ଆସିକା,୧୪।୨(ଡି.ଏନ୍.ଏ.): ଗଞ୍ଜାମ ଜିଲା ଆସିକା ଏନ୍ଏସି ପକ୍ଷରୁ ଗୁରୁବାର ସହରାଞ୍ଚଳରୁ ଜବରଦଖଲ ଉଚ୍ଛେଦ ହୋଇଥିଲା। ଆସିକା କଳିଙ୍ଗାରୋଡ୍ ପାର୍ଶ୍ୱସ୍ଥ ଟେଲିଫାନ୍ ଭବନ ସମ୍ମୁଖରେ ଥିବା କେତେକ ବେଆଇନ ନିର୍ମାଣକୁ ମଧ୍ୟ ଉଚ୍ଛେଦ କରାଯାଇଥିଲା। ତେବେ ଏହି ଉଚ୍ଛେଦ ପ୍ରତିବାଦରେ ସଂପୃକ୍ତ ସ୍ଥାନରେ ବସବାସ କରୁଥିବା କେତେକ ଗରିବ ବାସହୀନ ଗୁରୁବାର ମଧ୍ୟାହ୍ନରୁ ବର୍ତ୍ତମାନ ପର୍ଯ୍ୟନ୍ତ ଧାରଣାରେ ବସିଛନ୍ତି। କୌଣସି ପୂର୍ବ ସୂଚନା ନ ଥାଇ ଓ ବାସହୀନଙ୍କୁ ବିକଳ୍ପ ବାସଗୃହର ବ୍ୟବସ୍ଥା ନ କରି କର୍ତ୍ତୃପକ୍ଷ ମନଇଚ୍ଛା ଭାଙ୍ଗି ଦେଇଥିବା ଧାରଣାର ନେତୃତ୍ୱ ନେଇଥିବା ସିପିଏମ୍ ରେଡ୍ ଷ୍ଟାର ନେତା ଶଙ୍କର ସାହୁ ଅଭିଯୋଗ କରିଛନ୍ତି। ଏହି ଉଚ୍ଛେଦରେ ସଂପୃକ୍ତ ସ୍ଥାନରେ ଥିବା ସିପିଏମ୍ ଦଳୀୟ କାର୍ଯ୍ୟାଳୟକୁ ମଧ୍ୟ ଭାଙ୍ଗି ଦିଆଯାଇଥିବା ପ୍ରତିବାଦରେ ସିପିଏମ୍ ନେତା ଲକ୍ଷ୍ମଣ ପାଢ଼ୀ ଧାରଣାରେ ବସିଛନ୍ତି।
