ପାଟନା,୨୮।୪: ଦେଶ ପାଇଁ ଜଣେ ପ୍ରଧାନମନ୍ତ୍ରୀଙ୍କ ଆବଶ୍ୟକ; ଚୌକିଦାର ନୁହେଁ। ଚୌକିଦାର ଖୋଜିବା ଲାଗି କୋଟି କୋଟି ଟଙ୍କା ଖର୍ଚ୍ଚ କରାଯାଇ ନ ଥାଏ। ଚୌକିଦାର ୧୦ ରୁ ୧୫ ହଜାର ଟଙ୍କାରେ ମିଳିଥାନ୍ତି। ଏହାଛଡା ଚୌକିଦାର ବାଛିବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରିବାର ଆବଶ୍ୟକତା ନ ଥାଏ ବୋଲି ସିନେମା ଷ୍ଟାଇଲ୍ରେ କହିଛନ୍ତି ଅଭିନେତା ପ୍ରକାଶ ରାଜ୍। ବେଗୁସରାଇ ଲୋକ ସଭା ଆସନର ସିପିଆଇ ପ୍ରାର୍ଥୀ କହ୍ନେୟା କୁମାରଙ୍କ ପାଇଁ ନିର୍ବାଚନ ପ୍ରଚାର କରି ପ୍ରକାଶ ଏଭଳି ମନ୍ତବ୍ୟ ଦେଇ ଭାଜପାକୁ କରିଛନ୍ତି ଟାର୍ଗେଟ୍। ଦେଶର ଯୁବ ବର୍ଗଙ୍କ ଲାଗି ନିଯୁକ୍ତି ସୁଯୋଗର ଅଭାବ ରହିଛି। ଏପରିସ୍ଥଳେ ନିଜକୁ ଚୌକିଦାର କହୁଥିବା ଲୋକେ ଦେଶ ଜନତାଙ୍କ ବିନା ଅନୁମତିରେ ୩ ହଜାର କୋଟି ଟଙ୍କା ମୂର୍ତ୍ତି ନିର୍ମାଣ କରି ସେଲଫି ନେବା ଅତି ଦୁଃଖର କଥା ବୋଲି ପ୍ରକାଶ କହିଛନ୍ତି।
