ଫିରିଙ୍ଗିଆ,୧୬ା୧୧: କନ୍ଧମାଳ ଜିଲା ଫିରିଙ୍ଗିଆ ଥାନା ପୋଲିସ ପଲାବ୍ରୁଡି ପଞ୍ଚାୟତ ମୁସେଲିପାଂଗା ରାସ୍ତା ମାଝିପଡା ଗ୍ରାମରେ ଚଢ଼ାଉ କରି ଏକ ପିକ୍ଅପ ଭ୍ୟାନରୁ ୧୦୩ କେଜି ଗଞ୍ଜେଇ ଜବତ କରିବା ସହ ୨ଜଣ ଯୁବକଙ୍କୁ ଗିରଫ କରିଛି। ସେମାନେ ହେଲେ ଅନୁଗୋଳ ଜିଲା ଛେଣ୍ଡିପଦା ଥାନା ମାମାରିଆ ଗ୍ରାମର ବିଦ୍ୟାଧର ସାହୁ ଓ ଦେବଗଡ ଜିଲା ବିଜାନଳୀ ଗ୍ରାମର ତରଣୀ ସାହୁ। ସୂଚନା ଅନୁଯାୟୀ, ପିକ୍ଅପ ଭ୍ୟାନ (ଓଡି୦୫ ଏଏଫ-୫୪୦୭)ରେ ଗଞ୍ଜେଇ ବୋଝେଇ ହୋଇ ମୁସେଲିପାଙ୍ଗାରୁ ଅନୁଗୋଳ ଅଭିମୁଖେ ଆସୁଥିଲା। ପୋଲିସ ଖବର ପାଇ ମାଝିପଡା ରାସ୍ତାରେ ଯାଞ୍ଚ କରୁଥିଲେ। ଉକ୍ତ ରାସ୍ତାଦେଇ ଗାଡି ଅତିକ୍ରମ କଲାବେଳେ ପୋଲିସ ଅଟକାଇ ଯାଞ୍ଚ କରି ଗଞ୍ଜେଇ ଜବତ କିରିଥିଲା। ଏନେଇ ନଂ.୧୦୦/୧୯ରେ ମାମଲା ରୁଜୁ ହୋଇଥିବା ଥାନାଧିକାରୀ ପି.ଶ୍ୟାମସୁନ୍ଦର ରାଓ ସୂଚନା ଦେଇଛନ୍ତି।
