ପୂର୍ବରୁ ଅଧିକାଂଶ ମହିଳା ନିଜ ଚୁଟିରେ ଖୋସା କରିଥାନ୍ତି। ତାହା ଏବେ ଆଉ ସେମିତି ଦେଖିବାକୁ ମିଳୁ ନ ଥିବା ବେଳେ ଚୁଟିରେ ବନ କରିବା ଯୁବତୀମାନଙ୍କ ପାଇଁ ଟ୍ରେଣ୍ଡ ହୋଇଗଲାଣି। କିଛି ମହିଳା ଫ୍ୟାଶନ ପାଇଁ ଖୋସା କରୁଥିବା ବେଳେ ଆଉ କିଛି ମହିଳା ସର୍ବଦା ଚୁଟି ବାନ୍ଧି ରଖିଥାନ୍ତି। କିନ୍ତୁ ସର୍ବଦା ଖୋସା କରିବା ଆମ କେଶ ପାଇଁ କ୍ଷତିକାରକ ହୋଇଥାଏ ବୋଲି ଆପଣ ଜାଣିଛନ୍ତି କି। ଆସନ୍ତୁ ଜାଣିବା କିଛି କାରଣ…
*ବାରମ୍ବାର ଖୋସା କରିବା ଦ୍ୱାରା ଆଗ ଚୁଟି ଝଡିବା ସହ ମଥା ଚଉଡା ଦେଖାଯାଇଥାଏ। ଖୋସା କରିବା ଦ୍ୱାରା ମୁଣ୍ଡର ଉପର ଭାଗ ଖୁବ ତେଲିଆ ମଧ୍ୟ ଦେଖାଯାଇଥାଏ।
*ଖୋସା କରିବା ଦ୍ୱାରା ଚୁଟି ପଛ ଆଡ଼କୁ ଟାଣି ହୋଇଥାଏ ଓ ମୂଳରୁ ଦୁର୍ବଳ ହୋଇଥାଏ। ଏହି କାରଣରୁ ଚୁଟି ଝଡ଼ିବା ସମସ୍ୟା ଦେଖାଦେଇଥାଏ।
*ଚୁଟିକୁ ସର୍ବଦା ବାନ୍ଧି ରଖିବା ଦ୍ୱାରା ଚୁଟିମୂଳର ଝାଳ କେବେ ଶୁଖି ନଥାଏ। ଆଉ କିଛି କିଛି ମହିଳାମାନେ କେଶ ଧୋଇବା ପରେ ତାହାକୁ ଭଲଭାବେ ଶୁଖିବାକୁ ଦିଅନ୍ତି ନାହିଁ ଓ ଖୋସା କରିଦେଇଥାଆନ୍ତି। ଏହାଦ୍ୱାରା କେଶକୁ ପବନ ବାଜିନଥାଏ ଏବଂ ଏଥିରୁ ଦୁର୍ଗନ୍ଧ ବାହାରିବା ସହ ଉକୁଣି ହେବାର ସମ୍ଭାବନା ରହିଥାଏ।
*ସେହିପରି ଚୁଟି ବନ୍ଧାହେବା କାରଣରୁ ଚୁଟିର ଚମକ କମ୍ ହୋଇଥାଏ। ସେଥିପାଇଁ ନିୟମିତ ଖୋସା କରିବା ବ୍ୟତୀତ କେବେ କେବେ ଏହାକୁ ଖୋଲା ଛାଡ଼ିଦିଅନ୍ତୁ।
*ସର୍ବଦା ଚୁଟିକୁ ବାନ୍ଧି ରଖିବା ଦ୍ୱାରା ଏହା ତେଲିଆ ହୋଇଥାଏ। ଯେଉଁ କାରଣରୁ ଚୁଟିରେ ରୂପି ସମସ୍ୟା ଦେଖାଦେଇଥାଏ।
