ତରଭା, ୨୯ା୨(ଡି.ଏନ.ଏ.)
ସୁବର୍ଣ୍ଣପୁର ଜିଲା ତରଭା ବ୍ଲକ ଆଞ୍ଚଳିକ କୃଷକ ସଂଗଠନ ଆନୁକୂଲ୍ୟରେ ଚାଲିଥିବା ଚାଷୀ ଆନ୍ଦୋଳନ ପଞ୍ଚମ ଦିନରେ ପହଞ୍ଚିଛି ା ଶୁକ୍ରବାର ପ୍ରଶାସନର ଦୃଷ୍ଟି ଆକର୍ଷଣ ପାଇଁ ତରଭା ବ୍ଲକର ଚାଷୀମାନେ ନିଆରା ଢଙ୍ଗରେ ପ୍ରତିବାଦ କରିଥିଲେ। ଶେଷ ଚାଷୀଠାରୁ ଶେଷ ବସ୍ତା ଧାନ ନ ଉଠିବା ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ ବୋଲି ଚାଷୀମାନେ ବ୍ଲକ ସମ୍ମୁଖରେ ଏକ କୁଶପୁତ୍ତଳିକା କରି ତାହାକୁ ପ୍ରଶାସନର ଆଖ୍ୟାଦେଇ ଶୋଭାଯାତ୍ରାରେ ନଗର ପରିକ୍ରମା କରିଥିଲେ ା ପରେ ପୁଣି ବ୍ଲକ ଅଫିସ ସମ୍ମୁଖକୁ ଆସି ସେଠାରେ ସେହି କୁଶପୁତ୍ତଳିକାରେ ଅଗ୍ନ୍ନି ସଂଯୋଗ କରି ପ୍ରଶାସନର ସଂସ୍କାର କରିଥିଲେ ା ଅଞ୍ଚଳର ଚାଷୀ ସରକାରଙ୍କ ମାରଣା ନୀତିରେ ଟୋକନ ଲାପ୍ସ ହୋଇଯିବା ଯୋଗୁଁ ସେମାନଙ୍କର ଧାନବିକ୍ରି କରିପାରି ନାହାନ୍ତି। ଆଉ କେତେକ ଅନଲାଇନରେ ପଞ୍ଜିକୃତ ହୋଇଥିଲେ ମଧ୍ୟ ଟୋକନ ପାଇନାହାନ୍ତି। ଫଳରେ ଧାନ ଚାଷୀ ନିଜଘରେ ରଖିବାକୁ ବାଧ୍ୟ ହୋଇଛନ୍ତି ା ସଂସ୍କାର କାର୍ଯ୍ୟକ୍ରମ ପରେ ଜିଲା ପ୍ରଶାସନ ପକ୍ଷରୁ ସିଏସଓ ବିବେକାନନ୍ଦ କେର୍କେରା ଘଟଣାସ୍ଥଳରେ ପହଞ୍ଚି ଯେତେ ଚାଷୀ ଧାନ ବାହାରେ ରଖିଛନ୍ତି ତାଙ୍କର ତାଲିକା ଦେଲେ, ଉଠିବାର ବ୍ୟବସ୍ଥା ମୁଁ ନିଜେ କରିବି ବୋଲି ଚାଷୀ ମାନଙ୍କୁ ପ୍ରତିଶ୍ରୁତି ଦେଇଥିଲେ ା ପ୍ୟାକ୍ସରେ ଥିବା ଧାନଗୁଡିକ ଗୁରୁବାରଠାରୁ ବିଭିନ୍ନ ମିଲ୍କୁ ଯାଉଥିବା ଜଣାପଡିଛି ା ଚାଷୀ ମାନେ ସିଏସଓ କେର୍କେରାଙ୍କ ଆଗରେ ଶେଷ ଚାଷୀଠାରୁ ଶେଷ ବସ୍ତା ଧାନ ନ ଉଠିବା ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ ବୋଲି ପୁଣି ଦୋହରାଇଥିଲେ ା ଏହି ଶୋଭାଯାତ୍ରାରେ ଜିଲା କୃଷକ ସଂଘଠନ ସଭାପତି ରାଜେନ୍ଦ୍ର ନାଏକ, ଉଲୁଣ୍ଡା ବ୍ଲକ ଉପସଭାପତି ସୁଧିର ବଘାର, ସମ୍ପାଦକ ସତ୍ୟ ପଧାନ, ଉପେନ୍ଦ୍ର ଡାଙ୍ଗ, ବୀରମହାରାଜପୁର ଉପଖଣ୍ଡ କୋଷାଧ୍ୟକ୍ଷ ନରୋତ୍ତମ ପଧାନ, ମିତ୍ରବ୍ରତ ମିଶ୍ର, ପୁରନ୍ଦର ବାଗ, ସଦାନନ୍ଦ ପାଣିଗ୍ରାହୀ, ମନୋଜ ମନହୀରା, କାର୍ତ୍ତିକ ନାଗ, ପରମାନନ୍ଦ ମିଶ୍ରଙ୍କ ସମେତ ସଂଗଠନର ଉପସଭାପତି କଙ୍ଗାଲୁ ବରାଡ, ଭବାନୀଶଙ୍କର ମିଶ୍ର, ନିଳାଦ୍ରି ମେହେର ପ୍ରମୁଖ ଅନେକ ଚାଷୀ ସାମିଲ ହୋଇଥିଲେ ା
