Posted inଜାତୀୟ

ଜାଲ୍‌ ସାର୍ଟିଫିକେଟରେ ଚାକିରି ହଡ଼ପ

ନୂଆଦିଲ୍ଲୀ,୨୪ା୧୦(ଆଇଏଏନ୍‌ଏସ୍‌): ଉତ୍ତରପ୍ରଦେଶରେ ଅନୁସୂଚିତ ଜନଜାତିଙ୍କ ଲାଗି ସଂରକ୍ଷିତ ହଜାର ହଜାର ସରକାରୀ ଚାକିରି ହଡ଼ପ ହୋଇଛି। ଜିଲାପାଳଙ୍କଠାରୁ ଆରମ୍ଭ କରି ସ୍ଥାନୀୟ ପ୍ରଶାସନର ଜ୍ଞାତସାରରେ ଚାଲିଥିଲା ଏଭଳି ଦୁର୍ନୀତି। ଅନୁସୂଚିତ ଜନଜାତି ବର୍ଗଙ୍କ ପାଇଁ ଉଦ୍ଦିଷ୍ଟ ଚାକିରି ପାଇବା ପାଇଁ ଅନ୍ୟାନ୍ୟ ପଛୁଆ ବର୍ଗ (ଓବିସି) ବର୍ଗର ଅନେକ ପ୍ରାର୍ଥୀ ନିଜକୁ ଆଦିବାସୀରେ ବଦଳାଇଛନ୍ତି। ଜାଲ୍‌ ଆଦିବାସୀ ପ୍ରମାଣପତ୍ର ଯୋଗାଇଦେବାରେ ସ୍ବତନ୍ତ୍ର ର଼୍ୟାକେଟ ସହାୟତା କରୁଥିଲେ। ସମାଜବାଦୀ ପାର୍ଟି (ଏସ୍‌ପି) ଓ ବହୁଜନ ସମାଜ ପାର୍ଟି (ବିଏସ୍‌ପି) ଶାସନ କାଳରେ ଏହିସବୁ ର଼୍ୟାକେଟ ସକ୍ରିୟ ଥିଲେ।
ଏହି ଜାଲିଆତି ଘଟଣା ଲୋକଲୋଚନକୁ ଆସିବା ପରେ ହଇଚଇ ସୃଷ୍ଟି ହୋଇଛି। ନିଯୁକ୍ତି କ୍ଷେତ୍ରରେ ସଂରକ୍ଷଣ ସୁବିଧାର ଅପବ୍ୟବହାର କରାଯାଇଥିବା ଉତ୍ତରପ୍ରଦେଶ ଅନୁସୂଚିତ ଜାତି ଓ ଜନଜାତି କମିଶନ ଅଧ୍ୟକ୍ଷ ବ୍ରିଜ୍‌ଲାଲ ଅଭିଯୋଗ କରିବା ସହ ତିନୋଟି ପ୍ରମୁଖ ଅନୁସୂଚିତ ଜନଜାତି ଖରଓ୍ବାର, ଗୋଣ୍ଡ ଓ ଚେରୋମାନଙ୍କ ଆଦିବାସୀ ପ୍ରମାଣପତ୍ର ଯାଞ୍ଚ କରିବା ଲାଗି ଜିଲାପାଳମାନଙ୍କୁ ପରାମର୍ଶ ଦେଇଛନ୍ତି। ଓବିସି ପ୍ରାର୍ଥୀମାନେ ଜାଲିଆତି କରି ମିଥ୍ୟା ପ୍ରମାଣପତ୍ର ଦେଇ ଏସ୍‌ସି କିମ୍ବା ଏସ୍‌ଟିଙ୍କ ପାଇଁ ଉଦ୍ଦିଷ୍ଟ ନିଯୁକ୍ତି ହଡପ କରିଥିବାର ଅନେକ ଅଭିଯୋଗ ମିଳିଥିବା ବ୍ରିଜ୍‌ଲାଲ୍‌ କହିଛନ୍ତି। ରାଜ୍ୟର ବିଭିନ୍ନ ସେକ୍ଟର ଓ ଅଞ୍ଚଳରେ ଏଭଳି ଜାଲିଆତି ବର୍ଷ ବର୍ଷ ଧରି ଚାଲିଥିଲା। ଏଥିରେ ଜିଲାପାଳମାନଙ୍କ ସମ୍ପୃକ୍ତିକୁ ଏଡାଇ ଦିଆଯାଇ ନ ପାରେ। କାରଣ ଅନୁସୂଚିତ ଜାତି ଓ ଜନଜାତି ପ୍ରମାଣପତ୍ର ପ୍ରଦାନ କରିବା କ୍ଷମତା ସେମାନଙ୍କୁ ମିଳିଥିଲା। କେତେସଂଖ୍ୟାରେ ଚାକିରି ହଡ଼ପ ହୋଇଛି ତାହା ଯଦିଓ ନିର୍ଦ୍ଦିଷ୍ଟ ଭାବେ ଜଣାପଡିନି ତେବେ ଏହା ବହୁ ହଜାର ହେବ ବୋଲି ଅନୁମାନ କରାଯାଉଛି। ସୋମବାର ଗୋରଖପୁରଠାରେ ଉଚ୍ଚ ସରକାରୀ ଅଧିକାରୀମାନଙ୍କର ଏକ ବୈଠକ ଡାକି ବ୍ରିଜ୍‌ ଲାଲ୍‌ ଉକ୍ତ ର଼୍ୟାକେଟ ବିରୋଧରେ ତଦନ୍ତ ଲାଗି ୟୁପିର ଏହି ପୂର୍ବତନ ପୋଲିସ ଡିଜି ପରାମର୍ଶ ଦେଇଛନ୍ତି। ଏହି ଜାଲ୍‌ ସାର୍ଟିଫିକେଟ ର଼୍ୟାକେଟ ପଛରେ ରାଜନୈତିକ ପୃଷ୍ଠପୋଷକ ରହିଥିବା ପୂର୍ବତନ ଆଇପିଏସ୍‌ ଅଫିସର କହିଛନ୍ତି। ୨୦୦୪ରେ ମୁଲାୟମ ସିଂ ଯାଦବ ୟୁପି ମୁଖ୍ୟମନ୍ତ୍ରୀ ଥିଲାବେଳେ କେତେକ ଓବିସିଙ୍କୁ ଅନୁସୂଚିତ ଜାତି/ଜନଜାତିରେ ପରିବର୍ତ୍ତନ କରିବା ଲାଗି ସରକାରୀ ନିର୍ଦ୍ଦେଶନାମା ଜାରି କରିଥିଲେ। ଏହାକୁ କାର୍ଯ୍ୟକାରୀ କରିବାକୁ ହେଲେ କେନ୍ଦ୍ର ସରକାରଙ୍କ ଅନୁମୋଦନ ସହିତ ପାର୍ଲାମେଣ୍ଟରେ ସଂରକ୍ଷଣ ଆଇନରେ ସଂଶୋଧନ ଆଣିବା ଆବଶ୍ୟକ। ସେଭଳି କିଛି ହୋଇ ନ ଥିବାରୁ ମୁଲାୟମ ସରକାରଙ୍କ ଉପରୋକ୍ତ ନିର୍ଦ୍ଦେଶନାମାର କୌଣସି ଆଇନଗତ ବୈଧତା ନ ଥିଲା। କିନ୍ତୁ ମୁଲାୟମଙ୍କ ନିର୍ଦ୍ଦେଶନାମା ପରେ ରାଜ୍ୟର ବିଭିନ୍ନ ଅଞ୍ଚଳରେ ଜାତି ପରିବର୍ତ୍ତନ ର଼୍ୟାକେଟ ସକ୍ରିୟ ହୋଇ ଉଠିଥିଲେ। ପ୍ରାରମ୍ଭିକ ତଦନ୍ତରୁ ଜଣାପଡିଛି, ଗୋଣ୍ଡ, ଖରଓ୍ବାର ଓ ଚେରୋ ସମ୍ପ୍ରଦାୟର ମିଛ ପରିଚୟ ଦେଇ ବାଲିଆ, ଦେଓରିଆ, କୁଶିନଗର, ମହାରାଜଗଞ୍ଜ, ସିଦ୍ଧାର୍ଥନଗର ଓ ଗୋରଖପୁର ଜିଲା ପ୍ରଶାସନରୁ ବହୁସଂଖ୍ୟାରେ ଛାତ୍ରୀଛାତ୍ର ଆଦିବାସୀ ପ୍ରମାଣପତ୍ର ହାତେଇଛନ୍ତି। ଏହିସବୁ ଜିଲାରେ ପ୍ରକୃତରେ ଏଭଳି ଆଦିବାସୀ ସମ୍ପ୍ରଦାୟ ନ ଥିବା ଜଣାପଡିଛି। ଗୋଣ୍ଡ ଓ ଖରଓ୍ବାର ସମ୍ପ୍ରଦାୟ ସୋନଭଦ୍ର, ମିର୍ଜାପୁର, ଓ ଚନ୍ଦାଉଲି ଜିଲାରେ ସୀମିତ। ରାଜସ୍ବ ରେକର୍ଡ ଅନୁଯାୟୀ ଉତ୍ତରପୂର୍ବ ୟୁପିରେ ଏହି ଦୁଇ ସମ୍ପ୍ରଦାୟ ନାହାନ୍ତି। ପଛୁଆ ବର୍ଗରେ ଯାଉଥିବା କହର, କୁମ୍ଭାର, ଭୁର୍ଜି ଜାତିର ପ୍ରାର୍ଥୀମାନେ ନିଜକୁ ଗୋଣ୍ଡ ଓ ଖରଓ୍ବାରରେ ପରିବର୍ତ୍ତନ କରି ସେମାନଙ୍କ ପାଇଁ ଉଦ୍ଦିଷ୍ଟ ଚାକିରିକୁ ହଡ଼ପ କରିଥିବା ଜଣେ ସରକାରୀ ଅଧିକାରୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କେଜ୍‌ରିଓ୍ବାଲଙ୍କୁ ମିଳିଲାନି ଆଶ୍ୱସ୍ତି, ବଢିଲା ଇଡି ରିମାଣ୍ଡ

ନୂଆଦିଲ୍ଲୀ,୨୮।୩: ମଦ ଦୁର୍ନୀତି ସହ ଜଡିତ ଅର୍ଥ ହେରଫେର ମାମଲାରେ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି (ଏଏପି)ର ସଂଯୋଜକ ଅରବିନ୍ଦ କେଜ୍‌ରିଓ୍ବାଲଙ୍କୁ ଆଶ୍ୱସ୍ତି ମିଳିନାହିଁ।...

ପଦ୍ମ ଧରିଲେ ପଦ୍ମଶ୍ରୀ ଦମୟନ୍ତୀ ବେସ୍ରା

ଭୁବନେଶ୍ୱର/ନୂଆଦିଲ୍ଲୀ,୨୮।୩: ଭାଜପାରେ ସାମିଲ ହେଲେ ପଦ୍ମଶ୍ରୀ ଦମୟନ୍ତୀ ବେସ୍ରା। ଗୁରୁବାର ଅପରାହ୍ନ ସାଢେ ୨ଟାରେ ନୂଆଦିଲ୍ଲୀର ଭାଜପା ମୁଖ୍ୟାଳୟରେ ସେ ଯୋଗ ଦେଇଛନ୍ତି। ଏହା ସହିତ...

ଏହି ୫ ଭାଜପା ନେତା ର୍ନିଦ୍ୱନ୍ଦରେ ଜିତିବେ ନିର୍ବାଚନ, ପ୍ରାର୍ଥୀ ଛିଡ଼ା କରିବାକୁ ବିରୋଧୀ କରିପାରିଲାନି ସାହାସ

ନୂଆଦିଲ୍ଲୀ,୨୮।୩: ଦେଶରେ ଆରମ୍ଭ ହୋଇଛି ନିର୍ବାଚନର ବଡ଼ ପର୍ବ। ବିରୋଧୀଙ୍କୁ ଚିତାପଟ କରିବା ପାଇଁ ରାଜନୈତିକ ଦଳ ଜୋରଦାର ପ୍ରସ୍ତୁତି ଆରମ୍ଭ କରିଛନ୍ତି। ଭୋଟରଙ୍କୁ ନିଜ...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

ପ୍ରଧାନ ବିଚାରପତିଙ୍କୁ ଚିଠି ଲେଖିଲେ ୬୦୦ରୁ ଅଧିକ ଓକିଲ: ଏହି କଥାକୁ ନେଇ ଚିନ୍ତାପ୍ରକଟ

ନୂଆଦିଲ୍ଲୀ,୨୮।୩: ଦେଶର ୬୦୦ରୁ ଅଧିକ ଓକିଲ ଭାରତର ପ୍ରଧାନ ବିଚାରପତି ଡିଏ ଚନ୍ଦ୍ରଚୁଡଙ୍କୁ ଚିଠି ଲେଖିଛନ୍ତି। କୁହାଯାଇଛି ଯେ ଏକ ‘ନିର୍ଦ୍ଦିଷ୍ଟ ଗୋଷ୍ଠୀ’ ନ୍ୟାୟପାଳିକା ଉପରେ...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

‘ନିର୍ବାଚନ ଲଢ଼ିବାକୁ ଟଙ୍କା ନାହିଁ’ ବୟାନକୁ ନେଇ ଚର୍ଚ୍ଚାରେ ଥିବା ଅର୍ଥମନ୍ତ୍ରୀ ସୀତାରମଣଙ୍କ ସମ୍ପତ୍ତି କେତେ? ଜାଣନ୍ତୁ…

ନୂଆଦିଲ୍ଲୀ,୨୮।୩: ଅର୍ଥମନ୍ତ୍ରୀ ର୍ନିମଳା ସୀତାରମଣ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ମନା କରି ଦେଇଛନ୍ତି। ଭାରତୀୟ ଜନତା ପାର୍ଟି (ବିଜେପି) ଚାହୁଁଥିଲା ଯେ ସେ...

କୋର୍ଟରେ ଆଜି ବଡ଼ ଖୁଲାସା କରିବେ କେଜ୍‌ରିଓ୍ବାଲ!

ନୂଆଦିଲ୍ଲୀ,୨୮।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ନିକଟରେ ମଦ ଦୁର୍ନୀତି ମାମଲାରେ କିଛି ପ୍ରମାଣ ରହିଛି। ଏହା ସମ୍ପୂର୍ଣ୍ଣ ପ୍ରସଙ୍ଗ ଉପରୁ ପରଦା ଉଠାଇପାରେ ବୋଲି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri