ଝିଅମାନେ ପାଦ ଆଉ ହାତର ସୌନ୍ଦର୍ଯ୍ୟ ବଢ଼ାଇବା ପାଇଁ ନେଲ୍ପଲିସ ଲଗାଇଥାନ୍ତି। ଆଜିକାଲି ବଜାରରେ ବିଭିନ୍ନ ରଙ୍ଗର ନେଲ୍ପଲିସ ବି ମିଳୁଛି। ନେଲ୍ପଲିସ ଲଗାଇବା ସହ ନଖରେ ବିଭିନ୍ନ ଆର୍ଟ କରିବା ଏବେ ଟ୍ରେଣ୍ଡ ପାଲଟିଗଲାଣି। କିନ୍ତୁ ଜାଣିଛନ୍ତି କି ସୌନ୍ଦର୍ଯ୍ୟ ବୃଦ୍ଧି ପାଇଁ କରୁଥିବା ନେଲ୍ ଆର୍ଟ ଘାତକ ହୋଇପାରେ ବୋଲି। ଆସନ୍ତୁ ଜାଣିବା ନେଲ୍ପଲିସ କ’ଣ କ୍ଷତି ଘଟାଇଥାଏ।
ବାରମ୍ବାର ନେଲ୍ପଲିସ ଲଗାଇବା ଦ୍ୱାରା ନଖ ଶୁଷ୍କ ହୋଇ ହଳଦିଆ ପଡ଼ିଯାଏ। ନେଲ୍ପଲିସରେ ଫର୍ମାଲଡିହାଇଡ୍, ଡେବ୍ୟୁଟିଲ ଫେଥଲେଟ୍ ଏବଂ ଟାଲ୍ୟୁଇନ୍ ପରି ରାସାୟନିକ ପଦାର୍ଥ ରହିଥାଏ। ଯାହା ସମସ୍ୟା ସୃଷ୍ଟି କରିଥାଏ। ନେଲ୍ପଲିସରେ ଥିବା ଟାଲ୍ୟୁଇନ୍ ସବୁଠୁ କ୍ଷତିକାରକ। ଏହା ଶିରା ପ୍ରଶିରାଠାରୁ ଆରମ୍ଭ କରି ମସ୍ତିଷ୍କ ପର୍ଯ୍ୟନ୍ତ କ୍ଷତି ପହଞ୍ଚାଇଥାଏ। ଟାଲ୍ୟୁଇନ୍ ପ୍ରଭାବରେ ଥଣ୍ଡା, ଦେହହାତ ଦରଜ, ମୁଣ୍ଡ ବୁଲାଇବା ଏବଂ ହାଲିଆ ଲାଗିଥାଏ।
ଖାଲି ଏତିକି ନୁହେଁ ଟାଲ୍ୟୁଇନ୍ କିଡ୍ନୀ, ଲିଭର ଏବଂ ପ୍ରଜନନ ପ୍ରତି କୁପ୍ରଭାବ ପକାଇଥାଏ।
ଫର୍ମାଲଡିହାଇଡ୍ ଏକ ରଙ୍ଗହୀନ ଗ୍ୟାସ। ଫଳରେ ନେଲ୍ପଲିସ ଦୀର୍ଘଦିନ ପର୍ଯ୍ୟନ୍ତ ନଖରୁ ଛାଡ଼େନାହିଁ। ଏହାକୁ ବ୍ୟବହାର କରିବା ଦ୍ୱାରା କ୍ୟାନସର ଏବଂ ଅନ୍ୟ ରୋଗ ମଧ୍ୟ ହୋଇଥାଏ।
କୌଣସି ପାର୍ଟିରେ ଯୋଗ ଦେବାର ଥିଲେ ଅଧିକାଂଶ ଝିଅ ଜଲ୍ଦି ନେଲ୍ପଲିସ ଛଡ଼ାଇବା ପାଇଁ ରିମୁଭର ବ୍ୟବହାର କରିଥାନ୍ତି। ଏପରି କରିବା ଦ୍ୱାରା ନଖର ମସୃଣ କମିବା ସହ ଶୀଘ୍ର ଭାଙ୍ଗିଯାଇଥାଏ।
