ଅବହେଳିତ ମା’ ତାରାଶୁଣୀଙ୍କ ପୀଠ

ପଦ୍ମପୁର, ୧୧।୧୦(ଡି.ଏନ.ଏ.)- ଭଦ୍ରକ ଜିଲା ସାବରଙ୍ଗ ପଞ୍ଚାୟତ ଅଧୀନ ଆଟୋ ରାଜସ୍ବ ଗ୍ରାମର ଧନନ୍ତ୍ୱରୀ ନଦୀକୂଳରେ ଅବସ୍ଥିତ ମା’ ତାରାଶୁଣୀଙ୍କ ପୀଠ। ଜିଲାର ଏହି ପୁରାତନ ପୀଠ ଅବହେଳିତ ଅବସ୍ଥାରେ ରହିଛି। ମା’ଙ୍କ ମନ୍ଦିର ଅସମ୍ପୂର୍ଣ୍ଣ ହୋଇରହିଥିବା ବେଳେ ପ୍ରସାଦ ରୋଷେଇଶାଳ ନାହିଁ। ପାନୀୟ ଜଳର ସୁବିଧା ନ ଥିବାବେଳେ ଭକ୍ତମାନେ ଶୌଚ ହେବା ପାଇଁ ଶୌଚାଳୟ ମଧ୍ୟ ନାହିଁ। ସନ୍ଧ୍ୟା ହେଲେ ପୀଠ ଅନ୍ଧାରରେ ରହୁଛି। ଆଜି ପର୍ଯ୍ୟନ୍ତ ମନ୍ଦିର ବୈଦ୍ୟୁତିକରଣ ହୋଇପାରୁ ନାହିଁ। ମା’ଙ୍କ ତୋରଣ ଦ୍ୱାର ଏଯାଏ ହୋଇପାରି ନ ଥିବାବେଳେ ମନ୍ଦିରକୁ ପ୍ରବେଶ ରାସ୍ତା ଅଧା ତିଆରି ହୋଇ ପଡ଼ିରହିଛି। ଫଳରେ ଯାତାୟାତ ପାଇଁ ଭକ୍ତମାନେ ଅସୁବିଧାର ସମ୍ମୁଖୀନ ହେଉଛନ୍ତି।
ସଦର ବ୍ଲକଠାରୁ ୧୪ କି.ମି. ଦୂରରେ ରହିଛି ଏହି ପୀଠ। ଜିଲାର ସାବରଙ୍ଗ, ଗୋରାମାଟି, ତୋରଣପଦା, କ୍ଷୀରସାହି, ଆଟୋ, ବଣିଆ, ପଗଡ, ପଲ୍ଲୀ, ଚାପୁଣ୍ଡିଆ, କୋଦଣ୍ଡପୁର, ସାହାଡ଼ା, ଅଣ୍ଡରାଇ, ଧାମରା, ଚାନ୍ଦବାଲି, ବାସୁଦେବପୁର, ପଦ୍ମପୁର ଏବଂ ପଡ଼ୋଶୀ ଜିଲା କେନ୍ଦୁଝର, ଯାଜପୁର ଓ ବାଲେଶ୍ୱରରୁ ହଜାର ହଜାର ଭକ୍ତ ପ୍ରତ୍ୟହ ଏଠାକୁ ପୂଜାର୍ଚ୍ଚନା ପାଇଁ ଆସନ୍ତି। ମା’ଙ୍କ ପୀଠରେ ସବୁଦିନ ପୂଜା ହେଉଥିଲେ ମଧ୍ୟ ଶନିବାର ଓ ମଙ୍ଗଳବାର ଭକ୍ତଙ୍କ ସମାଗମ ଅଧିକ ହୋଇଥାଏ। ଉଲ୍ଲେଖନୀୟ ଯେ, ରାଜରାଜୁଡାଙ୍କର ଶାସନ ପରେ ଆରମ୍ଭ ହୋଇଥିଲା ଜମିଦାରୀ ପ୍ରଥା। କିମ୍ବଦନ୍ତୀ ଅନୁସାରେ ଅଞ୍ଚଳର ଜମିଦାର ମହାପାତ୍ର ବଂଶାନୁକ୍ରମିକ ଭାବେ ଅଞ୍ଚଳରେ କର ଖଜଣା ଆଦାୟ କରୁଥିଲେ। ପ୍ରାୟ ଦୁଇଶହ ବର୍ଷ ତଳେ ଉଆସଡିହ କୁହାଯାଇଥିବା ମା’ଙ୍କର ପୀଠ ଘଞ୍ଚ ଜଙ୍ଗଲରେ ପରିପୂର୍ଣ୍ଣ ଥିଲା। ବିଷଧର ସର୍ପ, ବାଘ, ଭାଲୁ, ଝିଙ୍କ ଆଦି ଜଙ୍ଗଲରେ ବାସ କରୁଥିଲେ। ଜଙ୍ଗଲକୁ କାଟିବା ଅଞ୍ଚଳରେ ବାରଣ ଥିଲା। ଜଙ୍ଗଲ କାଟିଲେ ମା’ ତାରାଶୁଣୀଙ୍କର କୋପ ଦୃଷ୍ଟି ଭୟରେ କେହି ଜଙ୍ଗଲ କାଟୁ ନ ଥିଲେ। ଦିନେ ସ୍ଥାନୀୟ ଅଞ୍ଚଳର କେତେଜଣ କୁମ୍ଭାର ଗଛ କାଟିବାକୁ ଆସିଥିଲେ। ଜଣେ ଗଛ କାଟିବା ଆରମ୍ଭ କରିବାରୁ ମୂର୍ଚ୍ଛା ହୋଇ ତଳେ ପଡ଼ିଯାଇଥିଲେ। ପରେ ପରିବାର ଲୋକେ ମା’ଙ୍କ ପାଖରେ କ୍ଷମା ପ୍ରାର୍ଥନା ପୂର୍ବକ ପୂଜା କରିବାରୁ ମୂର୍ଚ୍ଛା ହୋଇପଡ଼ିଥିବା କୁମ୍ଭାର ଚେତା ଫେରିପାଇଥିଲେ। ସେବେଠାରୁ ଗ୍ରାମବାସୀଙ୍କ ଦ୍ୱାରା ମା’ଙ୍କ ପୂଜା ହୋଇଆସୁଛି। ଛଅ ଭାଗ ଶାସନର ଉମାପ୍ରସାଦ ମିଶ୍ରଙ୍କ ୩ ପୁରୁଷ ଧରି ମା’ଙ୍କ ପୂଜା କରି ଆସୁଛନ୍ତି। ସବୁଦିନ ମା’ଙ୍କ ପୂଜା ହେଉଥିବା ବେଳେ ବିଷୁବ ସଂକ୍ରାନ୍ତି ଦୁଇଦିନ ପୂର୍ବରୁ ଏଠାରେ ଘଟପୂଜା କରାଯାଏ। ସଂକ୍ରାନ୍ତି ଦିନ ହଜାର ହଜାର ଭକ୍ତ ମାନସିକ ପୂରଣ ନିମିତ୍ତ ପୀଠରେ ମାଟିଘୋଡା ବସାଇ ପୂଜା କରନ୍ତି। ମାନସିକଧାରୀ ପାଟୁଆମାନେ ମାସ ସାରା ନିରାମିଷ ଭୋଜନ କରି ଦେହରେ କଣ୍ଟା ଫୋଡ଼ାନ୍ତି।
ମା’ଙ୍କ ମନ୍ଦିର ପରିଚାଳନା ପାଇଁ ଗ୍ରାମର ଶୀତିକଣ୍ଠ ମଲ୍ଲିକ, ସୁଶାନ୍ତ ମହାକୁଡ, ପ୍ରଭାସୁ ମଲ୍ଲିକ, ରଥ ଭଞ୍ଜ, କମଳାକାନ୍ତ ଭଞ୍ଜ, ବଟକୃଷ୍ଣ ନାୟକ ଓ କୃପାସିନ୍ଧୁ ବାରିକଙ୍କୁ ନେଇ ଏକ ପରିଚାଳନା କମିଟି ଗଠିତ ହୋଇଛି। ହେଲେ ଏଯାଏ ମନ୍ଦିର କମିଟିକୁ କୌଣସି ସରକାରୀ ଅନୁଦାନ ମିଳିପାରି ନାହିଁ। କେବଳ ଭକ୍ତମାନଙ୍କ ସହାୟତା ଓ ସ୍ଥାନୀୟ କେତେକ ଲୋକଙ୍କ ବଦାନ୍ୟତା ରାଶିରେ ମନ୍ଦିରର ରକ୍ଷଣାବେକ୍ଷଣ କରାଯାଇଛି। ପ୍ରଶାସନ ଏଥିପ୍ରତି ଦୃଷ୍ଟିଦେଇ ବିକାଶ ଦିଗରେ ପଦକ୍ଷେପ ନେବା ସହ ଏହାକୁ ଏକ ଐତିହ୍ୟ ପୀଠ ଭାବେ ମାନ୍ୟତା ଦିଆଯିବା ଲାଗି ସ୍ଥାନୀୟ ଜନସାଧାରଣ ଓ ପରିଚାଳନା କମିଟି ଦାବି କରିଛନ୍ତି। ଏ ସମ୍ପର୍କରେ ଜିଲା ସଂସ୍କୃତି ଅଧିକାରୀ ଗୋଲକ ବେହେରାଙ୍କୁ ପଚାରିବାରୁ କହିଛନ୍ତି, ଭଦ୍ରକର ଏହା ଏକ ପୁରାତନ ପୀଠ। ଏହାର ଉନ୍ନତୀକରଣ ନେଇ ରାଜ୍ୟ ସଂସ୍କୃତି ବିଭାଗକୁ ପ୍ରସ୍ତାବ ପଠାଯିବା ଦିଗରେ ଗୁରୁତ୍ୱ ଦିଆଯିବ।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଆସନ୍ତାକାଲି ଭୀଷଣ ବାତ୍ୟାର ରୂପ ନେବ ଅକ୍ବାନ: ଓଡ଼ିଶାରେ ପ୍ରବଳ ବର୍ଷା! ୧୯ ତାରିଖରେ…

ଭୁବନେଶ୍ୱର,୧୬।୧୧: ବାତ୍ୟାରେ ପରିଣତ ହେଲା ଗଭୀର ଅବପାତ। ଘଣ୍ଟା ପ୍ରତି ୧୦କିମି ବେଗରେ ଆଗକୁ ବଢୁଛି। ବିଶାଖାପାଟଣା ଠାରୁ ୬୭୦ କିମି ଏବଂ ଗୋପାଳପୁରଠାରୁ ଦକ୍ଷିଣରେ ୭୯୦…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?