ଖାଦାନରୁ କଳାପଥର ଲୁଟ ରୋକିବାରେ ପ୍ରଶାସନ ବିଫଳ: ପାର୍ଶ୍ୱ ରାସ୍ତାରେ ଚାଲିଛି ପରିବହନ

ଯାଜପୁର ଅଫିସ,୬।୧: ଯାଜପୁର ଜିଲା ଧର୍ମଶାଳା ତହସିଲ ଅଧିନରେ ଥିବା ବିଭିନ୍ନ ଖାଦାନରୁ କଳାପଥର ଲୁଟ ରୋକିବାକୁ ଜିଲା ପ୍ରଶାସନ ପକ୍ଷରୁ କଡା ପଦକ୍ଷେପ ଗ୍ରହଣ କରାଯାଇଛି। ଚଢେଇଧରା-ଢେଙ୍କାନାଳ ଓ ଡଙ୍କାରୀ-୫୩ ନମ୍ବର ଜାତୀୟ ରାଜପଥ ଆଦି ୫ଟି ସ୍ଥାନରେ ଲୁହା ଗେଟ ଲଗାଯାଇଛି। ଏଥିଯୋଗୁ ବେଆଇନ କଳାପଥର ସହ ବିଭିନ୍ନ କ୍ରଶରରୁ ଚିପ୍ସ, ଗେଟି ଆଦି ଚୋରାଚାଲାଣ ରୋକାଯାଇ ପାରିବ ବୋଲି ପ୍ରଶାସନ ଆଶା ରଖିଥିଲା। କିନ୍ତୁ ବେଆଇନ କାରବାର ଚଳାଇଥିବା ପଥର ମାଫିଆମାନେ ଗଳାବାଟ ଦେଇ ଚୋରାଚାଲାଣ କରୁଥିବା ଦେଖିବାକୁ ମିଳିଛି। ଏହାବାଦ କେତେକ ମେଗା କ୍ରଶର ବେଆଇନ କଳାପଥର ଆଣି କାରବାର କରୁଥିବା ଦେଖିବାକୁ ମିଳିଛି। ଏହାର ହିସାବ କରିବାକୁ ଏକ ସ୍ବତନ୍ତ୍ର ଦଳ ଗଠନ ହୋଇଥିବା ସୂଚନା ମିଳିଛି।
ଗତ ବିଧାନସଭା ଅଧିବେଶନରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁଦାମ ମାରାଣ୍ଡି ରାଜ୍ୟ ତଥା ଯାଜପୁର ଜିଲାର ଡଙ୍କାରୀରେ ଲଘୁ ଖଣି ପଦାର୍ଥର ବେଆଇନ ଖନନ ଓ ଚୋରା ଚାଲାଣକୁ ରୋକିବାକୁ ନିଆଯାଇଥିବା ପଦକ୍ଷେପ ସଂକ୍ରାନ୍ତରେ ବିବରଣୀ ପ୍ରଦାନ କରିଥିଲେ। ବିବରଣୀ କ୍ରମିକ ସଂଖ୍ୟା ୧୧ରେ ସେ ଦର୍ଶାଇଥିଲେ ଯେ, ଲଘୁ ଖଣିଜ ପଦାର୍ଥ ଚୋରି ତଥା ବେଆଇନ ଚାଲାଣ ରୋକିବା ନିମନ୍ତେ ସୂଚନା ଓ ପ୍ରଯୁକ୍ତି ବିଦ୍ୟାର ବିନଯୋଗ କରିବାକୁ ପ୍ରସ୍ତାବ ରହିଛି। ଡଙ୍କାରୀ ପାହାଡର ଲଘୁ ଖଣିଜ ପଦାର୍ଥ ଉତ୍ତୋଳନ ବନ୍ଦ କରାଯାଇଛି। ଏନଜିଟିଙ୍କ ନିର୍ଦ୍ଦେଶକ୍ରମେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ପ୍ରତିନିଧି, ଯାଜପୁର ଜିଲାପାଳ, ସିଆ ପ୍ରତିନିଧିଙ୍କୁ ନେଇ ଏକ ଯୁଗ୍ମ ତଦନ୍ତ କମିଟି ଗତ ୫ା୧୦ା୨୦୧୮ରେ କ୍ଷେତ୍ର ପରିଦର୍ଶନରେ ଯାଇ ତଦନ୍ତ ରିପୋର୍ଟ ପ୍ରଦାନ କରିଛନ୍ତି। ସେହି ଅନୁସାରେ ଡଙ୍କାରୀ ପାହାଡର କଳାପଥର ଖାଦାନର ପରିବେଶ ମଞ୍ଜୁରୀ ରଦ୍ଦ କରାଯାଇଥିଲା। ଡଙ୍କାରୀ ତଥା ଏହାର ଚାରିପାଖ ଅଞ୍ଚଳରେ ଲଘୁ ଖଣି ପଦାର୍ଥର ଚୋରାଚାଲାଣ ରୋକିବା ପାଇଁ ୪ଟି ପ୍ରବର୍ତ୍ତନ ସ୍କ୍ବାର୍ଡ ଯାଜପୁର ଜିଲାପାଳ ଓ ଆରକ୍ଷୀ ଅଧୀକ୍ଷକଙ୍କ ନେତୃତ୍ୱରେ ତ୍ୱରନ୍ବିତ ହେଉଛି। ସେହିସ୍ଥାନକୁ ଯାଇଥିବା ବିଜୁଳି ସଂଯୋଗକୁ କାଟି ଦିଆଯାଇଛି ଏବଂ ଡଙ୍କାରୀ ନିକଟରେ ଥିବା ୱେ-ବ୍ରିଜକୁ ନଷ୍ଟ କରିଦିଆଯାଇଛି। ଡଙ୍କାରୀ ପାହାଡ଼ରେ ଥିବା ୧୬ଗୋଟି ପଥର ଖଣିକୁ ସଂଯୋଗ କରୁଥିବା ରାସ୍ତାକୁ କଟାଯାଇଛି ବୋଲି ବିଧାନସଭାରେ ମନ୍ତ୍ରୀ ବିବୃତି ରଖିଥିଲେ। ଏହାସହ ଯାଜପୁର ଜିଲାପାଳଙ୍କ ନିର୍ଦ୍ଦେଶରେ ଲକ୍ଷାଧିକ ଟଙ୍କା ଖର୍ଚ୍ଚ କରି ଲୁହାଗେଟ ଲଗାଯାଇଛି। କିନ୍ତୁ ଚୋରାଚାଲାଣକାରୀମାନେ ଲୁହାଗେଟ କଡ ଦେଇ ଅନାୟାସରେ ବେଆଇନ ପଥର ଓ ଚିପ୍ସ ପରିବହନ କରୁଛନ୍ତି। ଡଙ୍କାରୀ ପାହାଡ ପାଦଶେରେ ଏଆରଏସଏସ ସହ ଜେଲ, ତାପ୍ତି, କୋଣାର୍କ, ରକସାଣ୍ଡ, ମାଚଣ୍ଡୀ, ମାକ୍ରଶର ଆଦି ମେଗା କ୍ରଶର ଚାଲିଛି। ତେବେ ଏଥିମଧ୍ୟରୁ କେବଳ ଏଆରଏସଏସ ଟଲରରେ ଦୈନିକ ପ୍ରାୟ ୫ହଜାର ଟନ ଚିପ୍ସ, ମେଟାଲ ଆଦି ପରିବହନ କରୁଛି। ଅର୍ଦ୍ଧାଧିକ ବେଆଇନ ଖାଦାନ ବନ୍ଦ ପଡିଥିବାବେଳେ ଏଥିପାଇଁ କୋଉ ଖାଦାନରୁ ଏତେ ପରିମାଣର କଳାପଥର ଆସୁଛି ତାହା ସାଧାରଣରେ ସନ୍ଦେହ ଜାତ ହୋଇଛି। କଟକଣା ଲାଗିଥିବା ପଥର ଖାଦାନଗୁଡ଼ିକରେ ଲୁଚାଛପା ଉତ୍ତୋଳନ ହୋଇ କ୍ରଶରକୁ ଯାଉଛି ବୋଲି କୁହାଯାଉଛି। ଏଣୁ ରାଜସ୍ବ ଠକିବାକୁ ଏହି କ୍ରଶରରୁ ପରିବହନ ହେଉଥିବା ଚିପ୍ସ, ଗେଟି ଆଦି ସାମଗ୍ରୀ ଲୁହାଗେଟ ଲାଗିଥିବା କଡ ରାସ୍ତାରେ ଚଳାଚଳ କରୁଛି।
ଏ ସଂକ୍ରାନ୍ତରେ ଧର୍ମଶାଳା ତହସିଲଦାର ସରୋଜ କୁମାର ପଣ୍ଡାଙ୍କୁ ପଚାରିବାରୋ ସେ କହିଛନ୍ତି ବେଆଇନ କଳାପଥର ଖାଦାନ ଓ ପରିବହନକୁ ସମ୍ପୂର୍ଣ୍ଣ ବନ୍ଦ କରିବାକୁ କଡାକଡି ପଦକ୍ଷେପ ଗ୍ରହଣ କରାଯାଇଛି। ଅଞ୍ଜିରା, ଆରୁହା, ବିଛାଖଣ୍ଡି, ଡଙ୍କାରୀ ଆଦି ଖାଦାନରେ ମାପଚୁପ ଚାଲିଛି। ମାପରେ ଅଧିକ ଉତ୍ତୋଳନ ହୋଇଥିବା ଜଣାପଡିଲେ ସମ୍ପୃକ୍ତ ଲିଜଧାରୀଙ୍କ ନାମରେ ଡିମାଣ୍ଡ ନୋଟିସ ହେବ। ଏହାସହ କ୍ରଶରଗୁଡିକରେ ମଧ୍ୟ ଯାଞ୍ଚ ଚାଲିଛି। ଯେଉଁ କ୍ରଶର ନିର୍ଦ୍ଧାରିତ ପରିମାଣରୁ ଅଧିକ ପରିବହନ କରୁଥିବ ସେହି କ୍ରଶର ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଲୁହାଗେଟ କଡରେ ଯାତାୟତ କରୁଥିବା ସଂସ୍ଥା ନାମରେ ମଧ୍ୟ ମାମଲା ରୁଜୁ ହେବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?