ଖଣ୍ଡପଡା,୨୨।୬(ସ୍ବ.ପ୍ର.): ବିଦ୍ୟାଳୟ ସ୍ଥାନାନ୍ତରକୁ ନେଇ ସିଘାଂପଡା ପଞ୍ଚାୟତ ଅନ୍ତର୍ଗତ ଖୁଣ୍ଟୁବନ୍ଧ ପ୍ରାଥମିକ ବିଦ୍ୟାଳୟର ସମସ୍ତ ଛାତ୍ରୀଛାତ୍ର ଓ ଅଭିଭାବକଙ୍କ ମଧ୍ୟରେ ଶୁକ୍ରବାର ଅସନ୍ତୋଷ ପ୍ରକାଶ ପାଇଥିଲା। ଏ ନେଇ ସେମାନେ ବିଦ୍ୟାଳୟ ସମ୍ମୁଖରେ ଧାରଣା ଦେଇଥିଲେ। ପରେ ଉକ୍ତ ବିଦ୍ୟାଳୟ ଖୋଲାଯାଇ ସେଠାରେ ଛାତ୍ରୀଛାତ୍ରଙ୍କୁ ପାଠ ପଢିବାର ସୁଯୋଗ ଦିଆଯିବ ବୋଲି ପ୍ରତିଶ୍ରୁତି ମିଳିବା ପରେ ଧାରଣା ପ୍ରତ୍ୟାହୃତ ହୋଇଥିଲା।
ଅନେକ ବିଦ୍ୟାଳୟର ଉପସ୍ଥାନ ଆଶାତୀତ ଭାବରେ ହ୍ରାସ ପାଉଥିବାରୁ ଶିକ୍ଷା ବିଭାଗ ନିର୍ଦ୍ଦେଶକ୍ରମେ ଖଣ୍ଡପଡା ବ୍ଳକ ଅନ୍ତର୍ଗତ ୩୨ବିଦ୍ୟାଳୟକୁ ନିକଟରେ ଥିବା ବିଦ୍ୟାଳୟ ଗୁଡିକରେ ସାମିଲ କରି ନୋଡାଲ ସ୍କୁଲର ମାନ୍ୟତା ଦିଆଯାଇଛି। ଏହି କ୍ରମରେ ସିଂଘାପଡା ପଞ୍ଚାୟତ ଅନ୍ତର୍ଗତ ଖୁଣ୍ଟୁବନ୍ଧ ପ୍ରାଥମିକ ବିଦ୍ୟାଳୟରେ ପିଲାମାନଙ୍କ ସଂଖ୍ୟା ପ୍ରତିବର୍ଷ ଆଶାତୀତ ଭାବେ ହ୍ରାସ ପାଉଥିବାରୁ ଉକ୍ତ ବିଦ୍ୟାଳୟକୁ ପ୍ରାୟ ଏକ କିଲୋ ମିଟର ଦୂରରେ ଥିବା ବେଡାଙ୍ଗୀ ପ୍ରାଥମିକ ବିଦ୍ୟାଳୟରେ ସାମିଲ କରାଯାଇଛି। ଏହି ନିୟମକୁ ସ୍ଥାନୀୟ ଗ୍ରାମବାସୀ ତୀବ୍ର ବିରୋଧ କରି ଆସୁଥିଲେ ା ତେବେ ସରକାରଙ୍କ ଏହି ନିୟମକୁ କଡାକଡି କରି ଗତ ୧୯ ତାରିଖରେ ସଂପୃକ୍ତ ବିଦ୍ୟାଳୟକୁ ବେଡାଙ୍ଗୀ ବିଦ୍ୟାଳୟରେ ସାମିଲ କରାଯିବାକୁ ନିର୍ଦ୍ଦେଶ ଦିଆଯାଇଥିଲା। ଉକ୍ତ ବିଦ୍ୟାଳୟରେ ୧ମରୁ ୫ମ ଶ୍ରେଣୀ ପର୍ଯ୍ୟନ୍ତ ଅଧ୍ୟୟନ କରୁଥିବା ଛାତ୍ରୀଛାତ୍ରଙ୍କ ସଂଖ୍ୟା ୧୯ ରହିଥିବା ବେଳେ କୋସକା- ଖଳିସାହି ମୁଖ୍ୟ ପୂର୍ତ୍ତ ବିଭାଗ ରାସ୍ତାରେ ପିଲାମାନେ ଏକ କଲୋମିଟର ଦୂର ବେଡାଙ୍ଗୀ ବିଦ୍ୟାଳୟକୁ ଯିବା ବିପଦପୂର୍ଣ୍ଣ ବୋଲି ଅଭିଭାବକମାନେ ଅଭିଯୋଗ କରିଛନ୍ତି। ଉକ୍ତ ବିଦ୍ୟାଳୟଟି ଶିକ୍ଷା ବିଭାଗ ନିର୍ଦ୍ଦେଶ କ୍ରମେ ବନ୍ଦ ରହିଥିବା ବେଳେ ଶୁକ୍ରବାର ସବୁ ସ୍କୁଲ ଖୋଲୁ ଥିବାରୁ ଖୁଣ୍ଟୁବନ୍ଧ ପ୍ରାଥମିକ ବିଦ୍ୟାଳୟର ପିଲାମାନେ ପୂର୍ବାହ୍ନ ୧୦ଟାରେ ଅନ୍ୟତ୍ର ନଯାଇ ଏଠାକୁ ଆସିଥିଲେ। ଅଭିଭାବକମାନେ ମଧ୍ୟ ସେଠାରେ ଧାରଣା ଦେଇଥିଲେ। ଖଣ୍ଡପଡା ଶିକ୍ଷାଧିକାରୀ ଅଭିଯୋଗ ପାଇବା ପରେ ଅପରାହ୍ନ ପ୍ରାୟ ୨ଟାରେ ପିଲାମାନଙ୍କୁ ଉକ୍ତ ବିଦ୍ୟାଳୟରେ ମଧ୍ୟାହ୍ନ ଭୋଜନ ପ୍ରସ୍ତୁତ କରି ଦିଆଯାଇଥିଲା ା ଏ ସମ୍ପର୍କରେ ବ୍ଳକ ଶିକ୍ଷାଧିକାରୀ ଚନ୍ଦନ ରଥଙ୍କ ସହ ଯୋଗାଯୋଗ କରିବାରେ ଶିକ୍ଷା ବିଭାଗର ନିର୍ଦ୍ଦେଶ ଆମକୁ କାର୍ଯ୍ୟକାରୀ କରିବାକୁ ପଡିବ। ତେବେ ଗ୍ରାମବାସୀ, ଅଭିଭାବକମାନେ ଜିଦ୍ ଧରିବାରୁ ପିଲାମାନଙ୍କୁ ସେଠାରେ ଏବେ ପଢିବାର ବ୍ୟବସ୍ଥା କରିଛୁ ବୋଲି ରଥ ସୂଚନା ଦେଇଥିଲେ ା (ଫଟୋ ପଠାଇଛି)
