ଭୁବନେଶ୍ୱର, ୧୨ା୫(ବ୍ୟୁରୋ)- କରୋନା ମୁକାବିଲା ପାଇଁ ସାରା ଦେଶରେ ଲକଡାଉନ ଘୋଷଣା କରାଯାଇଛି। ସଂକ୍ରମଣକୁ ଦୃଷ୍ଟିରେ ରଖି ଭାରତୀୟ ରେଳ ବିଭାଗ ପକ୍ଷରୁ ସମସ୍ତ ଟ୍ରନ ଚଳଚଳକୁ ବନ୍ଦ କରାଯାଇଥିଲା। ତେବେ ବୁଧବାରଠାରୁ ନୂଆଦିଲ୍ଲୀରୁ ଦେଶର ୧୫ ଟି ସହରକୁ ୧୫ ଟି ସ୍ବତନ୍ତ୍ର ଟ୍ରେନ ଚଳାଚଳ କରିବ। ଏହି ସମୟରେ ଭୁବନେଶ୍ୱରରୁ ଦିଲ୍ଲୀ ଅଭିମୁଖେ ଯାତ୍ରା କରିବାକୁ ଥିବା ସ୍ବତନ୍ତ୍ର ଏସି ଟ୍ରେନରେ ଆଉ ୫ଟି କୋଚ ଯୋଡା ଯାଇଛି।
ରେଳବାଇ ସୂତ୍ରରୁ ପ୍ରକାଶ ଯେ, ଭୁବନେଶ୍ୱର-ଦିଲ୍ଲୀ ସ୍ବତନ୍ତ୍ର ଟ୍ରେନରେ ତୃତୀୟ ଏସିର ଚାରିଟି କୋଚ ଏବଂ ଦ୍ୱିତୀୟ ଏସିର ଗୋଟିଏ କୋଚ ଯୋଡାଯାଇଛି। ଏହି ଟ୍ରେନ ବୁଧବାର ଦିଲ୍ଲୀ ଅଭିମୁଖେ ବାହାରିବ। ପୂର୍ବରୁ ୧୭ ଟି କୋଚ ସହ ଟ୍ରେନ ଛାଡିବାକୁ ନିଷ୍ପତ୍ତି ହୋଇଥିଲା। ମାତ୍ର ଟିକେଟ ଚାହିଦା ପରେ ଏହାକୁ ୨୨କୁ ବୃଦ୍ଧି କରାଯାଇଛି ବୋଲି ରେଳବାଇ ପକ୍ଷରୁ କୁହାଯାଇଛି।
