ପୁରୀ ଅଫିସ,୨୯।୧: ପୁରୀ ବେଳାଭୂମିରେ ମଙ୍ଗଳବାର ବିଳମ୍ବିତ ରାତିରେ ଜଣେ ନିଶାସକ୍ତ ଯୁବତୀଙ୍କୁ ଦୁଇ ଜଣ ସ୍ଥାନୀୟ ଯୁବକ ବଳାତ୍କାର ଉଦ୍ୟମ କରିଛନ୍ତି। କିଛି ଯୁବକ ତାଙ୍କୁ ଧରି ସମୁଦ୍ରକୂଳ ଥାନାରେ ଜିମା ଦେଇଛନ୍ତି।
ପ୍ରକାଶ ଯେ, କଂଗ୍ରେସ ଯୁବନେତା ସ୍ବାଧୀନ ପଣ୍ଡା ତାଙ୍କ ବନ୍ଧୁଙ୍କ ସହ ସ୍ବର୍ଗଦ୍ବାର ପଟୁ ବାଇକ୍ରେ ଘରକୁ ଫେରୁଥିଲେ। ଦିଗବାରେଣୀ ଖୁଣ୍ଟି ନିକଟ ବେଳାଭୂମିରେ ଅଚେତ ଅବସ୍ଥାରେ ପଡିଥିବା ଜଣେ ଯୁବତୀଙ୍କୁ ଦୁଇ ଜଣ ଯୁବକ ବଳାତ୍କାର ଉଦ୍ୟମବେଳେ ଚିତ୍କାର ଶୁଣି ସ୍ବାଧୀନ ଅଟକିଥିଲେ। ଯୁବକ ଦ୍ବୟ ଖସିଯିବାକୁ ଉଦ୍ୟମ କରୁଥିବାବେଳେ ସେମାନଙ୍କୁ ଧରିବାରେ ସ୍ବାଧୀନ ଏବଂ ତାଙ୍କ ସାଙ୍ଗମାନେ ସଫଳ ହୋଇଥିଲେ। ଖବରପାଇ ପିସିଆର ପୋଲିସ ପହଞ୍ଚି ଯୁବତୀଙ୍କୁ ନିଜ ଅକ୍ତିଆରକୁ ନେଇଥିଲା।
