ଆଇପିଏଲ୍‌-୨୦୨୦: ୟୁଏଇରେ ପହଞ୍ଚତ୍ଲା ପଞ୍ଜାବ, କୋଲକାତା, ରାଜସ୍ଥାନ ଦଳ
7:49 amAugust 21, 2020 / 21

ନୂଆଦିଲ୍ଲୀ, ୨୧।୮(ପି.ଟି.)-ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ରେ ଭାଗ ନେବାପାଇଁ କିଙ୍ଗ୍ସ ଇଲେଭେନ ପଞ୍ଜାବ, କୋଲକାତା ନାଇଟ ରାଇଡର୍ସ ଓ ରାଜସ୍ଥାନ ରୟାଲ୍ସ ଦଳ ଗୁରୁବାର ୟୁନାଇଟେଡ ଆରବ ଏମିରେଟ୍ସ(ୟୁଏଇ)ରେ ପହଞ୍ଚତ୍ଛନ୍ତି। କିଙ୍ଗ୍ସ ଇଲେଭେନ ପେସ୍‌ ବୋଲର ମହମ୍ମଦ ସାମି ଯାତ୍ରା ସମୟର ଏକ ଫଟୋ ସେୟାର କରିଛନ୍ତି। ରୟାଲ୍ସ ଓ କିଙ୍ଗ୍ସ ଇଲେଭେନ ଦଳ ଦୁବାଇରେ ଏବଂ ନାଇଟ ରାଇଡର୍ସ ଦଳ ଆବୁଧାବିରେ ଅବସ୍ଥାନ କରିବ। ଯିବା ପୂର୍ବରୁ ଖେଳାଳିଙ୍କର ଏକାଧିକଥର କୋଭିଡ-୧୯ ଟେଷ୍ଟ ହୋଇଛି। ୟୁଏଇରେ ଖେଳାଳିମାନେ ୬ ଦିନପାଇଁ ଆଇସୋଲେଶନରେ ରହିବେ। ଏହି ଅବସରରେ ପ୍ରଥମ, ୩ୟ ଓ ୬ଷ୍ଠ ଦିନ ସେମାନଙ୍କର କୋଭିଡ ଟେଷ୍ଟ ହେବ। ରିପୋର୍ଟ ନେଗେଟିଭ୍‌ ଆସିଲେ ସେମାନେ ଜୈବ ସୁରକ୍ଷିତ ପରିବେଶରେ ଟ୍ରେନିଂ ଆରମ୍ଭ କରିପାରିବେ। ସେପ୍ଟେମ୍ବର ୧୯ରୁ ଏହି ଲିଗ୍‌ ଆରମ୍ଭ ହେବ। ଟୁର୍ନାମେଣ୍ଟର ପ୍ରତି ୫ ଦିନରେ ଥରେ ଖେଳାଳି ଓ ସପୋର୍ଟ ଷ୍ଟାଫ୍‌ଙ୍କର କୋଭିଡ ଟେଷ୍ଟ ହେବ।
ଇଂଲଣ୍ଡ ଓ ଅଷ୍ଟ୍ରେଲିଆ ଖେଳାଳିମାନେ ଜୈବ-ସୁରକ୍ଷିତ ପରିବେଶରୁ ଆସୁଥିବାରୁ କ୍ୱାରାଣ୍ଟାଇନ୍‌ର ଆବଶ୍ୟକତା ନାହିଁ ବୋଲି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି) ଅଧ୍ୟକ୍ଷ ସଞ୍ଜୀବ ଚୁରିଓ୍ବାଲା ପ୍ରକାଶ କରିଛନ୍ତି। ଆରସିବି ସମେତ ମୁମ୍ବାଇ ଇଣ୍ଡିଆନ୍ସ, ଚେନ୍ନାଇ ସୁପରକିଙ୍ଗ୍ସ ଦଳ ଶୁକ୍ରବାର ୟୁଏଇରେ ପହଞ୍ଚତ୍ବେ। ବିରାଟ କୋହଲିଙ୍କ ନେତୃତ୍ୱାଧୀନ ଆରସିବି ଦଳର ସମସ୍ତ ଖେଳାଳି ଓ କର୍ମକର୍ତ୍ତା ଦୁବାଇସ୍ଥିତ ଓ୍ବାଲ୍ଡର୍ଫ ହୋଟେଲରେ ରହିବେ । ଏଥିପାଇଁ ପୂରା ଏକ ବ୍ଲକ୍‌ ବୁକ୍‌ କରାଯାଇଛି। ଏଥିରେ ୧୫୫ ରୁମ୍‌, ଜିମ୍‌ ଏବଂ ଡାଇନିଂ ରହିଛି। ହୋଟେଲର ସମସ୍ତ କର୍ମଚାରୀଙ୍କର ମଧ୍ୟ କୋଭିଡ-୧୯ ଟେଷ୍ଟ ହେବ ବୋଲି ସେ କହିଛନ୍ତି। ଆରସିବି ଟିମ୍‌ ୪୦ ସଦସ୍ୟ ବିଶିଷ୍ଟ ରହିବ। ଏହା ମଧ୍ୟରେ ୨୧ ଖେଳାଳି, ୫ ନେଟ୍‌ ବୋଲର, ୨ ଥ୍ରୋ ଡାଉନ୍‌ ସ୍ପେଶାଲିଷ୍ଟ, ୨ କ୍ରୀଡ଼ା ମନସ୍ତତ୍ତ୍ୱବିତ୍‌ ସାମିଲ।