ଜାତୀୟସ୍ତରରେ ପୁଣି ଜଣେ

ପାଶ୍ଚାତ୍ୟ ବେଶଭୂଷାର ଚାହିଦା ଦିନକୁ ଦିନ ବଢିବାରେ ଲାଗିଛି। ଏପରି ଅବସ୍ଥାରେ ଫ୍ୟାଶନ ଡିଜାଇନର ନୂଆ ଟ୍ରେଣ୍ଡ ନେଇ ଯୁବ ପିଢି ବେଶ ଉତ୍ସାହିତ। ଏନେଇ ଦେଶର ବଡ଼ ବଡ ସହରରେ ଦୈନିକ ନୂଆ କାର୍ଯ୍ୟକ୍ରମ ଆୟୋଜନ କରାଯାଉଛି। ଫ୍ୟାଶନ ଡିଜାଇନରେ ଡିଗ୍ରୀ ଡିପ୍ଲୋମା କରିବାକୁ ଅନେକ ଆଗ୍ରହ ପ୍ରକାଶ କଲେଣି। ଏ କ୍ଷେତ୍ରରେ ଜଣେ ଓଡ଼ିଆ ଯୁବକ ଡ୍ରେସ୍‌ ଡିଜାଇନର ସୌରଭ ସ୍ବରୂପ ଜାତୀୟସ୍ତରରେ ସ୍ବତନ୍ତ୍ର ସ୍ଥାନ ଅଧିକାର କରିଛନ୍ତି …

ରାଉରକେଲା ମାଟିର ପୁଅ ସୌରଭ ସ୍ବରୂପଙ୍କୁ ନେଇ ନୂଆଦିଲ୍ଲୀରେ ଅନେକ ଓଡ଼ିଆ ଆଜି ଗର୍ବ ଅନୁଭବ କରୁଛନ୍ତି। ଗତ ୨୦୧୭ରେ ନୂଆଦିଲ୍ଲୀର ଡ୍ରିମ ଜୋନ ଫେଶନ ଇନ୍‌ଷ୍ଟିଚ୍ୟୁଟରୁ ପାସ୍‌ ଆଉଟ ପରେ ସୌରଭ ଆଉ ପଛକୁ ଫେରି ଚାହିଁ ନାହଁ।ନ୍ତି। ମାତ୍ର ଦେଢ ବର୍ଷ ମଧ୍ୟରେ ସେ ଜାତୀୟସ୍ତରରେ ୨୮ରୁ ଊର୍ଦ୍ଧ୍ୱ ପୁରସ୍କାର ହାସଲ କରିଛନ୍ତି। ଗତ ରବିବାର ସୌରଭ ରାଉରକେଲା ବ୍ରାହ୍ମଣୀ କ୍ଲବରେ ଆୟୋଜିତ ଏଭଳି ଏକ କାର୍ଯ୍ୟକ୍ରମରେ ଯୋଗ ଦେବାକୁ ଆସିଥିଲେ। ଓଡ଼ିଶାରୁ ଜଣେ ମାତ୍ର ଜାତୀୟ ପ୍ରତିଯୋଗୀ ଭାବେ ଏଠାକୁ ଆସିଥିବା ସୌରଭଙ୍କୁ ନେଇ ଦର୍ଶକଙ୍କ ମଧ୍ୟରେ ଉତ୍ସୁକତା ପ୍ରକାଶ ପାଇଥିଲା। ଫର୍ଟିଲାଇଜର ଟାଉନସିପ ବାସିନ୍ଦା ସୌରଭଙ୍କ ବାପା ଶିଶିର ସାହୁ ଜଣେ ବ୍ୟବସାୟୀ। ମା’ ରୀତା ଜଣେ ଶିକ୍ଷୟିତ୍ରୀ। ୮ମ ଶ୍ରେଣୀରୁ ସୌରଭ ଜଣେ ଫେଶନ ଡିଜାଇନର ହେବାକୁ ସ୍ବପ୍ନ ଦେଖିଥିଲେ। ମାତ୍ର ଯୁକ୍ତ ୨ ପଢିଥିବା ସୌରଭ ଫେଶନ ଡିଜାଇନରେ ମାଷ୍ଟର୍ସ ଡିଗ୍ରୀ ଶେଷ କରିବା ପରେ ନୂଆଦିଲ୍ଲୀର ଜଣେ ମଡେଲ ସିମରନ କୌରଙ୍କ ସଂସ୍ପର୍ଶରେ ଆସିଥିଲେ। ସିମରନ ନିଜ ଭାଇ ପରି ତାଙ୍କୁ ଭଲ ପାଉଥିଲେ। ସିମରନଙ୍କ ପରାମର୍ଶ, ସହଯୋଗରେ ଆଜି ମୁଁ ଏତେ ବାଟ ଆସି ପାରିଛି ବୋଲି କହନ୍ତି ସୌରଭ। ଜଣେ ଓଡ଼ିଆ ହିସାବରେ ନୂଆଦିଲ୍ଲୀରେ ନିଜ ପାଇଁ ଏକ ସ୍ବତନ୍ତ୍ର ସ୍ଥାନ ବାଛିବା କମ କାଠିକର ପାଠ ନୁହେଁ। ଜାତୀୟସ୍ତରରେ ଜଣେ ଉଚ୍ଚ କୋଟିର ଡ୍ରେସ ଡିଜାଇନର ଭାବେ ପ୍ରତିଷ୍ଠା ଲାଭ କରିବା ଥିଲା ମୋର ସ୍ବପ୍ନ। ଯାହା ସାକାର ହୋଇ ପାରିଛି ବୋଲି କହନ୍ତି ସୌରଭ। ନିଜ ମା’ଙ୍କୁ ରୋଲ ମଡେଲ ମାନୁଥିବା ସୌରଭଙ୍କ ଟାଲେଣ୍ଟ ଆନ୍ତର୍ଜାତୀୟସ୍ତରରେ ମଧ୍ୟ ସ୍ବୀକୃତି ଲାଭ କରିଛି। ମିସ୍‌ ନୋଏଡା ଶୋରେ ଦର୍ଶକ ତାଙ୍କ ଡିଜାଇନରେ ଶତମୁଖ ହୋଇଥିବା ବେଳେ ଚେନ୍ନାଇଠାରେ ଦୀର୍ଘ ୨୫ଘଣ୍ଟା ଧରି ଅନୁଷ୍ଠିତ ଲଙ୍ଗେଷ୍ଟ ଫେଶନ ଶୋରେ ଭାଗ ନେଇ ସୌରଭ ଅନେକ ପ୍ରଶଂସା ସାଉଁଟିଛନ୍ତି। ଗତ ୨୪ ଡିସେମ୍ବର ୨୦୧୮ରେ ଅନୁଷ୍ଠିତ ଏହି ସୋରେ ୪୧୫ ଡିଜାଇନର ଯୋଗ ଦେଇଥିଲେ। ଏଠାରେ ତାଙ୍କୁ ୨ଟି ପ୍ରଶଂସାପତ୍ର ମିଳିଥିଲା। ଏହା ବ୍ୟତୀତ ସେ ନେପାଳ, ଜୟପୁର, ଉତ୍ତର ପ୍ରଦେଶ, ରାଜସ୍ଥାନ, ଉତ୍ତରାଖଣ୍ଡ, ହରିଆଣା ଓ ନୂଆଦିଲ୍ଲୀ ଭଳି ସ୍ଥାନରେ ଅନୁଷ୍ଠିତ ଫେଶନ ସୋରେ ଭାଗ ନେଇ ନିଜ ଡିଜାଇନକୁ ପ୍ରଦର୍ଶିତ କରି ଉଚ୍ଚ ପ୍ରଶଂସିତ ହୋଇଛନ୍ତି। ଇତିମଧ୍ୟରେ ସୌରଭ ଅନେକ ମଡେଲ, ସିନେ ଓ ଟେଲି ତାରକାଙ୍କ ପାଇଁ ଡ୍ରେସ ଡିଜାଇନ କରି ସାରିଛନ୍ତି। ୟୁନିକ ୱାଲର୍ଡ ରେକର୍ଡ ଭୁକ୍ତ ସୌରଭ ଏବେ ଜଣେ ଉଚ୍ଚ ମାନର ଡ୍ରେସ ଡିଜାନର ଭାବେ ଜାତୀୟସ୍ତରରେ ବହୁ ଅନୁଷ୍ଠାନଠାରୁ ପୁରସ୍କୃତ। ଆଗକୁ ଜଣେ ଓଡ଼ିଆ ହିସାବରେ ଅନ୍ତର୍ଜାତୀୟସ୍ତରରେ ସୁନାମ ଆଣିବା ମୋର ଏକମାତ୍ର ଲକ୍ଷ୍ୟ ବୋଲି କୁହନ୍ତି ସୌରଭ।

 


Enter your email to get our daily news in your inbox.

All Right Reserved By Dharitri.Com

୫୪ ବର୍ଷ ପରେ ପୂର୍ଣ୍ଣ ସୂର୍ଯ୍ୟପରାଗ: ଏହି ୩ ରାଶିର ଚମକିବ ଭାଗ୍ୟ

ଚଳିତ ବର୍ଷର ପ୍ରଥମ ସୂର୍ଯ୍ୟପରାଗ ୮ ଏପ୍ରିଲ ୨୦୨୪ରେ ପଡିବ। ହିନ୍ଦୁ ଧର୍ମରେ ସୂର୍ଯ୍ୟପରାଗକୁ ବହୁ ମାନ୍ୟତା ଦିଆଯାଏ। ଏହି ସୂର୍ଯ୍ୟପରାଗ ରେବତୀ ନକ୍ଷତ୍ର ଏବଂ...

‘ଏସ୍‌’ ନାମଧାରୀ ବ୍ୟକ୍ତିଙ୍କ ଏଭଳି ହୋଇଥାଏ ସ୍ବଭାବ, ଯେଉଁ କାମ କରନ୍ତି…

ନାମର ପ୍ରଥମ ଅକ୍ଷର ବ୍ୟକ୍ତିର ପ୍ରକୃତି ଏବଂ ବ୍ୟକ୍ତିତ୍ୱ ଉପରେ ପ୍ରଭାବ ପକାଇଥାଏ। କିଛି ଅକ୍ଷର ଏପରି ଥାଏ, ଆମ ଆଖପାଖରେ ଅନେକ ନାମ ସେଭଳି...

ଦରିଦ୍ର କରିଦିଏ ଏହି ୬ ଅଭ୍ୟାସ, ଆପଣଙ୍କର ନାହିଁ ତ? ଜାଣନ୍ତୁ କ’ଣ କହିଛନ୍ତି…

ମନୁଷ୍ୟ ନିଜ ଜୀବନରେ ସୁଖରେ ଜୀବନଯାପନ କରିବା ପାଇଁ ଆଚାର୍ଯ୍ୟ ଚାଣକ୍ୟ ତାଙ୍କ ନୀତଶାସ୍ତ୍ରରେ ଅନେକ ପ୍ରକାରର ନୀତି ବିଷୟରେ ବର୍ଣ୍ଣନା କରିଛନ୍ତି। ଏହା ବ୍ୟକ୍ତିଙ୍କୁ...

ହୋଲି ଓ ଜୈବ ପ୍ରାକୃତିକ ରଙ୍ଗ

ଆମେ ପାଳନ କରୁଥିବା ପ୍ରମୁଖ ପର୍ବପର୍ବାଣି ମଧ୍ୟରେ ହୋଲି ଅନ୍ୟତମ। ରଙ୍ଗର ଏହି ପର୍ବ ଆମ ଦେଶରେ ବେଶ୍‌ ଜାକଜମକରେ ପାଳନ କରାଯାଏ। ଏବେ ଆମେ...

ସୁସ୍ଥ ସ୍ବାସ୍ଥ୍ୟର ଚାବିକାଠି

ସୁସ୍ଥ ରହିବାକୁ କିଏ ବା ନ ଚାହେଁ? ତେବେ ଏହା ପଛରେ ରହିଛି ଅନେକ କାରଣ। ତନ୍ମଧ୍ୟରୁ ଏକ ସହଜ ତଥା ସରଳ ଉପାୟ ହାତପାଆନ୍ତାରେ...

ବର୍ଷର ପ୍ରଥମ  ଚନ୍ଦ୍ରଗ୍ରହଣ: ହୋଲିରେ କ’ଣ ରହିବ ପ୍ରଭାବ? ଏ ସବୁ ରାଶିର ଲୋକଙ୍କ ପାଇଁ ହେବ ଶୁଭ 

୨୦୨୪ ମାର୍ଚ୍ଚ ୨୫ରେ ବର୍ଷର  ପ୍ରଥମ ଚନ୍ଦ୍ରଗ୍ରହଣ ପଡ଼ୁଛି। ତେବେ ଏହାଭାରତକୁ ଦୃଶ୍ୟମାନ ହେବ ନାହିଁ, ବା ଏହାର କୌଣସି ପ୍ରଭାବ ଦେଖାଯିବ ନାହିଁ ।...

ହୋଲି ପୂର୍ବରୁ ତୁରନ୍ତ ଘରୁ କାଢ଼ି ଦିଅନ୍ତୁ ଏସବୁ, ଧନ-ସମୃଦ୍ଧିରେ ଉପୁଜିବ ବାଧା

ଏମିତି କିଛି ଜିନିଷ ରହିଛି; ଯାହାକୁ ଘରେ ରଖିଲେ ବାସ୍ତୁଦୋଷ ଉପୁଜିବା ସହ ନକାରାତ୍ମକ ଊର୍ଜା ବଢ଼ିଥାଏ। ସେଥିପାଇଁ ଏହି ଜିନିଷଗୁଡ଼ିକୁ ତୁରନ୍ତ ଘରୁ କାଢ଼ିଦେବା...

ସଫଳ ପୁରୁଷ ନିକଟରେ ରହିଥାଏ ଏହି ୪ ଗୁଣ, ସୁଖସମୃଦ୍ଧି ପାଦ ଚୁମେ…

ଆଚାର୍ଯ୍ୟ ଚାଣକ୍ୟ ନିଜର ନୀତିଶାସ୍ତ୍ରରେ ଜୀବନରେ ସଫଳତାର ସ୍ବାଦ ଚାଖିବା ଲାଗି ଅନେକ ଉପାୟ ବିଷୟରେ ବର୍ଣ୍ଣନା କରିଛନ୍ତି। ସେଥିରେ ସଫଳ ପୁରୁଷଙ୍କ ନିକଟରେ ଥିବା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri