ଲଣ୍ଡନ,୩୧।୩: ବର୍ଷର ଶେଷ ଛଅ ମାସରେ ବ୍ରିଟେନରେ ସାଧାରଣ ନିର୍ବାଚନ ହୋଇପାରେ। ପ୍ରଧାନମନ୍ତ୍ରୀ ଋଷି ସୁନକ ନିଜେ ଏହା ସୂଚନା ଦେଇଛନ୍ତି। ଗତ କିଛି ମାସ ମଧ୍ୟରେ, ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନାକ ମେ’ରେ ନିର୍ବାଚନକୁ ଏଡ଼ାଇ ଦେଇଥିଲେ ଏବଂ ଚଳିତ ବର୍ଷ ଶେଷରେ ନିର୍ବାଚନ ହୋଇପାରେ ବୋଲି ସୂଚନା ଦେଇଥିଲେ। ସେପଟେ ଏକ ସର୍ଭେରେ ଆଶ୍ଚର୍ଯ୍ୟଜନକ ଦାବି କରାଯାଇଛି। ଆସନ୍ତା ସାଧାରଣ ନିର୍ବାଚନରେ ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକଙ୍କ ଆସନ ମଧ୍ୟ ବିପଦରେ ଥିବା କୁହାଯାଇଛି।
ଏକ ଅଭିଯାନ ସଂଗଠନ ବେଷ୍ଟ ଫର ବ୍ରିଟେନ ସର୍ଭେ ପରେ କହିଛି ଯେ ଚଳିତ ବର୍ଷ ଶେଷରେ ହେବାକୁ ଥିବା ସାଧାରଣ ନିର୍ବାଚନରେ ଦେଶରେ ଶାସକ କଞ୍ଜରଭେଟିଭ ପାର୍ଟିକୁ ଏକ ବଡ଼ ପରାଜୟର ସମ୍ମୁଖୀନ ହେବାକୁ ପଡିପାରେ। କେବଳ ଏତିକି ନୁହେଁ ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକ ତାଙ୍କ ଉତ୍ତର ୟାର୍କଶାୟାରର ଆସନକୁ ହୁଏତ ବଞ୍ଚାଇ ପାରିବେ ନାହିଁ। ବେଷ୍ଟ ଫର ବ୍ରିଟେନ ଏହି ସର୍ଭେ ପୂର୍ବରୁ ୧୫,୦୨୯ଲୋକଙ୍କ ମତ ନେଇଥିଲା। ଯାହା ଉପରେ ଆଧାର କରି ପ୍ରସ୍ତୁତ ହୋଇଥିବା ରିପୋର୍ଟରେ ବିରୋଧୀ ଲେବର ପାର୍ଟିକୁ ୪୫ ପ୍ରତିଶତ ଭୋଟ ଅଂଶ ସହ ଶୀର୍ଷରେ ରହିଛି ଏବଂ କଞ୍ଜରଭେଟିଭ ତୁଳନାରେ ୧୯ ପଏଣ୍ଟ ଆଗୁଆ ରହିଛି। ସର୍ଭେ ଏହା ମଧ୍ୟ କହିଛି ଯେ ଆଗାମୀ ନିର୍ବାଚନରେ କଞ୍ଜରଭେଟିଭ ପାର୍ଟିର ଆଶା ସର୍ବନିମ୍ନ ସ୍ତରରେ ପହଞ୍ଚିଛି। ଏହା କୁହାଯାଉଛି ଯେ ସେମାନେ ଏଥର ୧୦୦ରୁ କମ ସିଟ ଜିତିଛନ୍ତି, ବିରୋଧୀ ଲେବର ପାର୍ଟି ଏଥିରୁ ଅନେକ ଲାଭ ପାଇବ। ଲେବର ପାର୍ଟି ଏଥର ୪୬୮ ଟି ସିଟ ଜିତିପାରେ।
ସର୍ଭେ ଅନୁଯାୟୀ, ଏଥର ୨୮ ଟି ସିଟିଂଥିବା କ୍ୟାବିନେଟ ସଦସ୍ୟ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରିବେ, ସେଥିମଧ୍ୟରୁ କେବଳ ୧୩ ଜଣ ପୁନଃ-ନିର୍ବାଚିତ ହେବେ। ଏହି ସର୍ଭେରେ ପୂର୍ବତନ ବ୍ରେକ୍ସିଟ ସଚିବ ତଥା ସୁନକଙ୍କର ଜଣେ ପ୍ରମୁଖ ସମାଲୋଚକ ଲର୍ଡ ଡେଭିଡ ଫ୍ରଷ୍ଟ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ଯେ ସର୍ବଶେଷ ସର୍ଭେ ତଥ୍ୟରୁ ଜଣାପଡିଛି ଯେ କଞ୍ଜରଭେଟିଭ ପାର୍ଟି ନିରାଶାର ସମ୍ମୁଖୀନ ହେଉଛି। ସେ କହିଛନ୍ତି ଯେ ସମୟ ସହିତ ମତଦାନ ଦିନକୁ ଦିନ ଖରାପ ହେବାରେ ଲାଗିଛି, ଯାହା ଭଲ ନୁହେଁ।
