୭୫ ମିଟର ଭିତରେ ସୀମିତ ରହିବ ଉଚ୍ଛେଦ

ପୁରୀ ଅଫିସ,୨ା୯ : ଶ୍ରୀମନ୍ଦିରର ସୁରକ୍ଷା ଏବଂ ପୁରୀର ବିକାଶ ପାଇଁ ମେଘନାଦ ପ୍ରାଚୀର ଚତୁଃପାର୍ଶ୍ୱର ୭୫ ମିଟର ପରିଧି ମଧ୍ୟରେ ଥିବା ନିର୍ମାଣ ଉଚ୍ଛେଦ କରାଯିବ। ଏହି ପରିସୀମା ମଧ୍ୟରେ ଥିବା ମଠ ଓ ମନ୍ଦିରର ଗାଦିଘର ଏବଂ ଦେବଦେବୀଙ୍କ ବିଜେସ୍ଥଳୀକୁ ସୁରକ୍ଷିତ ରଖାଯାଇ ଅନ୍ୟ ନିର୍ମାଣ ଭଙ୍ଗାଯିବ। କ୍ଷତିଗ୍ରସ୍ତଙ୍କୁ ଥଇଥାନ କରାଯିବ। ଏହି ୭୫ ମିଟର ମଧ୍ୟରେ ହିଁ ଉଚ୍ଛେଦ କାମ ସୀମିତ ରହିବ। ଏହାବାଦ୍‌ ସହରର ଅନ୍ୟ କୌଣସି ରାସ୍ତାଘାଟ ସମ୍ପ୍ରସାରଣ ଯୋଜନା ନାହିଁ ବୋଲି କହିଛନ୍ତି ଜିଲାପାଳ ବଲୱନ୍ତ ସିଂ।
ଗଣମାଧ୍ୟମକୁ ସୂଚନା ଦେଇ ଜିଲାପାଳ କହିଥିଲେ, ଉଚ୍ଛେଦକୁ ନେଇ ନାନା ପ୍ରକାର ଗୁଜବ ହେଉଛି। ବିଭିନ୍ନ ଗଳିକନ୍ଦିରେ ଉଚ୍ଛେଦ ହେବ, ବଡ଼ଦାଣ୍ଡ ସମ୍ପ୍ରସାରଣ କରାଯିବ ଏମିତି ନାନା ପ୍ରକାର ଆଲୋଚନା କରାଯାଉଛି। କିନ୍ତୁ ଶ୍ରୀମନ୍ଦିରର ସୁରକ୍ଷା ପାଇଁ କ୍ୟାାବିନେଟର ନିଷ୍ପତ୍ତି ମୁତାବକ କେବଳ ମେଘନାଦ ପାଚେରିଠାରୁ ୭୫ ମିଟର ମଧ୍ୟରେ ହିଁ ଏହି ଉଚ୍ଛେଦ କାର୍ଯ୍ୟ କରାଯିବ। ପ୍ରଥମ ପର୍ଯ୍ୟାୟରେ ଅସୁରକ୍ଷିତ ନିର୍ମାଣ ଭଙ୍ଗା ଯାଉଛି। ଏହାପରେ ଜମି ଅଧିଗ୍ରହଣ ନିୟମ ଅନୁଯାୟୀ ସର୍ଭେ ପରେ ଆଗକୁ ବଢିବ ପ୍ରଶାସନ। କିନ୍ତୁ କୌଣସି ଲେନ୍‌ କିମ୍ବା ଜାଗାରେ ରାସ୍ତା ପ୍ରଶସ୍ତ କରାଯିବାର ଯୋଜନା ନାହିଁ। ତେବେ ୭୫ ମିଟର ମଧ୍ୟରେ ଯେତେ ବି ମଠ ଆସିବ ସେଠାରେ ପୂଜା ପାଉଥିବା ଦେବଦେବୀଙ୍କ ବିଜେସ୍ଥଳୀ ଏବଂ ଗାଦି ଘରକୁ ସମ୍ପୂର୍ଣ୍ଣ ଭାବେ ସୁରକ୍ଷିତ ରଖାଯିବ। ଏସବୁକୁ ସଂରକ୍ଷଣ, ବିକାଶ ଏବଂ ଆକର୍ଷଣୀୟ କରାଯିବ। ଏହି ଐତିହ୍ୟର ସଂରକ୍ଷଣ ଲାଗି ରାଜ୍ୟ ସରକାର ସଂରକ୍ଷଣ ସହାୟକଙ୍କୁ ନିଯୁକ୍ତ କରିବାକୁ ଯାଉଛନ୍ତି। ତେବେ ପୂର୍ବରୁ କୌଣସି ଦର୍ଶନାର୍ଥୀ ବା ଶ୍ରଦ୍ଧାଳୁ ମଠଗୁଡ଼ିକୁ ଯାଇ ସେଠାକାର ଦେବଦେବୀଙ୍କୁ ଭଲ ଭାବେ ଦର୍ଶନ କରିପାରୁ ନ ଥିଲେ। ଏବେ ମୁକ୍ତ ପରେ ସମସ୍ତେ ମଠରେ ପୂଜା ପାଉଥିବା ଦେବଦେବୀଙ୍କୁ ଦର୍ଶନ କରିପାରିବେ। ଉଚ୍ଛେଦ ଯୋଗୁ ବତ୍ତର୍ର୍ମାନ ସୁଦ୍ଧା ୮୧ ଜଣ ବ୍ୟବସାୟୀ କ୍ଷତିଗ୍ରସ୍ତ ହୋଇଛନ୍ତି। ସେମାନଙ୍କ ମଧ୍ୟରୁ ୨୬ ଜଣଙ୍କୁ ଜଗନ୍ନାଥ ବଲ୍ଲଭ ମଠ କ୍ରାଫ୍ଟ କମ୍ପ୍ଲେକ୍ସରେ ଥଇଥାନ କରାଯାଯାଇଛି। ଅନ୍ୟମାନଙ୍କୁ ମଧ୍ୟ ଥଇଥାନ କରାଯିବ। ପୁରୁଣା ଜେଲ୍‌ ପରିସରରେ ନିର୍ମାଣାଧୀନ ଯାତ୍ରୀ ନିବାସ ତଳେ ପ୍ରାୟ ୪୦ ଦୋକାନ ଘର ବାହାରିବ। ଏଠାରେ ଦୋକାନୀମାନେ ତାଙ୍କ ବ୍ୟବସାୟ କରିପାରିବେ। ସରକାରଙ୍କ ପକ୍ଷରୁ ଯାତ୍ରୀକା ଏବଂ ଜଗନ୍ନାଥ ବଲ୍ଲଭ ପରିସରରେ ଯେଉଁ ମାର୍କେଟ କମ୍ପ୍ଲେକ୍ସ ହେବ ଏଠାରେ ଦୋକାନୀମାନଙ୍କୁ ଥଇଥାନ କରାଯିବ। ଅନ୍ୟପକ୍ଷରେ ୩ ତାରିଖ ସକାଳେ ବଡ଼ ଆଖଡା ମଠ ଉଚ୍ଛେଦ କରାଯିବ ବୋଲି ଏହି ଅବସରରେ ଜିଲାପାଳ ସୂଚନା ଦେଇଥିଲେ। ବଡ଼ ଆଖଡା ମଠ ଉପରେ ଚାଲୁଥିବା ସିଂହଦ୍ୱାର ଥାନା ବାଗେଡ଼ିଆ ଧର୍ମାଶାଳାକୁ ସ୍ଥାନାନ୍ତର ହୋଇଥିବା ବେଳେ ଥାନା ତଳେ ଦୋକାନ କରିଥିବା ବ୍ୟବସାୟୀମାନେ ସେମାନଙ୍କ ଜିନିଷପତ୍ର ଖାଲି କରିଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଜଟଣୀ କୋର୍ଟରେ ପ୍ରଥମ ଦଣ୍ଡାଦେଶ

ଜଟଣୀ, ୨୬ା୧୧(ଡି.ଏନ.ଏ.):  ଜଟଣୀ ଜେଏମ୍‌ଏଫ୍‌ସିରେ ଏକ ମାମଲାର ବିଚାର କରି ମାଜିଷ୍ଟ୍ରେଟ୍‌ ଧ୍ରୁବି ସୋଲାଙ୍କିରାୟ ରାୟ ପ୍ରକାଶ କରି ଜଣେ ବିଚାରାଧୀନ ଅଭିଯୁକ୍ତଙ୍କୁ ଦଣ୍ଡାଦେଶ ଦେଇଛନ୍ତି।...

ସୋନପୁର ପ୍ରିମିୟର ଫୁଟବଲ ଲିଗ: ଯତୀନ୍‌ ଫାଇଟର ଚାମ୍ପିୟନ

ସୋନପୁର,୨୮ା୭(ନି.ପ୍ର.):ଯତୀନ୍‌ ଫାଇଟର ସୋନପୁର ପ୍ରିମିୟର ଫୁଟବଲ ଲିଗ୍‌ ଚାମ୍ପିୟନ ହୋଇଛି। ସୋନପୁର ବୁଢି ସମଲେଇ ଫୁଟବଲ କ୍ଲବ ପକ୍ଷରୁ ସ୍ଥାନୀୟ କଲେଜ ପଡିଆରେ ଚାଲିଥିବା ଲିଗ୍‌ର...

ସରପଞ୍ଚଙ୍କ ଘରୁ ଟଙ୍କା, ସୁନା ଅଳଙ୍କାର ଲୁଟ୍‌

ପାତ୍ରପୁର, ୬ା୧ (ଡି.ଏନ୍‌.ଏ.)-ଜରଡ଼ା ଥାନା ତୁମ୍ବା ସରପଞ୍ଚଙ୍କ ଘରୁ ରବିବାର ବିଳମ୍ବିତ ରାତିରେ ଦୁର୍ବୃତ୍ତମାନେ ସୁନା ଅଳଙ୍କାର ସହ ୧୬ ହଜାର ଟଙ୍କା ଚୋରି କରିଥିବା...

ଅଣଓଡ଼ିଆଙ୍କ ନିୟନ୍ତ୍ରଣରେ ନିଶା କାରବାର

ବାରିପଦା ଅଫିସ,୧୭।୭- ମୟୂରଭଞ୍ଜ ଜିଲାରେ ଚୋରା ମଦ ଓ ନିଶାଦ୍ରବ୍ୟ କାରବାର ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ସୀମାନ୍ତ ପଶ୍ଚିମବଙ୍ଗରୁ ଏହି ଜିଲାକୁ...

ଟୋକନ ମିଳୁନି, ଚାଷୀ ବିକି ପାରୁନି ଧାନ

ଉମରକୋଟ, ୧୧।୨ (ଡି.ଏନ୍‌.ଏ.)- ଅନଲାଇନ ଧାନ କିଣା ବ୍ୟବସ୍ଥାରେ ଫସିଲେ ଚାଷୀ । ପୂର୍ବରୁ ରେଜିଷ୍ଟ୍ରେଶନ କରିବା ଅନୁସାରେ ମଣ୍ଡିରେ ଯେତେ ପରିମାଣରେ ଧାନ କିଣିବା...

୪ ଅଭିଯୁକ୍ତ ଗିରଫ: ମାରଣାସ୍ତ୍ର ଜବତ

ଯୋଡ଼ା,୧୧।୨(ଡି.ଏନ୍‌.ଏ.)- କେନ୍ଦୁଝର ଜିଲା ବାମେବାରୀ ଥାନା ପୋଲିସ୍‌ ଏକ ବଡ ଧରଣର ଡକାୟତି ଯୋଜନାକୁ ପଣ୍ଡ କରି ଏଥିରେ ସମ୍ପୃକ୍ତ ଥିବା ୪ ଅଭିଯୁକ୍ତଙ୍କୁ ଗିରଫ...

କରୋନା ଆକ୍ରାନ୍ତ ଚିହ୍ନଟ ପରେ ରାସ୍ତା ସିଲ୍‌

ହାଟଡିହୀ,୧୩ା୫(ଡି.ଏନ୍‌.ଏ.) : କେନ୍ଦୁଝର ଜିଲା ହାଟଡିହୀ ବ୍ଲକରେ ବୁଧବାର ପୁଣି ଦୁଇ କରୋନା ଆକ୍ରାନ୍ତ ଚି଼ହ୍ନଟ ପରେ ଲୋକମାନେ ଭୟଭୀତ ହୋଇପଡ଼ିଛନ୍ତି। ଆକ୍ରାନ୍ତ ଦୁଇ ଜଣ...

ବିଶୋଧନ ହେଲା ଆର.ଉଦୟଗିରି, ନୂଆଗଡର ବିଭିନ୍ନ ସ୍ଥାନ

ଆର.ଉଦୟଗିରି,୯ା୪(ଡି.ଏନ.ଏ.)- ଗଜପତି ଜିଲା ଆର.ଉଦୟଗିରି, ନୂଆଗଡ, ଖଜୁରିପଦା ଓ ବଡପଦା ସହରରେ ପ୍ରଶାସନ ଏବଂ ଅଗ୍ନିଶମ ବିଭାଗ ଦ୍ୱାରା ବିଶୋଧନ କରାଯାଇଛି। ବ୍ଲକର ତହସିଲ, ବ୍ଲକ,...

Advertisement


Archives

Model This Week