ବରୀ,୧୦।୮(ସ୍ବ.ପ୍ର.): ଗଣଶିକ୍ଷା ବିଭାଗର ନିର୍ଦ୍ଦେଶ କ୍ରମେ ଯାଜପୁର ଜିଲା ବରୀ ବ୍ଲକରେ ୨୧୮ ବିଦ୍ୟାଳୟରେ ୧ା୧ା୨୦୧୧ରୁ ରେଗୁଲାର ହୋଇଥିବା ଶିକ୍ଷୟିତ୍ରୀ ଓ ଶିକ୍ଷକଙ୍କର ସାର୍ଟିଫିକେଟ ଯାଞ୍ଚପ୍ରକ୍ରିୟା ଆରମ୍ଭ ହୋଇଛି। ଏହି ଯାଞ୍ଚ ପ୍ରକ୍ରିୟା ଗତ ୫ ତାରିଖରୁ ଆରମ୍ଭ ହୋଇଥିବାବେଳେ ଆସନ୍ତା ମଙ୍ଗଳବାର ଶେଷ ହେବ। ଶୁକ୍ରବାର ସୁଦ୍ଧା ୧୫୫ ଜଣ ଶିକ୍ଷୟିତ୍ରୀ ଓ ଶିକ୍ଷକଙ୍କର ସାର୍ଟି ଫିକେଟ ଯାଞ୍ଚ କରାଯାଇଛି। ମୋଟ ୨୪୩ ଜଣଙ୍କ ସାର୍ଟିଫିକେଟ ଯାଞ୍ଚ କରାଯିବ। ଏଥିନିମନ୍ତେ ୨ଟି ଟିମ୍ ଗଠନ କରାଯାଇଛି। ଏହି ଟିମ୍ରେ ୨ ଜଣ ଏବିଓ ଙ୍କ ସହିତ ୨ ଜଣ କିରାଣି ରହିଛନ୍ତି। ସାର୍ଟିଫିକେଟଗୁଡିକ ଯାଞ୍ଚ ପରେ ପାସ୍ କରିଥିବା ଅନୁଷ୍ଠାନଗୁଡିକୁ ପ୍ରମାଣ ପାଇଁ ପଠାଇଦିଆଯିବ ବୋଲି ବ୍ଲକ ଶିକ୍ଷାଧିକାରୀ ଅଭୟ କୁମାର ବେହେରା କହିଛନ୍ତି। ତେବେ ୧୯୯୧ରୁ ଘରୋଇ ବିଇଡି ଉଠିଯାଇଥିଲାବେଳେ ୧୯୯୫ପରେ ବିଏ ପାସ୍ କରି ଘରୋଇ ବିଇଡି ସାର୍ଟିଫିକେଟ ହାତେଇ ଥିବା ଆଲୋଚନା ହେଉଛି। ସେହିପରି ସିଟି, ବିଇଡି ମାର୍କ ଟ୍ୟାମ୍ପରିଂ କରି କେତେକ ନିଯୁକ୍ତି ପାଇଥିବା ଆଲୋଚନା ହେଉଛି। ଏ ସଂକ୍ରାନ୍ତରେ ବ୍ଲକ ଶିକ୍ଷାଧିକାରୀଙ୍କୁ ପଚାରିବାରୁ ଯାଞ୍ଚ ପ୍ରକ୍ରିୟା ଚାଲୁ ରହିଛି। କୌଣସି ତ୍ରୁଟିପୂର୍ଣ୍ଣ ଥିବା ସାର୍ଟିଫିକେଟ ହସ୍ତଗତ ହୋଇନାହିଁ ବୋଲି କହିଛନ୍ତି।
