ମୁମ୍ବାଇ: ବଲିଉଡ ଏବଂ ଦକ୍ଷିଣ ଭାରତୀୟ ଫିଲ୍ମର ଲୋକପ୍ରିୟ ଅଭିନେତ୍ରୀ କାଜଲ ଅଗ୍ରଓ୍ବାଲ ୧୯ ଜୁନ୍ରେ ତାଙ୍କର ଜନ୍ମଦିନ ପାଳନ କରିଛନ୍ତି। ଏହି ଅବସରରେ ସେ କିଛି ଫଟୋ ନିଜର ସୋସିଆଲ ଆକାଉଣ୍ଟରେ ଶେୟାର କରିଛନ୍ତି। ଏହା ଏବେ ଭାଇରାଲ ହେବାରେ ଲାଗିଛି।
କାଜଲ ନିଜର ଜନ୍ମଦିନ ଦୁବାଇର ଏକ ଚିଡ଼ିଆଖାନାରେ ପାଳନ କରିଛନ୍ତି। ଏହି ସମୟରେ ସେ ସିମ୍ପାଞ୍ଜି, ଭାଲୁ ଓ ଜିରାଫ ସହ ସମୟ ଅତିବାହିତ କରିବା ସହ ଫଟୋ ଉଠାଇଛନ୍ତି। ବିଶେଷକରି ସିମ୍ପାଞ୍ଜି ସହ ଫଟୋ ଉଠାଇବା ସମୟରେ ଉଭୟ ହସିଥିବା ଦେଖିବାକୁ ମିଳିଛି। ଫଟୋଟିକୁ କାଜଲଙ୍କ ପ୍ରଶଂସକ ବେଶ ପସନ୍ଦ କରିବା ସହ ଜୀବଜନ୍ତୁମାନଙ୍କୁ ସେ ଏତେ ସ୍ନେହ କରୁଥିବାକୁ ନେଇ ତାଙ୍କର ପ୍ରଶଂସା ମଧ୍ୟ କରୁଛନ୍ତି।
