ନୂଆଦିଲ୍ଲୀ,୨୭।୧: ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଓ ଦିଲ୍ଲୀର ଭାଜପା ମୁଖ୍ୟ ମନୋଜ ତିଓ୍ବାରୀଙ୍କ ଏକ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଫଟୋରେ ଶାହା ଓ ମନୋଜ ଭୋଜନ କରୁଥିବାର ଦେଖିବାକୁ ମିଳିଛି। ଅପରପକ୍ଷେ ଏହି ଫଟୋକୁ ନେଇ ବଲିଉଡ୍ ଅଭିନେତ୍ରୀ ଶାହାଙ୍କୁ ଟାର୍ଗେଟ କରିଛନ୍ତି। ସୂଚନାଯୋଗ୍ୟ, ଯମୁନା ବିହାରରେ ରହୁଥିବା ଜଣେ ଭାଜପା କର୍ମକର୍ତ୍ତାଙ୍କ ଘରେ ଶାହା ଓ ମନୋଜ ରାତ୍ରୀ ଭୋଜନ କରିଥିଲେ। ସେହି ସମୟର ଏକ ଫଟୋକୁ ଟୁଇଟରରେ ଶେୟାର କରାଯାଇଥିଲା।
ଏଥିରେ ତାଙ୍କ ଥାଳିରେ ଡାଲି, ରୁଟି ଓ ତରକାରି ପରସାଯାଇଥିବା ଦେଖିବାକୁ ମିଳିଛି। ପରସାଯାଇଥିବା ସମସ୍ତ ବାସନଗୁଡ଼ିକ ନୂତନ ଭଳି ଦେଖାଯାଉଥିବାରୁ ଏହାକୁ ନେଇ ବଲିଉଡ୍ ଅଭିନେତ୍ରୀ ସୟାନି ଗୁପ୍ତା ଶାହା ଓ ମନୋଜଙ୍କୁ ଟାର୍ଗେଟ କରିଛନ୍ତି। ଏଥିସହ ସେ କହିଛନ୍ତି, ମୋତେ ଫିଲ୍ମ ‘ଆର୍ଟିକଲ-୧୫’ର ଏକ ସଂଳାପ ମନେପଡ଼ୁଛି। ଯେଉଁଥିରେ କୁହାଯାଇଛି, ମହନ୍ତ ନିଜ ଘରୁ ଖାଦ୍ୟ ଆଣିବା ସହ ବାସନ ମଧ୍ୟ ଆଣିଛନ୍ତି। ସୟାନିଙ୍କ ଏହି ବୟାନ ଏବେ ଚର୍ଚ୍ଚାର ବିଷୟ ପାଲଟିଛି।
