ଯୋଡ଼ା,୪।୩(ଡି.ଏନ୍.ଏ.): କେନ୍ଦୁଝର ଜିଲା ଯୋଡ଼ା ଥାନା ଅନ୍ତର୍ଗତ ବେହେରା ହାଟିଂ ନିକଟରେ ଚୋରା ଲୁହାପଥର ବୋଝେଇ କରୁଥିବା ବେଳେ ପୋଲିସ ଚଢାଉ କରି ଏକ ଟ୍ରକକୁ ଜବତ କରିଥିବା ଜଣାପଡ଼ିଛି।
ଯୋଡ଼ା ଆଇଆଇସି ରାଇସେନ୍ ମୁର୍ମୁଙ୍କଠାରୁ ମିଳିଥିବା ସୂଚନାନୁଯାୟୀ, ମଙ୍ଗଳବାର ବିଳମ୍ବିତ ରାତିରେ ବେହେରା ହାଟିଂ ଠାରେ ଥିବା ଏକ କ୍ରସର ନିକଟରେ ୧୦ ଚକିଆ ଟ୍ରକ୍ ନଂ. ଡବ୍ଲ୍ୟୁବି ୩୭ ବି ୨୦୬୪ ଯୋଗେ ଉନ୍ନତମାନର ଲୁହାପଥର ବୋଝେଇ କରୁଥିବା ବିଶ୍ୱସ୍ତ ସୂତ୍ରରୁ ଖବର ପାଇ ଆଇଆଇସି ରାଇସେନ୍ ମୁର୍ମୁ ସଦଳବଳ ଚଢ଼ାଉ କରିଥିଲେ। ଅନ୍ଧାରର ସୁଯୋଗ ନେଇ ଟ୍ରକ ଡ୍ରାଇଭର ଏବଂ ଏଥିରେ ସଂପୃକ୍ତ ଅନ୍ୟମାନେ କୌଶଳ କ୍ରମେ ଖସିଯାଇଥିଲେ। ତେବେ ଜବତ ଖଣିଜ କେଉଁଠୁ ଏବଂ କେମିତି ଆସିଲା ଏନେଇ ପୋଲିସ ତଦନ୍ତ କରୁଥିବା ଆଇଆଇସି ରାଇସେନ୍ ମୁର୍ମୁ ସୂଚନା ଦେଇଛନ୍ତି।
