ନୂଆଦିଲ୍ଲୀ,୨୧-୯: ଜୁନ୍ରେ ଜିଡିପି ଅଭିବୃଦ୍ଧି ହାର ୬ ବର୍ଷର ସର୍ବନିମ୍ନ ସ୍ତର ଛୁଇଁବା ପରେ ଦେଶରେ ଅର୍ଥନୀତିକୁ ନେଇ ସୃଷ୍ଟି ହୋଇଥିବା ନକାରାମତ୍କତା ଭିତରେ ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର ଶୁକ୍ରବାର କହିଛନ୍ତି ଯେ, ସରକାର ଘରୋଇ ସେକ୍ଟରକୁ ପ୍ରୋତ୍ସାହିତ କରିବା ଲାଗି ପ୍ରତିଶ୍ରୁତିବଦ୍ଧ। ବାର୍ଷିକ ୮% ଅଭିବୃଦ୍ଧି ହାସଲ ସମ୍ଭବ ହୋଇପାରିବ।
ସୂଚନାଥାଉ କି, ଦେଶର ଜିଡିପି ଅଭିବୃଦ୍ଧି ହାର ଜୁନ୍ରେ ୫%କୁ ହ୍ରାସ ପାଇଛି ଯାହା କି ୨୫ ତ୍ରୈମାସିକ ମଧ୍ୟରେ ସର୍ବନିମ୍ନ। କୁମାର କହିଛନ୍ତି ଯେ, କର୍ପୋରେଟ ଟିକସ ହ୍ରାସ କରିବା ଲାଗି ସରକାରଙ୍କ ଘୋଷଣା ଦ୍ୱାରା ନିବେଶକଙ୍କ ମଧ୍ୟରେ ବିଶ୍ୱାସ ବଢ଼ିବ। ସେମାନେ ଏହାର ଫାଇଦା ଉଠାଇପାରିବେ। ପବ୍ଲିକ ଆଫେୟାର୍ସ ଫୋରମ୍ ଅଫ୍ ଇଣ୍ଡିଆର ବୈଠକରେ ଯୋଗ ଦେଇ ସେ କହିଛନ୍ତି ଯେ, ଆଜି ଏକ ଐତିହାସିକ ଦିନ। ଅର୍ଥମନ୍ତ୍ରୀଙ୍କ ଘୋଷଣାରୁ ଏହା ସ୍ପଷ୍ଟ ହେଉଛି ସରକାର ଅର୍ଥନୀତିକୁ ମାନ୍ଦାବସ୍ଥାରୁ ବାହାର କରିବା ଲାଗି କେତେ ଜାଗ୍ରତ। ଘରୋଇ ଉଦ୍ୟୋଗ ସରକାରଙ୍କ ଘୋଷଣାରୁ ଫାଇଦା ଉଠାଇବା ଦ୍ୱାରା ଅର୍ଥନୀତି ଆଗେଇବ ବୋଲି କୁମାର କହିଛନ୍ତି। ଜିଡିପି ବୃଦ୍ଧି ହାର ୨ ଅଙ୍କରେ ପହଞ୍ଚତ୍ପାରିବ। ଏହା ହାସଲ କରିବା ସମ୍ଭବ। ତେବେ ଏଥିପାଇଁ ଏବେ ଠାରୁ ବାର୍ଷିକ ୮% ହାରରେ ଅଭିବୃଦ୍ଧି ହେବା ଆବଶ୍ୟକ ବୋଲି ସେମାନଙ୍କର ମତ ରହିଛି। କର୍ପୋରେଟ ଟିକସ ହ୍ରାସ ଦ୍ୱାରା ସରକାରଙ୍କ ଉପରେ ୧.୪୫ ଲକ୍ଷ କୋଟି ଟଙ୍କାର ରାଜସ୍ବ ବୋ୍ଝ ପଡିବାକୁ ଯାଉଛି ବୋଲି କୁହାଯିବାରୁ ସେ କହିଛନ୍ତି ଯେ, ସରକାର ଏହାକୁ ଅନ୍ୟବାଟେ ଭରଣା କରିନେବେ।
