ସିମୁଳିଆ, ୩୦।୧(ଡି.ଏନ.ଏ.)-କେନ୍ଦ୍ରାଞ୍ଚଳ ଅବକାରୀ ଗୋଇନ୍ଦା ବିଭାଗ ଦ୍ୱାରା ବାଲେଶ୍ୱର ଜିଲା ସିମୁଳିଆ ଥାନା ଅଧୀନ ସାହୁଖର୍ଦ୍ଦା ଅଞ୍ଚଳରେ ଚାଲିଥିବା ନକଲି ମଦ କାରଖାନା ଉପରେ ଚଢାଉ କରାଯାଇଛି । ମଦ କାରଖାନା ଚଳାଇଥିବା ମାମୁ ସୁରେଶ କୁମାର ମହାନ୍ତି ଓ ଭଣଜା ଅଜିତ କୁମାର ମହାନ୍ତିଙ୍କୁ ଗିରଫ କରାଯାଇଛି। ସେମାନଙ୍କଠାରୁ ୧୩୦ବୋତଲ ମଦ ସମେତ ୫୦ଲିଟର ସ୍ପିରିଟ, ୫ଶହରୁ ଊର୍ଦ୍ଧ୍ୱ ସିଲ ପାଇଁ ରଖାଯାଇଥିବା ଠିପି, ୧ ଲିଟର କେମିକାଲ ସମେତ ବିଭିନ୍ନ ସରଞ୍ଜାମ ଜବତ ହୋଇଛି। ଗିରଫ ମାମୁ ଭଣଜାଙ୍କୁ କୋର୍ଟଚାଲାଣ କରାଯାଇଛି । ସୂଚନାଯୋଗ୍ୟ ଏହି ମଦ କାରଖାନା ଚାଲୁଥିବା ସମ୍ପର୍କରେ ଅବକାରୀ ଗୋଇନ୍ଦା ସଂସ୍ଥା ପୂର୍ବରୁ ସୂଚନା ପାଇ ଚଢାଉ କରିଥିଲା। ଅବକାରୀ ଇନ୍ସପେକ୍ଟର ଜଗଦୀଶ ଚନ୍ଦ୍ର ସାମଲ, ଧନେଶ୍ୱର ପାତ୍ରଙ୍କ ସମେତ ବିଭିନ୍ନ ଅଧିକାରୀ ଥିଲେ।
