ଏଟିଏମ୍‌ରେ କମ୍‌ ଟଙ୍କା ଭର୍ତ୍ତି କରି ୧ କୋଟି ୩୯ ଲକ୍ଷ ହଡ଼ପ: କର୍ମଚାରୀଙ୍କ ଆତ୍ମହତ୍ୟା ଉଦ୍ୟମ

ଜଟଣୀ, ୧୭ା୭(ଡି.ଏନ.ଏ): ଏଟିଏମ୍‌ରେ ପ୍ରକୃତ ପରିମାଣଠାରୁ କମ୍‌ ଟଙ୍କା ଭର୍ତ୍ତି କରି ପାଖାପାଖି ୧ କୋଟି ୩୯ ଲକ୍ଷ ଟଙ୍କା ହଡପ କରିଥିବା ଏକ ଘରୋଇ କମ୍ପାନୀର କର୍ମଚାରୀ ଆତ୍ମହତ୍ୟା ଉଦ୍ୟମ କରିବା ଘଟଣା ଚର୍ଚ୍ଚାର ବିଷୟ ହୋଇଛି। ଆତ୍ମହତ୍ୟା ଉଦ୍ୟମ କରି ଆହତ ହୋଇଥିବା କର୍ମଚାରୀଙ୍କ ନାମ ମୀନକେତନ ପରିଜା। ପୁରୀ ଜିଲା ନିମାପଡ଼ା ଥାନା ଅନ୍ତର୍ଗତ ବଣ୍ଟସାତପୁରୀ ଗ୍ରାମରେ ତାଙ୍କର ଘର। ସେ ସିକ୍ୟୁୟର ଭାଲ୍ୟୁ ଇଣ୍ଡିଆ ଲିମିଟେଡ୍‌ ନାମକ ଘରୋଇ ସଂସ୍ଥାର କର୍ମଚାରୀ। ଏହି ଘରୋଇ ସଂସ୍ଥା ବିଭିନ୍ନ ବ୍ୟାଙ୍କ ଏଟିଏମ୍‌ରେ ଟଙ୍କା ଭରିବା ଦାୟିତ୍ୱରେ ରହିଛି। ଏଟିଏମ୍‌ରେ ଟଙ୍କା ଭର୍ତ୍ତି କରିବା କାର୍ଯ୍ୟରେ ମୀନକେତନ ରହିଥିଲେ। କେଉଁ ଏଟିଏମ୍‌ରେ କେତେ ଟଙ୍କା ଭର୍ତ୍ତିି କରାଯିବ ଘରୋଇ ସଂସ୍ଥା କର୍ମଚାରୀଙ୍କୁ ତାଲିକା ଦିଆଯାଇଥାଏ। ହେଲେ ଭର୍ତ୍ତି କରିବା ପ୍ରକୃତ ଟଙ୍କାଠାରୁ ମୀନକେତନ କମ୍‌ ଟଙ୍କା ଭରିଥାନ୍ତି। ଏଟିଏମ୍‌ ଭଲ୍‌ଭ ବା ଥାକରେ କମ୍‌ ପରିମାଣରେ ଟଙ୍କା ରଖିବା ପରେ ପୂରା ଭର୍ତ୍ତି କରାଯାଇଥିବା କମ୍ପାନୀକୁ ଜଣାଇଥାନ୍ତି। ବିଶେଷକରି ଅଧିକ କାରବାର ହେଉ ନ ଥିବା ଏଟିଏମ୍‌ରେ ଏହି ପନ୍ଥା ଅବଲମ୍ବନ କରି ଟଙ୍କା ହଡ଼ପ କରିଥାନ୍ତି। ତେବେ ଘରୋଇ ସଂସ୍ଥାର ଅଡ଼ିଟ୍‌ ସମୟରେ ଏହା ଜଣାପଡ଼ିଥିଲା। ଜଟଣୀ ଓ ଖୋର୍ଦ୍ଧାର ୨୧ଟି ବ୍ୟାଙ୍କ ଏଟିଏମ୍‌ରୁ ୬ ମାସ ମଧ୍ୟରେ ଏହି ପନ୍ଥା ଅବଲମ୍ବନ କରି ୧ କୋଟି ୩୯ ଲକ୍ଷ ହଡ଼ପ କରିଥିବା ଜଟଣୀ ଥାନାରେ ଜୁଲାଇ୧୪ ରେ କମ୍ପାନୀର ଅଧିକାରୀ ତାପସ କୁମାର ମହାନ୍ତି ଅଭିଯୋଗ କରିଥିଲେ। ତେବେ ଅଡିଟ୍‌ ପରେ ପ୍ରକୃତ ଘଟଣା କମ୍ପାନୀର ଅଧିକାରୀମାନେ ଜାଣିପାରିଥିବା ଖବରପାଇ ମୀନକେତନ ଥାନାରେ ଅଭିଯୋଗ ହେବା ପୂର୍ବରୁ ୧୨ ତାରିଖରେ ଆତ୍ମହତ୍ୟା ଉଦ୍ୟମ କରିଥିଲେ। ଟଙ୍କା ନେଇ ଆସୁଥିବା ସଂସ୍ଥାର ଗାଡ଼ିରେ ଥିବା ସିକ୍ୟୁରିଟି ଗାର୍ଡଙ୍କ ବନ୍ଧୁକ ନେଇ ୧୬ ନଂ. ଜାତୀୟ ରାଜପଥରେ ଏପରି ଉଦ୍ୟମ ସେ କରିଥିଲେ। ତେବେ ଗୁଳି ତାଙ୍କ କାନରେ ବାଜିବାରୁ ସେ ବଞ୍ଚତ୍ୟାଇଥିଲେ। ସେ ଆହତ ଅବସ୍ଥାରେ ଏମ୍‌ସରେ ଚିକିତ୍ସାଧୀନ ଅଛନ୍ତି। ମୀନକେତନ ଏପରି ଷ୍ଟାଇଲ୍‌ରେ କେତେଦିନ ହେବ ଟଙ୍କା ହଡ଼ପ କରୁଥିଲେ ଏବଂ ଏଥିରେ ତାଙ୍କୁ ଆଉ କିଏ ସହଯୋଗ କରୁଥିଲେ ସେନେଇ ପୋଲିସ ତଦନ୍ତ ଚଳାଇଛି। ୪ ଜଣଙ୍କୁ ଅଟକ ରଖି ପୋଲିସ ପଚରାଉଚୁରା ଜାରି ରଖିଛି। ଏହି ଉପାୟରେ ଟଙ୍କା ହଡ଼ପ କରି ମୀନକେତନ ବିପୁଳ ସମ୍ପତ୍ତି ଠୁଳ କରିଥିବା ଜଣାପଡ଼ିଛି। ଗୋଟିଏ ଟ୍ରକ୍‌, ହୋଣ୍ଡାସିଟି ଓ ଇନୋଭା ଦୁଇଟି କାର୍‌, ଗୋଟିଏ ପିକ୍‌ଅପ୍‌ ଭ୍ୟାନ୍‌, ଗୋଟିଏ ଦାମିକା କେଟିଏମ୍‌ ବାଇକ୍‌ ପୋଲିସ ଜବତ କରିଛି। ବାହାଘର ଶୋଭାଯାତ୍ରାରେ ଯାଉଥିବା ଡିଜେ ଜବତ ଟ୍ରକ୍‌ରେ ଫିଟିଂ ହୋଇଥିବା ଅବସ୍ଥାରେ ଧରାପଡ଼ିଥିଲା। ଆହୁରି ଟ୍ରକ୍‌ ଓ ଦାମିକା ବାଇକ୍‌ ରହିଥିବା ପୋଲିସ ସୂଚନା ପାଇଛି। ସେଗୁଡ଼ିକୁ ଜବତ କରିବାକୁ ପୋଲିସ ତନାଘନା କରୁଛି। ଗାଡ଼ିଗୁଡ଼ିକ ମୀନକେତନଙ୍କ ସମ୍ପର୍କୀୟ ଭାଇଙ୍କ ନାମରେ ଥିବା ବେଳେ ସେମାନଙ୍କ ଦ୍ୱାରା ଏହାର କାରବାର କରାଯାଉଥିବା ଜାଣିବାକୁ ମିଳିଛି। ତେବେ ଏହି ହଡପ ଟଙ୍କାରେ ମୀନକେତନ ଏହି ବିପୁଳ ସମ୍ପତ୍ତିର ମାଲିକ ହୋଇଛନ୍ତି ନା ନାହିଁ ପୋଲିସ ତାହାର ତଦନ୍ତ କରୁଛି।


Enter your email to get our daily news in your inbox.

All Right Reserved By Dharitri.Com

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

ପିନାକୀ-ମହେଶଙ୍କୁ ମିଳିଲାନି ଟିକେଟ

ଭୁବନେଶ୍ୱର,୨୮।୩: ଆଗାମୀ ଲୋକ ସଭା ନିର୍ବାଚନକୁ ନେଇ ବିଜେଡି ଏହାର ପ୍ରାର୍ଥୀ ଘୋଷଣା କରିଛି। ବୁଧବାର ୧୫ ଆସନ ଲାଗି ପ୍ରାର୍ଥୀ ଘୋଷଣା ହୋଇଛି। ସେଥିମଧ୍ୟରୁ...

ପଦ୍ମ ଧରିଲେ ପଦ୍ମଶ୍ରୀ ଦମୟନ୍ତୀ ବେସ୍ରା

ଭୁବନେଶ୍ୱର/ନୂଆଦିଲ୍ଲୀ,୨୮।୩: ଭାଜପାରେ ସାମିଲ ହେଲେ ପଦ୍ମଶ୍ରୀ ଦମୟନ୍ତୀ ବେସ୍ରା। ଗୁରୁବାର ଅପରାହ୍ନ ସାଢେ ୨ଟାରେ ନୂଆଦିଲ୍ଲୀର ଭାଜପା ମୁଖ୍ୟାଳୟରେ ସେ ଯୋଗ ଦେଇଛନ୍ତି। ଏହା ସହିତ...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

ଏପ୍ରିଲ ପ୍ରଥମ ସପ୍ତାହରେ ଘୋଷଣା ହେବ କଂଗ୍ରେସ ଟିକେଟ୍‌

ଭୁବନେଶ୍ୱର,୨୮।୩: ମୁଣ୍ଡ ଉପରେ ନିର୍ବାଚନ। ଭାଜପା ଓ ବିଜେଡି ପର୍ଯ୍ୟାୟ କ୍ରମେ ନିଜର ପ୍ରାର୍ଥୀ ତାଲିକା ଘୋଷଣା କରିଛନ୍ତି। କିନ୍ତୁ ଏଥିରେ ପଛରେ ପଡିଛି କଂଗ୍ରେସ...

ଭାଜପାରେ ମିଶିପାରନ୍ତି ଅନୁଭବ, ଆଜି ହେବ ସ୍ପଷ୍ଟ

ଭୁବନେଶ୍ୱର,୨୮ା୩: ବିଜେଡି ଟିକେଟ୍‌ରେ କେନ୍ଦ୍ରାପଡ଼ା ଲୋକ ସଭାକୁ ନିର୍ବାଚିତ ହୋଇଥିବା ଅଭିନେତା ଅନୁଭବ ମହାନ୍ତି ଗୁରୁବାର ଭାଜପାରେ ଯୋଗ ଦେଇ ପାରନ୍ତି ବୋଲି ରାଜନୈତିକ ମହଲରେ...

ଟିକେଟ୍‌ ପାଇବା ପରେ ନବୀନ ନିବାସରେ ନେତାଙ୍କ ପ୍ରବଳ ଭିଡ଼, ଭେଟିବାକୁ ଆସିଲେ…

ଭୁବନେଶ୍ୱର,୨୮ା୩: ଟିକେଟ୍‌ ପାଇବା ପରେ ବିଜେଡି ସୁପ୍ରିମୋଙ୍କୁ ଧନ୍ୟବାଦ ଜଣାଇବା ପାଇଁ ନବୀନ ନିବାସରେ ଏମ୍‌ପି ଏବଂ ବିଧାୟକ ପ୍ରାର୍ଥୀଙ୍କ ପ୍ରବଳ ଭିଡ଼ ଲାଗିଛି। ଏମାନଙ୍କ...

ଅପରାଜିତାଙ୍କ ବିପକ୍ଷରେ ଜିତିବା ନେଇ ଏମିତି କହିଲେ ମନ୍ମଥ ରାଉତରାୟ

ପୁରୀ,୨୮।୩: ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟଙ୍କ ସାନ ପୁଅ ମନ୍ମଥ ରାଉତରାୟଙ୍କୁ ଭୁବନେଶ୍ୱର ଲୋକ ସଭା ଆସନରୁ ବିଜେଡି ଟିକେଟ ଦେଇଛି। ଏହାକୁ ନେଇ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri