ଆଠମଲ୍ଲିକ, ୧୫ା୫(ଡି.ଏନ.ଏ.)- ପଶ୍ଚିମବଙ୍ଗର ବାଙ୍କୁଡା ଜିଲା ସୁନାମୁଖିରୁ ଫେରୁଥିବା ଜଣେ ପ୍ରବାସୀ ଓଡ଼ିଆଙ୍କ କାର୍ ଶୁକ୍ରବାର ଅନୁଗୋଳ ଜିଲା ଆଠମଲ୍ଲିକ ଥାନା ଆଠମଲ୍ଲିକ-ଅନୁଗୋଳ ପୂର୍ତ୍ତ ବିଭାଗ ରାସ୍ତା ଝରଝରି ଘାଟିରେ ଦୁର୍ଘଟଣାଗ୍ରସ୍ତ ହୋଇଛି। ଘଟଣାରୁ ପ୍ରକାଶ, ବଲାଙ୍ଗୀର ଜିଲା କଣ୍ଟାବାଞ୍ଜି ଥାନା ବଙ୍ଗମୁଣ୍ଡା ଅଞ୍ଚଳର ଆଶିଷ କୁମାର(୨୪) କୋଭିଡ ପାସ୍ ନେଇ ଏକ କାର୍ (ନଂ. ଡବ୍ଲ୍ୟୁବି ୬୮ ଏସି ୫୪୦୮) ଯୋଗେ ପଶ୍ଚିମବଙ୍ଗରୁ ଘରକୁ ଫେରୁଥିବାବେଳେ ଝରଝରି ଘାଟଠାରେ ଦୁର୍ଘଟଣାଗ୍ରସ୍ତ ହୋଇଥିଲେ। ତେବେ ସୌଭାଗ୍ୟବଶତଃ ସେ ଓ ଡ୍ରାଇଭର ପ୍ରିୟରଞ୍ଜନ ଚାଟାର୍ଜୀ ସୁରକ୍ଷିତ ଅଛନ୍ତି। ଆଠମଲ୍ଲିକ ଆଇଆଇସି ପ୍ରିୟବ୍ରତ ଦାଶ କାର୍ ଜବତ କରି ତଦନ୍ତ କରିଛନ୍ତି।
