କୋଲକତା,୨୫।୬: ଆଜିକୁ ୪୪ ବର୍ଷ ତଳେ ୧୯୭୫ ଜୁନ୍ ୨୫ ମଧ୍ୟରାତ୍ରରେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଦ୍ୱାରା ଦେଶରେ ଏମରଜେନ୍ସି ବା ଜରୁରୀକାଳୀନ ପରିସ୍ଥିତି ଜାରି ହୋଇଥିଲା। ଏ ସମ୍ପର୍କରେ ଜୁନ୍ ୨୬ ସକାଳେ ରେଡିଓରେ ଇନ୍ଦିରା ଦେଶବାସୀଙ୍କୁ ଅବଗତ କରାଇଥିଲେ। ଏନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କୁ ଟାଗେର୍ଟ କରିଛନ୍ତି। ଦେଶରେ ଗତ ୫ ବର୍ଷ ଧରି ମୋଦି ସରକାର ଏମରଜେନ୍ସି ଭଳି ସ୍ଥିତି ଲାଗୁ ରହିଛନ୍ତି। ମୋଦି ସରକାରଙ୍କ ସୁପର ଏମରଜେନ୍ସି ୪୪ ବର୍ଷ ତଳର ଏମରଜେନ୍ସିଠାରୁ କେଇ ଗୁଣା ଅଧିକ ଶକ୍ତିଶାଳୀ ତଥା ସାମ୍ବିଧାନିକ ବ୍ୟବସ୍ଥାର ଉଲ୍ଲଂଘନ କରୁଥିବା ମମତା ଅଭିଯୋଗ କରିଛନ୍ତି। ମମତା ଟୁଇଟ୍ କରି ଏହା ପ୍ରକାଶ କରିଛନ୍ତି।
