରି ଶେୟାର କରିଛି। ଏଥିସହ କ୍ୟାପଶନ୍ରେ ଲେଖାଅଛି, ଓ୍ବାଇଲ୍ଡ ଲାଇଫ୍ର ଏକ୍ସପର୍ଟ ବିୟର ଗ୍ରୀଲ୍ସଙ୍କ ସହ ସାଉଥ୍ ସୁପରଷ୍ଟାର ରଜନୀକାନ୍ତ ନେଇକି ଆସୁଛନ୍ତି ଆକ୍ସନରେ ଭରପୂର ଆଡ୍ଭେଞ୍ଚର। ଟିଜର ରିଲିଜ୍ ହେବା ପରେ ପ୍ରଶଂସକ ଏହାକୁ ବେଶ୍ ପସନ୍ଦ କରିଥିବା ବେଳେ ଏହା କେବେ ଟେଲିକାଷ୍ଟ ହେବ ସେନେଇ ବହୁ ଉତ୍କଣ୍ଠା ସହ ଦର୍ଶକ ଅପେକ୍ଷା କରି ରହିଛନ୍ତି। ରିଲିଜ୍ ପରଠାରୁ ଏହାର ଟିଜର ଏବେ ସୋସିଆଲ ମିଡିଆରେ ଭାଇରାଲ ହୋଇଥିବା ବେଳେ ଏହାକୁ ଏପର୍ଯ୍ୟନ୍ତ ଲକ୍ଷାଧିକ ଲୋକ ଦେଖିସାରିଲେଣି। ଯେଉଁଥିରେ ରଜନୀକାନ୍ତ ଭିନ୍ନ ଅନ୍ଦାଜରେ ନଜର ଆସିଛନ୍ତି। ଏହି ଏପିସୋଡ୍ର ପୁରା ଶୁଟିଂ କର୍ନାଟକର ବାନ୍ଦିପୁର ଟାଇଗର ରିଜର୍ଭରେ କରାଯାଇଛି।
