କୋଡିଡ୍-୧୯ ମହାମାରୀ ସମୟରେ ଅନ୍ଲାଇନ୍ରେ ଶିକ୍ଷାରୁ ବଞ୍ଚିତ ହେଉଥିବା ଗରିବ ପିଲାମାନଙ୍କୁ ସାହାଯ୍ୟର ହାତ ବଢାଇଛନ୍ତି କେରଳର ଜଣେ ଅବସାପ୍ରାପ୍ତ ଶିକ୍ଷକ ପି.କେ. ବିନୋଦ କୁମାର। ସେ ଗରିବ ପିଲାମାନଙ୍କୁ ନିଜ ପେନ୍ସନ ଟଙ୍କାରେ ଟାବଲେଟ କିଣି ଯୋଗାଇ ଦେଇଛନ୍ତି। ବିନୋଦ କୁମାର କୋଝିକୋଡ୍ସ୍ଥ କୋଡାଲ ଗଭର୍ନମେଣ୍ଟ ୟୁପି ସ୍କୁଲର ବିଜ୍ଞାନ ଶିକ୍ଷକ ଥିଲେ ଓ ୨୦୧୮ରେ ସ୍ବେଚ୍ଛାକୃତ ଅବସର ନେଇଛନ୍ତି। ଅବସର ପରେ କୁମାର ପାଇଥିବା ଟଙ୍କାରୁ ୧ ଲକ୍ଷ ୮୭ ହଜାର ଖର୍ଚ୍ଚ କରି ୧୮ ଜଣ ଗରିବ ପିଲାଙ୍କୁ ଟାବଲେଟ୍ ଯୋଗାଇ ଦେଇଛନ୍ତି। ସ୍କୁଲ କର୍ତ୍ତୃପକ୍ଷ ଏହି ଗରିବ ପିଲାଙ୍କ ତାଲିକା ପ୍ରସ୍ତତ କରିଥିଲେ। କେବଳ ଏତିକ ନୁହେଁ, ଅବସର ନେବା ପୂର୍ବରୁ ବି ପ୍ରତିବର୍ଷ ସେ ପଢ଼ାଉଥିବା ସ୍କୁଲର ଟପ୍ପର୍ଙ୍କୁୁ ଆର୍ଥିକ ପୁରସ୍କାର ଦେବାର ବ୍ୟବସ୍ଥା କରିବା ସହ ଗରିବ ପିଲାମାନଙ୍କୁ ପାଠ୍ୟ ଉପକରଣ ମଧ୍ୟ ଯୋଗାଇ ଦେଉଥିଲେ। କୁମାର ଭାରତୀୟ ସାକ୍ଷରତା ମିଶନ ଦ୍ୱାରା ପ୍ରଦତ୍ତ ଦି ନ୍ୟାଶନାଲ ବିଲ୍ଡର ଆଓ୍ବାର୍ଡ ଲାଭ କରିଛନ୍ତି।
