ନୂଆଦିଲ୍ଲୀ,୪।୭(ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଭାରତ ଏ’ ଦଳ ଘୋଷଣା କରିଛି। ଏହି ଦଳରେ କେତୋଟି ପରିବର୍ତ୍ତନ କରାଯାଇଛି। ଆଗାମୀ ଓ୍ବେଷ୍ଟଇଣ୍ଡିଜ ଏ’ ଗସ୍ତ ପାଇଁ ବୁଧବାର ଏକ ୧୫ଜଣିଆ ଦଳ ଘୋଷଣା କରାଯାଇଛି। ମହାରାଷ୍ଟ୍ରର ୨୨ ବର୍ଷୀୟ ବ୍ୟାଟ୍ସମ୍ୟାନ ଋତୁରାଜ ଦଳରେ ସ୍ଥାନ ପାଇଛନ୍ତି। ପୃଥ୍ବୀ ଶ ଆହତ ହୋଇଥିବାରୁ ତାଙ୍କ ସ୍ଥାନରେ ଋତୁରାଜଙ୍କୁ ସୁଯୋଗ ମିଳିଛି। ସେହିପରି ମୟଙ୍କ ଅଗ୍ରଓ୍ବାଲ ଓ ରିଷଭ ପନ୍ତଙ୍କ ସ୍ଥାନରେ ଅନମୋଲପ୍ରୀତ ଓ ଇଶାନ କିଷନଙ୍କୁ ଦଳରେ ସାମିଲ କରାଯାଇଛି। ମୟଙ୍କ ଓ ରିଷଭ ଏବେ ଇଂଲଣ୍ଡରେ ଚାଲିଥିବା ବିଶ୍ୱକପ୍ରେ ଭାରତୀୟ ଦଳରେ ସାମିଲ ହୋଇଛନ୍ତି। ମନୀଷ ପାଣ୍ଡେଙ୍କୁ ଭାରତ ଏ’ ଦଳରେ ନେତୃତ୍ୱ ପ୍ରଦାନ କରାଯାଇଛି। ଓ୍ବେଷ୍ଟଇଣ୍ଡିଜ ଗସ୍ତରେ ଯାଇ ଭାରତ ଏ’ ଦଳ ୫ଟି ଅନ୍ଅଫିସିଆଲ ଦିନିକିଆ ଓ ୩ଟି ଟେଷ୍ଟ ଖେଳିବ। ଜୁଲାଇ ୧୧ ତାରିଖରୁ ଭାରତ ଏ’ ଦଳ ଅଭିଯାନ ଆରମ୍ଭ କରିବ।
ପରିବର୍ତ୍ତିତ ଭାରତ ଏ ଦଳ: ମନୀଷ ପାଣ୍ଡେ (ଅଧିନାୟକ), ଋତୁରାଜ ଗାଏକ୍ୱାଡ, ଅନମୋଲପ୍ରୀତ ସିଂ, ଶୁବମନ ଗିଲ, ଶ୍ରେୟାସ ଆୟାର, ହନୁମା ବିହାରୀ, ଇଶାନ କିଷନ (ଉଇକେଟ କିପର), ରାହୁଲ ଚହର, ଓ୍ବାଶିଂଟନ ସୁନ୍ଦର, ଅକ୍ଷର ପଟେଲ, କ୍ରୁନାଲ ପାଣ୍ଡ୍ୟା, ଦୀପକ ଚହର, ଖଲିଲ ଅହମଦ, ଆଭେସ ଖାଁ ଓ ନବଦୀପ ସଇନି।
