ଝାଡ଼ଖଣ୍ଡ ରାଞ୍ଚି ଅନ୍ତର୍ଗତ କୋଟଓ୍ବାଲି ଥାନା ଅଞ୍ଚଳରେ ଏକ ଅଜବ ଘଟଣା ସାମ୍ନାକୁ ଆସିଛି। ଜଣେ ବାଳକଙ୍କ ଅନ୍ତିମ ସଂସ୍କାର ଶେଷ କରିବା ପରେ ସେ ଜୀବିତ ଥିବା ଜଣାପଡିଛି। କୋଟଓ୍ବାଲି ଥାନା ଅଞ୍ଚଳରେ ଚୌରନ୍ଦିର ୪ ଜଣ ପିଲା କିଛିଦିନ ହେବ ନିଖୋଜ ଥିଲେ। ସେମାନେ ହେଲେ କରଣ, ସୁବିଲ, ପତରସ ଓ ସୁରଜଦୀପ୍। ୧୦ ନଭେମ୍ବର ସକାଳେ ଟ୍ରକ୍ ଧକ୍କାରେ ଦୁଇଜଣଙ୍କର ମୃତ୍ୟୁ ହୋଇଥିଲା ଓ ସେମାନଙ୍କ ମଧ୍ୟରୁ କରଣଙ୍କୁ ଚିହ୍ନଟ କରାଯିବା ପରେ ଅନ୍ୟ ଜଣଙ୍କୁ ଚିହ୍ନଟ କରାଯାଇପାରି ନ ଥିଲା। କିନ୍ତୁ କରଣ ସହ ପତରସ ସବୁବେଳେ ସାଙ୍ଗ ହୋଇ ରହୁଥିତ୍ବାରୁ ମୃତ ପିଲାଟିକୁ ପତରସ ଭାବି ତା’ ମାତାପିତା ୧୨ ନଭେମ୍ବର ରାତିରେ ତା’ର ଅନ୍ତିମ ସଂସ୍କାର ଶେଷ କରିଥିତ୍ଲେ। ଅନ୍ତିମ ସଂସ୍କାର କରିବାର ଦିନକ ପରେ ଜାଣି ପାରିଥିଲେ ଯେଉଁ ପିଲାର ସେମାନେ ଅନ୍ତିମ ସଂସ୍କାର କରିଛନ୍ତି ସେ ତାଙ୍କ ପୁଅ ନୁହେଁ। ସେ ସୁବିଲ କୁଜୁର। ପତରସ ଓ ସୁବିଲର ବଡ଼ଭାଇ ସୁରଜଦୀପ କୋତବାଲିର ଅପର ବଜାରରେ ଶୋଇଥିତ୍ବା ଅବସ୍ଥାରେ ପାଇ କୋତବାଲି ଥାନା ନଭେମ୍ବର ୯ରେ ଚାଇଲ୍ଡ ଲାଇନ୍କୁ ହସ୍ତାନ୍ତର କରିଥିଲା। ଏହାପରେ ଚାଇଲ୍ଡ ଲାଇନ ଏହି ଦୁଇଜଣଙ୍କୁ ବାଳାଶ୍ରମରେ ରଖିଥିଲା। ଦୁଇ ପିଲାଙ୍କ ଫଟୋ ଖବରକାଗଜରେ ପ୍ରକାଶ ପାଇବା ପରେ ଏମାନଙ୍କ ଅଭିଭାବକ ଥାନାରେ ପହଞ୍ଚି ଚିହ୍ନିଥିଲେ। ଚାଇଲ୍ଡ ଲାଇନ୍ ଯଦି ପୂର୍ବରୁ ଏହି ଖବର ଏମାନଙ୍କ ଅଭିଭାବକଙ୍କୁ ଦେଇଥାନ୍ତା ତେବେ, ବଞ୍ଚିଥିତ୍ବା ପିଲାର ଅନ୍ତିମ ସଂସ୍କାର କରାଯାଇ ନ ଥାନ୍ତା।
