ଆତ୍ମସମର୍ପଣ କରିଥିବା ମହିଳା ମାଓବାଦୀଙ୍କ ଅଭିଯୋଗ

(ଦୀନେଶ କୁମାର ଦେହୁରୀ)
ବନ୍ତଳା,୩ା୯

ହିଂସାର ପଥ ପରିତ୍ୟାଗ କରି ସମାଜର ମୁଖ୍ୟ ସ୍ରୋତକୁ ଫେରିଥିବା ଜଣେ ମହିଳା ମାଓବାଦୀଙ୍କୁ ଏଯାଏ ମିଳିନି ସମସ୍ତ ସରକାରୀ ସହାୟତା। ଏପରି କି ରହିବା ପାଇଁ ଘର କି ଚଳିବା ପାଇଁ କାମ ଯୋଗାଇ ଦିଆଯାଇ ନ ଥିବାରୁ ସେ ବାଧ୍ୟ ହୋଇ ପୋଲିସ କ୍ୟାମ୍ପ ଛାଡ଼ି ଘରକୁ ପଳାଇ ଯାଇଛନ୍ତି। ଅନୁଗୋଳ ଜିଲା ସାତକୋଶିଆ ଜଙ୍ଗଲ ମଧ୍ୟରେ ତାଙ୍କ ଗଁା ହୋଇଥିବାରୁ ଜୀବନ ପ୍ରତି ବିପଦ ଥିବା ଅଭିଯୋଗ କରିଛନ୍ତି ପୁରୁଣାକୋଟ ଥାନା ମଝିପଡା ଗ୍ରାମର ଜଲି ଦେହୁରୀ (୧୮)।
ଜଲିଙ୍କ ଅଭିଯୋଗ ଅନୁଯାୟୀ, ୨୦୧୮ରେ ଅଭୟାରଣ୍ୟ ମଧ୍ୟରେ ମାଓବାଦୀ ବୈଠକ କରିବା ସହ ସରକାର, ପୋଲିସ, ବନ ବିଭାଗ ବିରୋଧରେ ବିଭିନ୍ନ କଥା କହି ଗଁା ଲୋକଙ୍କୁ ନିଜ ସଙ୍ଗଠନ ଆଡକୁ ଆକର୍ଷିତ କରିଥିଲେ। ସେହି ସମୟରେ ସେ ଘର ଛାଡ଼ି ମାଓବାଦୀ ସଙ୍ଗଠନରେ ସାମିଲ ହୋଇଥିଲେ। ଦିନରାତି ଘଞ୍ଚ ଜଙ୍ଗଲ ପାହାଡ଼ରେ ବୁଲିବା ସହିତ ବିଭିନ୍ନ ସ୍ଥାନରେ କ୍ୟାମ୍ପ କରି ରହିଥିଲେ। ଟିମ୍‌ ମୁଖ୍ୟ ସୁଶାନ୍ତ ଓ ଅନ୍ୟ ୩ ଝିଅଙ୍କ ସହ ତାଙ୍କୁ ମିଶାଇ ମୋଟ୍‌ ୧୦ ଜଣ ଗୋଟିଏ କ୍ୟାମ୍ପରେ ରହିଥିଲେ। ଦିନେ ଏସ୍‌ଓଜି ଓ ପୋଲିସ ସହିତ ମୁହାଁମୁହିଁ ହେବାରୁ ସେମାନେ ଅନ୍ୟ ଏକ ପାହାଡ଼କୁ ଖସି ଯାଇଥିଲେ। ମାଓବାଦୀ ସଙ୍ଗଠନରେ ମାସେ ରହିବା ପରେ ସେ ସମାଜର ମୁଖ୍ୟ ସ୍ରୋତକୁ ଫେରି ଆସିବାକୁ ନିଷ୍ପତ୍ତି ନେଇଥିଲେ। ଜଣେ ପୁରୁଷ ସାଥୀଙ୍କ ସହ ଲୁଚି ଚାଲିଆସି ଅନୁଗୋଳ ଡିଆଇଜି ଓ ତତ୍‌କାଳୀନ ଏସ୍‌ପିଙ୍କ ନିକଟରେ ଆତ୍ମସମର୍ପଣ କରିଥିଲେ। ଆତ୍ମସମର୍ପଣ ବେଳେ ତାଙ୍କୁ ସରକାରୀ ସହାୟତା ସମ୍ପର୍କରେ ପ୍ରତିଶ୍ରୁତି ଦିଆଯାଇଥିଲା। ନିୟମ ଅନୁଯାୟୀ ୩ଲକ୍ଷ ୫୦ ହଜାର ଟଙ୍କା, ଅନୁଗୋଳ ସହରରେ ଜାଗା, ଘର ନିର୍ମାଣ ଓ ଚଳିବା ପାଇଁ କାମ ଯୋଗାଇ ଦିଆଯିବ ବୋଲି କୁହାଯାଇଥିଲା। ତାଙ୍କ ସହ ଆତ୍ମସମର୍ପଣ କରିଥିବା ପୁରୁଷ ସାଥୀଙ୍କୁ ମଧ୍ୟ ଛେଳିଆପଡା ରିଜର୍ଭ କ୍ୟାମ୍ପରେ ରଖାଯାଇଥିଲା। ୨୦୧୮ ଅକ୍ଟୋବର ୫ରେ ଗୋଟିଏ କିସ୍ତିରେ ୯୮ ହଜାର ଓ ଆଉ ଏକ କିସ୍ତିରେ ୫୦ ହଜାର ଏପରି ମୋଟ୍‌ ୧ ଲକ୍ଷ ୪୮ ହଜାର ଟଙ୍କା ତାଙ୍କ ଆକାଉଣ୍ଟରେ ଜମା କରାଯାଇଥିଲା। କିନ୍ତୁ ଏହା ପରଠୁ ଆଉ କୌଣସି ସହାୟତା ତାଙ୍କୁ ଏଯାଏ ମିଳିନାହିଁ। ଏପରି କି ଶିମିଳିପଡାଠରେ ସେ ଓ ତାଙ୍କ ପୁରୁଷ ସାଥୀ କରିଥିବା ଏକ ଚା ଦୋକାନକୁ ପୋଲିସ ପକ୍ଷରୁ ବନ୍ଦ କରି ଦିଆଯାଇଛି। ରୋଷେଇ କରି ଖାଇବା ପାଇଁ ପୋଲିସ ପକ୍ଷରୁ ବିଭିନ୍ନ ସାମଗ୍ରୀ ଯୋଗାଣ ବ୍ୟତୀତ ଆଉ କିଛି ସହାୟତା ଦିଆ ନ ଯିବାରୁ ସେ ବାଧ୍ୟ ହୋଇ ସପ୍ତାହେ ହେଲା ନିଜ ଗାଁକୁ ଫେରିଛନ୍ତି। ମା’ ବାପା ଗାଈ ଚରାଉଥିବା ବେଳେ ତାଙ୍କ ପରିବାରରେ ମୋଟ୍‌ ୧୦ ସଦସ୍ୟ ଅଛନ୍ତି। ତାଙ୍କ ଜୀବନ ପ୍ରତି ବିପଦ ରହିଛି। ତେଣୁ ଦିଆଯାଇଥିବା ପ୍ରତିଶ୍ରୁତି ଅନୁଯାୟୀ, ସହରରେ ଜାଗା ଓ ଚଳିବା ପାଇଁ କାମ, ବକେୟା ଅର୍ଥ ପ୍ରଦାନ କରାଗଲେ ସେ ଉପକୃତ ହେବା ସହିତ ଏହା ଅନ୍ୟ ମାଓବାଦୀଙ୍କୁ ସମାଜର ମୁଖ୍ୟ ସ୍ରୋତ ଆଡ଼କୁ ଆକର୍ଷିତ କରିପାରନ୍ତା ବୋଲି ଜଲି କହିଛନ୍ତି।
ଏ ସମ୍ପର୍କରେ ଅନୁଗୋଳ ଏସ୍‌ପି ଜଗମୋହନ ମୀନା କହିଛନ୍ତି, ଜଲିଙ୍କୁ ଜାଗା, ଘର, ପାଠପଢ଼ା, ବିବାହ ଓ ହାତ ଖର୍ଚ୍ଚ ପାଇଁ ଦେଢଲକ୍ଷ ଟଙ୍କା ଦିଆଯାଇଛି। ସରକାରୀ ନିୟମ ଅନୁଯାୟୀ ୨୦୧୯ ଅକ୍ଟୋବର ଓ ୨୦୨୦ ଅକ୍ଟୋବରରେ ଆଉ ୫୦ ହଜାର ଲେଖାଏ ଏବଂ ୨୦୨୧ ଅକ୍ଟୋବରରେ ଆଉ ଏକ ଲକ୍ଷ ଟଙ୍କା ଦିଆଯିବ। ଉତ୍ତର କେନ୍ଦ୍ରାଞ୍ଚଳ ଡିଆଇଜି ନରସିଂହ ଭୋଳ କହିଛନ୍ତି, ଜଲିଙ୍କ ଅଭିଯୋଗର ସତ୍ୟାସତ୍ୟ ପରଖିବା ପରେ ଯାହା କିଛି କୁହାଯାଇପାରିବ।


Enter your email to get our daily news in your inbox.

All Right Reserved By Dharitri.Com

ପ୍ରତି ନିର୍ବାଚନରେ ବଢିଚାଲିଛି ଖର୍ଚ୍ଚ ସୀମା, ଲୋକ ସଭା ନିର୍ବାଚନରେ ଏତେ ଲକ୍ଷ ଟଙ୍କା ଖର୍ଚ୍ଚ କରନ୍ତି ପ୍ରାର୍ଥୀ

ନୂଆଦିଲ୍ଲୀ,୨୯।୩: ଲୋକ ସଭା ନିର୍ବାଚନ ୨୦୨୪ର ସମସ୍ତ ପ୍ରକ୍ରିୟା ଆରମ୍ଭ ହୋଇସାରିଛି। ନିର୍ବାଚନ ପ୍ରକ୍ରିୟା ମଧ୍ୟରେ ନିର୍ବାଚନ କମିଶନରଙ୍କ ଦାୟିତ୍ୱ ରହିଥାଏ କି କ୍ଷମତାସୀନ ଦଳ...

ଆଜି ଗୁଡ୍‌ ଫ୍ରାଇଡେ: ବାଇବେଲ ପାଠକରି ସାମୂହିକ ପ୍ରାର୍ଥନା କଲେ ଶ୍ରଦ୍ଧାଳୁ

ଦାରିଙ୍ଗବାଡି,୨୯।୩ (ଅରୁଣ ସାହୁ ): ଆଜି ଗୁଡ୍‌ ଫ୍ରାଇଡେ। ଏହାକୁ ଶ୍ରଦ୍ଧାଳୁମାନେ ରୀତିନୀତି ଅନୁସାରେ ପାଳନ କରିଛନ୍ତି। ଯିଶୁଖ୍ରୀଷ୍ଟଙ୍କୁ ଆଜିର ଦିନରେ କାଲବରୀ ନାମକ ଏକ...

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

ପୈତୃକ ଗାଁରୁ ପ୍ରଚାର ମଇଦାନକୁ ଓହ୍ଲାଇଲେ ପ୍ରଦୀପ

ବରଗଡ଼,୨୯।୩(ପ୍ରେମାନନ୍ଦ ଖମାରୀ): ବରଗଡ଼ ଲୋକସଭା ଆସନ ପାଇଁ ଭାଜପା ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଛି। ବରଗଡ଼ ଲୋକସଭା କ୍ଷେତ୍ର ଅଧୀନ ବିଜେପୁର ନିର୍ବାଚନ ମଣ୍ଡଳି ପୈତୃକ...

ନବବିବାହିତ ଯୁବକଙ୍କୁ ଗଳାକାଟି ହତ୍ୟା

ଗଜପତି,୨୯।୩(ଗିରିଧାରୀ ପରିଛା): ଗଜପତି ଜିଲା ଗୋସାଣି ବ୍ଲକ ଗୁରାଣ୍ଡି ଥାନା ଅଧୀନ ତୋଟାଗୁମ୍ବୁଡା ଗାଁରେ ଏକ ଅଘଟଣ ଘଟିଛି। ଜଣେ ନବବିବାହିତ ଯୁବକଙ୍କୁ ଗଳାକାଟି ଅତି...

ମୁଖ୍ୟମନ୍ତ୍ରୀଙ୍କୁ ଭେଟି ଆଶୀର୍ବାଦ କାମନା କଲେ ଦେବେଶ ଆଚାର୍ଯ୍ୟ

ବରଗଡ଼,୨୯ା୩(ପ୍ରେମାନନ୍ଦ ଖମାରୀ): ବରଗଡ଼ ବିଧାନସଭା ନିର୍ବାଚନ ମଣ୍ଡଳୀ ପାଇଁ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କ୍ରମାଗତ ତୃତୀୟଥର ପାଇଁ ଦେବେଶ ଆଚାର୍ଯ୍ୟଙ୍କ ନାମ...

ଗୁଡ୍‌ ଫ୍ରାଇଡେରେ ପ୍ରାର୍ଥନା କରି ନିର୍ବାଚନ ପ୍ରଚାର ଆରମ୍ଭ କଲେ ଦିଲୀପ ତିର୍କୀ

ସୁନ୍ଦରଗଡ,୨୭ା୩(ଜୟ ନାରାୟଣ ମେଣ୍ଡୁଳି): ଚର୍ଚ୍ଚରେ ପ୍ରାର୍ଥନା କରି ପ୍ରଚାର ଆରମ୍ଭ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲୀପ ତିର୍କୀ। ପ୍ରାର୍ଥୀ ଘୋଷଣା ହେବା ପରେ ଶୁକ୍ରବାର...

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri