ବ୍ରହ୍ମପୁର ଅଫିସ,୨୫ା୨-
ଭୁବନେଶ୍ୱର କିଟ୍ ବିଶ୍ୱବିଦ୍ୟାଳୟରେ ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡା-୨୦୨୦ର ଶୁଭାରମ୍ଭ ହୋଇଛି।
ମାର୍ଚ୍ଚ ୧ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଭାରୋତ୍ତଳନ ପ୍ରତିଯୋଗୀତାରେ ଭାଗନେବାକୁ ସୋମବାର ବ୍ରହ୍ମପୁର ବିଶ୍ୱବିଦ୍ୟାଳୟର ୪ ଖେଳାଳି ଭୁବନେଶ୍ୱର ଗସ୍ତ କରିଛନ୍ତି। ସେଥିମଧ୍ୟରେ ୮୭କେଜି ମହିଳା ଭାରୋତ୍ତୋଳନ ପ୍ରତିଯୋଗିତାରେ ବନୀତା ଘଡେଇ ଓ ୫୫ କେଜି ମହିଳା ବର୍ଗରେ ପ୍ରମିଳା ଖିରସାନୀ ଭାଗନେବେ। ସେହିପରି ୮୧ କେଜି ପୁରୁଷ ବର୍ଗରେ ବାପୁଜୀ କୁମାର ବିଶ୍ୱାଳ ଓ ୭୩ କେଜି ବର୍ଗରେ ମନୋଜ କୁମାର ସାହୁ ଭାଗନେବାକୁ ଯାଉଥିବା ବିଶ୍ୱବିଦ୍ୟାଳୟ କ୍ରୀଡା ପରିଷଦ ପକ୍ଷରୁ ସୂଚନା ଦିଆଯାଇଛି। ତେବେ ଖେଳାଳିଙ୍କ ସହ କୋଚ ଭାବେ ବରିଷ୍ଠ ଜାତୀୟ କୋଚ ସୀତା ପ୍ରସାଦ ପଟ୍ଟନାୟକ ଏବଂ ମ୍ୟାନେଜର ଭାବେ ରାଜେଶ ମହାନ୍ତି, ସ୍ପୋଟର୍ସ ଅଫିସର ରବି ଚରଣ ମିଶ୍ର ଭୁବନେଶ୍ୱର ଗସ୍ତ କରିଛନ୍ତି। ଏହି ଅବସରରେ ବ୍ରହ୍ମପୁର ବିଶ୍ୱବିଦ୍ୟାଳୟ କ୍ରୀଡା ପରିଷଦର ସମ୍ପାଦିକା ପ୍ରଫେସର ପୁଷ୍ପାଞ୍ଜଳୀ ସାମନ୍ତରାୟଙ୍କ ସମେତ କ୍ରୀଡା ପରିଷଦର ସମସ୍ତ କର୍ମକର୍ତ୍ତା ଖେଳାଳିଙ୍କୁ ଶୁଭେଚ୍ଛା ଜଣାଇଛନ୍ତି।
