ନୂଆଦିଲ୍ଲୀ, ୧ା୬ : ଦେଶର ୨୪ତମ ନୌସେନା ମୁଖ୍ୟଭାବେ ଆଡମିରାଲ୍ କରମବୀର ସିଂ ଶୁକ୍ରବାର ଦାୟିତ୍ୱ ଗ୍ରହଣ କରିଛନ୍ତି। ଆଡ଼ମିରାଲ୍ ସୁନୀଲ ଲାନ୍ବା ଅବସର ନେଲା ପରେ ସେ ଏହି ଗୁରୁଦାୟିତ୍ୱ ତୁଲାଇବେ। ଆଡମିରାଲ୍ ସିଂ ବିଶାଖାପାଟଣାସ୍ଥିତ ମୁଖ୍ୟାଳୟରେ ଇଷ୍ଟର୍ନ ନାଭାଲ୍ କମାଣ୍ଡ୍ର ଫ୍ଲାଗ୍ ଅଫିସର କମାଣ୍ଡିଂ-ଇନ୍-ଚିଫ୍ଭାବେ କାର୍ଯ୍ୟ କରୁଥିଲେ। ଜଣେ ବରିଷ୍ଠ ନୌସେନା ଅଧିକାରୀ ଓ ପ୍ରଥମ ନୌସେନା ପାଇଲଟ୍ଭାବେ ସେ ଜଣାଶୁଣା। ନୌସେନାର ବିଭିନ୍ନ ପଦପଦବୀରେ ସେ କାର୍ଯ୍ୟ କରିଛନ୍ତି।
ନିଯୁକ୍ତିକୁ ନେଇ ବାଦବିବାଦ ଲାଗି ରହିଥିଲା। ଭାଇସ୍ ଆଡମିରାଲ୍ ବିମଲ୍ ଶର୍ମା ନିଜକୁ ବରିଷ୍ଠ ବୋଲି କହି ତାଙ୍କ ନିଯୁକ୍ତିକୁ ଚ୍ୟାଲେଞ୍ଜ୍ କରିବା ସହ ଆର୍ମଡ୍ ଫୋର୍ସ ଟ୍ରିବ୍ୟୁନାଲ୍(ଏଏଫ୍ଟି)ରେ ପିଟିଶନ୍ ଦାଖଲ କରିଥିଲେ।
