ପ୍ରାଣଘାତକ କରୋନାକୁ ନେଇ ଚାରିଆଡେ ଭୟର ମାହୋଲ। ଏପରିସ୍ଥଳେ ସୋସିଆଲ ମିଡିଆରେ ଭଳିକି ଭଳି ତଥ୍ୟ ଘୂରିବୁଲୁଛି। ଯେପରି କରୋନା ହେଲେ ମୃତ୍ୟୁ ହେବା ସୁନିଶ୍ଚିତ ବୋଲି କେହି କହୁଥିବା ବେଳେ ମାଉଥ୍ ଓ୍ବାଶ୍ର ବ୍ୟବହାର ଦ୍ୱାରା ଏହି ଭୂତାଣୁକୁ ମାରିହେବ ବୋଲି କୁହାଯାଉଛି। ଯଦି ଆପଣ ବି ସେଭଳି କିଛି ଦେଖୁଛନ୍ତି ଅଥବା ପଢ଼ୁଛନ୍ତି ତେବେ ସତର୍କ ରୁହନ୍ତୁ। ଏଭଳି ଗୁଜବରୁ ଦୂରେଇ ରହିବା ଲାଗି ଡବ୍ଲୁଏଚ୍ଓ ପକ୍ଷରୁ କୁହାଯାଇଛି। କୌଣସି ବି ରୋଗ ସହ ଲଢ଼ିବାକୁ ହେଲେ ଏହାକୁ ନେଇ ଉପୁଜୁଥିବା ଭ୍ରାନ୍ତ ଧାରଣା ଦୂର ହେବା ଉଚିତ। କରୋନାକୁ ନେଇ ମଧ୍ୟ ଲୋକଙ୍କ ମନରେ ଭୁଲ ଧାରଣା ସୃଷ୍ଟି ହେଉଛି।
ସବିଶେଷ ଜାଣନ୍ତୁ:
-କରୋନା ସବୁ ବୟସର ଲୋକମାନଙ୍କୁ ହୋଇପାରେ। ଏଥିରେ ସଂକ୍ରମିତ ହେବା ଲାଗି ନିର୍ଦ୍ଦିଷ୍ଟ ବୟସସୀମା ନାହିଁ। ହେଲେ ପିଲାମାନେ ଏଥିରେ ବିଶେଷଭାବେ ଆକ୍ରାନ୍ତ ହୋଇପାରନ୍ତି। ନବଜାତ ଶିଶୁ ଏବଂ ଗର୍ଭସ୍ଥ ଶିଶୁପାଇଁ ମଧ୍ୟ ଏହା କ୍ଷତିକାରକ। ଏଣୁ ଗର୍ଭବତୀମାନେ ସଂକ୍ରମିତ ହେବାରୁ ନିଜକୁ ରକ୍ଷା କରିବା ଲାଗି ଆବଶ୍ୟକୀୟ ପଦକ୍ଷେପ ଗ୍ରହଣ କରନ୍ତୁ। ହାତକୁ ବାରମ୍ବାର ଧୋଇବାଠାରୁ ଆରମ୍ଭ କରି ସ୍ବଚ୍ଛ ପରିବେଶରେ ରହିବା ଆଦି ଦିଗରେ ଯତ୍ନବାନ ହୁଅନ୍ତୁ। ଅନ୍ୟ ବୟସର ଲୋକମାନେ ମଧ୍ୟ ସାବୁନରେ ହାତ ଧୁଅନ୍ତୁ। ଏହାଛଡ଼ା ସେମାନେ କିଛି ଆସନ ମଧ୍ୟ କରିପାରିବେ। ମତ୍ସ୍ୟାସନ, ଉତ୍କଟାସନ,ଉତ୍ତାନାସନ, ବୃକ୍ଷାସନନ୍ଦ ଏବଂ ହଳାସନ ଭଳି ଆସନ କରିପାରିବେ।
ଗୁଜବ:
-କରୋନା ସଂକ୍ରମଣ ଅର୍ଥ ମୃତ୍ୟୁ ସୁନଶ୍ଚିତ
-ନାକରେ କ୍ଲୋରିନ ଲଗାଇଲେ କରୋନାରୁ ରକ୍ଷା ମିଳିବ
-ମାଉଥ୍ ଓ୍ବାଶ୍ କରିବା ଦ୍ୱାରା କରୋନା ଭୂତାଣୁ ନଷ୍ଟ ହୋଇଯାଏ
ସତ୍ୟତା:
-କରୋନା ସଂକ୍ରମିତ ଚିକିତ୍ସା ଦ୍ୱାରା ସୁସ୍ଥ ହୋଇପାରିବେ
-କୀଟନାଶକ ତ୍ୱଚାରେ ଲଗାଇଲେ କରୋନା ଜୀବାଣୁ ନଷ୍ଟ ହୁଏନାହିଁ
-ମାଉଥ ଓ୍ବାଶ୍ କଲେ କରୋନା ଭୂତାଣୁ ମରେ ନାହିଁ
