ନିରାକାରପୁର,୨୬ା୫(ଡି.ଏନ.ଏ.)-ଫନୀ ବାତ୍ୟା ପରେ ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତସ୍ଥିତ ବିଭିନ୍ନ ବ୍ୟାଙ୍କର ଏଟିଏମ୍ ସେବା ଠପ୍ ହୋଇଯାଇଥିଲା। ଏଥିଯୋଗୁ ଗ୍ରାହକଙ୍କ ମଧ୍ୟରେ ଘୋର ଅସନ୍ତୋଷ ପ୍ରକାଶ ପାଇଥିଲା। ଚଳିତ ମାସ ୨୩ ତାରିଖରେ ‘ଏଟିଏମ୍ ସେବା ଠପ୍ ଯୋଗୁ ଅସନ୍ତୋଷ’ ଶୀର୍ଷକ ଖବର ଧରିତ୍ରୀରେ ପ୍ରକାଶ ପାଇବା ପରେ ସ୍ଥାନୀୟ ୭ ଏଟିଏମ୍ କେନ୍ଦ୍ର ମଧ୍ୟରୁ ଶନିବାର ୬ଟି ଖୋଲିଛି। ତେବେ ଦୀର୍ଘଦିନ ପରେ କେନ୍ଦ୍ରଗୁଡ଼ିକ କାର୍ଯ୍ୟକ୍ଷମ ହୋଇଥିବାରୁ ପ୍ରବଳ ଭିଡ଼ ଦେଖାଦେଇଥିଲା। ତେବେ ସ୍ଥାନୀୟ ଏସ୍ବିଆଇ ଏଟିଏମ୍ଟି ଖୋଲି ନ ଥିବାରୁ ଏବେ ମଧ୍ୟ ଗ୍ରାହକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଏହାବ୍ୟତୀତ କାର୍ଯ୍ୟକ୍ଷମ ଏଟିଏମ୍ଗୁଡ଼ିକରେ ଆବଶ୍ୟକ ପରିମାଣର ଟଙ୍କା ନ ଥିବା ଅଭିଯୋଗ ହୋଇଛି । ଯେଉଁ ଏଟିଏମ୍ଟି ଅଚଳ ହୋଇଛି ତାହାକୁ ତୁରନ୍ତ କାର୍ଯ୍ୟକ୍ଷମ କରିବା ସହ ଯଥେଷ୍ଟ ପରିମାଣରେ ଟଙ୍କା ରଖିବାକୁ ଗ୍ରାହକ ମହଲରେ ଅନୁରୋଧ କରାଯାଇଛି।
