‘ଭାରତ-ପାକିସ୍ତାନ ମ୍ୟାଚ ଅପେକ୍ଷା ମୋ ମା’ ଅଧିକ ଗୁରୁତ୍ୱପୂର୍ଣ୍ଣ’
2:52 pmOctober 13, 2023 / 07

ଅହମ୍ମଦାବାଦ,୧୩।୧୦: ଦିନିକିଆ ବିଶ୍ୱକପ ୨୦୨୩ରେ ଟିମ ଇଣ୍ଡିଆର ପରବର୍ତ୍ତୀ ମ୍ୟାଚ ପାକିସ୍ତାନ ସହ ଅଛି। ସମଗ୍ର ବିଶ୍ୱରେ କ୍ରିକେଟ ପ୍ରଶଂସକମାନେ ଏହି ମ୍ୟାଚ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି। ତେବେ ଭାରତୀୟ ଦ୍ରୁତ ବୋଲର ଜଶପ୍ରୀତ ବୁମ୍‌ରା କହିଛନ୍ତି ଯେ, ଏହି ମ୍ୟାଚ ଅପେକ୍ଷା ତାଙ୍କ ମା’ ତାଙ୍କ ପାଇଁ ଅଧିକ ଗୁରୁତ୍ୱପୂର୍ଣ୍ଣ।
ବୁମରା ନିଜ ଘର ଅହମ୍ମଦାବାଦରେ ବିଶ୍ୱର ସର୍ବବୃହତ କ୍ରିକେଟ ଷ୍ଟାଡିୟମରେ ୧୩୨,୦୦୦ ପ୍ରଶଂସକଙ୍କ ସାମ୍ନାରେ ପାକିସ୍ତାନ ବିପକ୍ଷରେ ଖେଳିବେ। ତେବେ ୨୯ ବର୍ଷୀୟ ଦ୍ରୁତ ବୋଲରଙ୍କ ପାଇଁ ପରିବାର ପ୍ରଥମେ ଆସେ। ବୁଧବାର ଆଫଗାନିସ୍ତାନ ବିପକ୍ଷରେ ଭାରତ ଏକ ଆଠ ଉଇକେଟ ବିଜୟ ହାସଲ କରିଛି। ଏଥିରେ ବୁମ୍‌ରା ୩୯ ରନ ଦେଇ ଚାରିଟି ଉଇକେଟ ନେଇ ଭାରତର ବିଜୟରେ ଉଲ୍ଲେଖନୀୟ ଅବଦାନ ଦେଇଥିଲେ। ଏହି ମ୍ୟାଚ ପରେ ସେ କହିଛନ୍ତି,ମୁଁ କିଛି ସମୟ ଦିନ ହେବ ବାହାରେ ଅଛି। ଘରେ ମା’ଙ୍କୁ ଦେଖି ମୁଁ ଖୁସି ହେବି। ମୁଁ ସେମାନଙ୍କୁ ଦେଖିବାକୁ ଯାଉଛି। ଏହା ମୋ ପାଇଁ ପ୍ରଥମ ଗୁରୁତ୍ୱପୂର୍ଣ୍ଣ ବିଷୟ। ଏହା ପରେ ହିଁ ବୁମ୍‌ରା ଅହମ୍ମଦାବାଦରେ ପାକିସ୍ତାନ ବିପକ୍ଷ ମ୍ୟାଚ୍‌ ଖେଳିବେ।
୫ ବର୍ଷ ବୟସ ପୂର୍ବରୁ ତାଙ୍କ ବାପା ହଠାତ୍‌ ମୃତ୍ୟୁବରଣ କରିବା ପରେ, ବୁମ୍‌ରାଙ୍କୁ ତାଙ୍କ ମା’ ଦଲଜିତ୍‌ ଲାଳନପାଳନ କରିଥିଲେ। ଦଲଜିତ୍‌ ଜଣେ ସ୍କୁଲ ପ୍ରିନ୍ସପାଲ।