ବଅଁରପାଳ, ୩ା୬(ଡି.ଏନ.ଏ.) ବଅଁରପାଳ ବ୍ଲକ ଗିରାଙ୍ଗ ସିପିପି ରାସ୍ତାପାର୍ଶ୍ୱରେ ଥିବା ବିଦ୍ୟୁତ୍ ଟ୍ରାନ୍ସଫର୍ମରଟି ୨ ଦିନ ହେଲା ପୋଡିଯାଇଛି। ଫଳରେ ଏହା ଉପରେ ନିର୍ଭରଶୀଳ ୩ ସାହିବାସୀ ଅନ୍ଧାରରେ ରହୁଛନ୍ତି। ପ୍ରବଳ ଗରମ ଗୁଳୁଗୁଳିରେ ସାହିର ପ୍ରାୟ ୪୦ ଉପଭୋକ୍ତା ହନ୍ତସନ୍ତ ହେଉଛନ୍ତି। ଏଥିସହ ଏବେ ବିଭିନ୍ନ ପରୀକ୍ଷା ଦେବାକୁ ଥିବା ଛାତ୍ରୀଛାତ୍ରମାନେ ପାଠପଢିପାରୁନାହାନ୍ତି। ବିଦ୍ୟୁତ୍ ଚୋରି କରୁଥିବାରୁ ଟ୍ରାନ୍ସଫର୍ମର ଉପରେ ଲୋଡ୍ ପଡୁଥିବା ସାହିବାସୀ ଅଭିଯୋଗ କରିଛନ୍ତି। ଫଳରେ ଅନେକ ସମୟରେ ଏହା ପୋଡିଯାଉଛି। ତେଣୁ କେବୁଲ ଯୋଗେ ଲୋକଙ୍କୁ ବିଦ୍ୟୁତ୍ ଯୋଗାଇଦେବା ସହ ତୁରନ୍ତ ଟ୍ରାନ୍ସଫର୍ମର ମରାମତି କରାଯିବାକୁ ସାହିବାସୀ ଦାବି କରିଛନ୍ତି।
