୬ ବର୍ଷ ବିତିଲା, ଗଡ଼ିଲାନି ସିଟିବସ୍‌

ଭଦ୍ରକ ଅଫିସ,୬।୩ – ଦିନକୁ ଦିନ ଜନାକୀର୍ଣ୍ଣ ହେଉଛି ଭଦ୍ରକ ସହର। ସଡ଼କ ଓ ରେଳ ଯୋଗାଯୋଗ କ୍ଷେତ୍ରରେ ସହର ଗୁରୁତ୍ୱପୂର୍ଣ୍ଣ ସ୍ଥାନ ଅଧିକାର କରିଥିଲେ ମଧ୍ୟ ଭଦ୍ରକ ପୌରପାଳିକାରେ ସିଟିବସ୍‌ ସେବା ଏଯାଏ ଆରମ୍ଭ ହୋଇପାରି ନାହିଁ। ଫଳରେ ଦିନକୁ ଶତାଧିକ ଯାତ୍ରୀ ହଇରାଣ ହେଉଛନ୍ତି। ନଗର ଉନ୍ନୟନ ବିଭାଗ ପକ୍ଷରୁ ସିଟିବସ୍‌ ସେବା ଯୋଗାଇବା ସକାଶେ ୨୦୧୪ରେ ଉଦ୍ୟମ ହୋଇଥିଲା। ହେଲେ ଉପଯୁକ୍ତ ଭିତ୍ତିଭୂମି ନ ଥିବାରୁ ଏହି ସେବା ଆରମ୍ଭ ହୋଇପାରୁ ନାହିଁ। ଏହାମଧ୍ୟରେ ୬ ବର୍ଷ ବିତିଗଲାଣି। ବୈଠକ ପରେ ବୈଠକ ବସିଛି। କିନ୍ତୁ ଏହା କାର୍ଯ୍ୟକାରୀ ହେଉନି। ବାଲେଶ୍ୱର-ଭଦ୍ରକ ଅର୍ବାନ୍‌ ଟ୍ରାନ୍ସପୋର୍ଟ ଟ୍ରଷ୍ଟ ନାମରେ କମିଟି ଗଠନ କରାଯାଇ ଏହି ଦୁଇ ଜିଲାର ଏନ୍‌ଏସି ଓ ସହର ମୁଖ୍ୟାଳୟକୁ ସିଟିବସ୍‌ ସେବା ଯୋଗାଇବା ଯୋଜନା କେବଳ ପରିକଳ୍ପନାରେ ଅଟକି ରହିଛି।
୧୯୫୦ମେ ୮ରେ ମାତ୍ର ୧୨ଟି ୱାର୍ଡକୁ ନେଇ ଭଦ୍ରକ ଏନ୍‌ଏସି ଘୋଷଣା ହୋଇଥିଲା। ଦୀର୍ଘ ୨୮ବର୍ଷ ପରେ ୧୯୮୮ ମେ ୨୩ରେ ଏହାକୁ ପୌରାଞ୍ଚଳ ଘୋଷଣା କରାଗଲା। ଏନ୍‌ଏସି ବେଳେ ଥିବା ୧୨ଟି ୱାର୍ଡ କ୍ରମେ ବୃଦ୍ଧି ପାଇ ୩୦ଟି ୱାର୍ଡ ହୋଇଥିଲା। ଭଦ୍ରକ ପୌରାଞ୍ଚଳ ହେବାର ଏହାମଧ୍ୟରେ ୩୨ ବର୍ଷ ବିତିଗଲାଣି। ଭଦ୍ରକ ମଧ୍ୟ ସବ୍‌ଡିଭିଜନରୁ ଜିଲାର ମାନ୍ୟତା ପାଇଛି। ଜିଲା ସଦରମହକୁମାରେ ଥିବା ଏହି ପୌରାଞ୍ଚଳରେ ଯେଭଳି ବିକାଶ ହେବା କଥା ତାହା ହୋଇପାରି ନାହିଁ। ସହରର ଜନସଂଖ୍ୟା ବଢ଼ିବା ସାଙ୍ଗକୁ ଆୟତନ ବଢ଼ିଛି। ଲୋକଙ୍କ ଗମନାଗମନର ସୁବିଧା ସକାଶେ ପୌରପାଳିକା ପକ୍ଷରୁ କିଛି ବ୍ୟବସ୍ଥା କରାଯାଇ ନାହିଁ। ରାନ୍ଦିଆସ୍ଥିତ ଫେକର ପାୱାର ପ୍ଲାଣ୍ଟ ଅଞ୍ଚଳରୁ ସହର ଆରମ୍ଭ ହୋଇ ଇଚ୍ଛାପୁର ପର୍ଯ୍ୟନ୍ତ ଲମ୍ବିଛି। ମା’ ଭଦ୍ରକାଳୀ ପୀଠଠାରୁ ଏହାର ପରିସୀମା ବୃଦ୍ଧି ପାଇ କୋରକୋରା, ଅର୍ଣ୍ଣପାଳ, ଗେଲଟୁଆ ଓ ନଳାଙ୍ଗ ପର୍ଯ୍ୟନ୍ତ ସହର ବଢ଼ି ଚାଲିଛି। ଚରମ୍ପାରୁ ରାଜପଥ କଡ଼ରେ ରାଣୀତାଲ ଯାଏ ସହର ବୃଦ୍ଧି ପାଇଛି। ପୌରପାଳିକାର ୱାର୍ଡ ପୁନର୍ଗଠନ ହେଲେ ୧୦ ସିଟିବସ୍‌ ଚାଲିବ ବୋଲି ନିଷ୍ପତ୍ତି ହୋଇଥିଲା। ତଦନୁଯାୟୀ ଭଦ୍ରକ ପୌରପାଳିକା ବସ୍‌ଷ୍ଟାଣ୍ଡ ଲାଗି ୪ ଏକର ଜାଗା ଏବଂ ନଗର ଉନ୍ନୟନ ବିଭାଗ ସିଟିବସ୍‌ ଯୋଗାଇ ଦେବା ବ୍ୟବସ୍ଥା ହୋଇଥିଲା। ପୌରପାଳିକା ଏହାର ପରିଚାଳନା କରିବ ବୋଲି ସ୍ଥିର ହୋଇଥିଲା। ଭଦ୍ରକ ସହର ମଧ୍ୟଭାଗରେ ଥିବା ପୁରୁଣା ବସ୍‌ଷ୍ଟାଣ୍ଡ, ଚରମ୍ପା ଓଏସ୍‌ଆର୍‌ଟିସି ବସ୍‌ଷ୍ଟାଣ୍ଡକୁ ଆଖି ଆଗରେ ରଖି ପୌରପାଳିକା ପ୍ରସ୍ତାବ ଦେଇଥିଲା। ମାତ୍ର ଏହା ପ୍ରସ୍ତାବରେ ଅଟକି ରହିଛି। ଏହି ଟ୍ରଷ୍ଟ କମିଟିରେ ଦୁଇ ଜିଲାର ଜିଲାପାଳ, ଏସ୍‌ପି, ଆର୍‌ଟିଓ ଓ ପୌରପାଳିକା କାର୍ଯ୍ୟନିର୍ବାହୀ ଅଧିକାରୀମାନେ ସଦସ୍ୟ ଅଛନ୍ତି। ବାଲେଶ୍ୱର ଜିଲାପାଳ ଟ୍ରଷ୍ଟର ଅଧ୍ୟକ୍ଷ ଅଛନ୍ତି। ଏହି ସମୟରେ ଯୋଜନା ହୋଇ ବାଲେଶ୍ୱର ସହରରେ ସିଟିବସ୍‌ ସେବା ଆରମ୍ଭ କରାଯାଇଥିବାବେଳେ ଭଦ୍ରକରେ ଆରମ୍ଭ ହୋଇନି। ଯୋଜନା ପ୍ରାରମ୍ଭରୁ ଭଦ୍ରକରୁ ବାସୁଦେବପୁର, ଧାମନଗର ଓ ଚାନ୍ଦବାଲି ସିଟିବସ୍‌ ଚଳାଚଳ କରିବ ବୋଲି ଲକ୍ଷ୍ୟଧାର୍ଯ୍ୟ ହୋଇଥିଲା, ଯାହା କି ଏଯାଏ କାର୍ଯ୍ୟକାରୀ ହୋଇପାରିଲାନି। ଏ ସମ୍ପର୍କରେ ଭଦ୍ରକ ପୌରପାଳିକା କାର୍ଯ୍ୟନିର୍ବାହୀ ଅଧିକାରୀ ମନୋରମା ଭୂୟାଁଙ୍କୁ ପଚାରିବାରୁ କହିଛନ୍ତି, ସରକାରୀ ଯୋଜନା ଥିଲା ଏବଂ ବାଲେଶ୍ୱରରେ ପରୀକ୍ଷାମୂଳକ ଭାବେ ଆରମ୍ଭ କରାଯାଇଥିଲା। ସେଠାରେ ଏହି ସେବା ଏବେ ବନ୍ଦ। ଏଣୁ ବିଭାଗ ପକ୍ଷରୁ ଭଦ୍ରକରେ ସିଟିବସ୍‌ ଚଲାଇବା ଯୋଜନା ସାମୟିକ ଭାବେ ବନ୍ଦ କରାଯାଇଛି।


Enter your email to get our daily news in your inbox.

All Right Reserved By Dharitri.Com

ଖୋର୍ଦ୍ଧା ସହରରେ ପୁଣି ପଶିଲା ହାତୀ

ଖୋର୍ଦ୍ଧା ଅଫିସ,୯ା୧୧: ମାସକ ପରେ ପୁଣି ଖୋର୍ଦ୍ଧା ସହରରେ ପଶିଛି ହାତୀ। ରବିବାର ସନ୍ଧ୍ୟାରେ ମୁକୁନ୍ଦପ୍ରସାଦ ନିକଟରେ ଗୋଟିଏ ହାତୀକୁ ଦେଖି ଅଞ୍ଚଳବାସୀ ଭୟଭୀତ ହୋଇପଡ଼ିଛନ୍ତି।...

ଆଦିବାସୀ ମହାସଂଘ ପକ୍ଷରୁ ଏସ୍‌ପିଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ

ରାୟଗଡ଼ା ଅଫିସ,୧୫।୧୨: ଆଦିବାସୀ ନେତା ଭାଗୀରଥି ମାଣ୍ଡାଙ୍ଗୀଙ୍କ ହତ୍ୟାକାଣ୍ଡ ଘଟଣାର ସିବିଆଇ ତଦନ୍ତ ଦାବିରେ ରବିବାର ଆଦିବାସୀ ମହାସଂଘ ଏସ୍‌ପିଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ...

୧୫ ଯାଏ ପ୍ରବଳ ବର୍ଷା

ଭୁବନେଶ୍ୱର, ୧୨।୮(ବ୍ୟୁରୋ): ବଙ୍ଗୋପସାଗର ଏବଂ ତତ୍‌ସଂଲଗ୍ନ ଓଡ଼ିଶା ଉପକୂଳରେ ରହିଥିବା ଲଘୁଚାପ ବଳୟ ଏବେ ଉତ୍ତର-ପୂର୍ବ ମଧ୍ୟପ୍ରଦେଶ ଓ ତତ୍‌ସଂଲଗ୍ନ ଅଞ୍ଚଳ ଉପରେ ପରିବ୍ୟାପ୍ତ ହୋଇ...

ଘରେ ରଖିଥିଲେ ୧ ଟନ୍‌ ୩ କୁଇଣ୍ଟାଲ ଗଞ୍ଜେଇ

କୋରାପୁଟ,୨୭।୧୨(ସ୍ବ.ପ୍ର.): କୋରାପୁଟ ଜିଲା ପୋଲିସକୁ ସୋମବାର ବଡ ସଫଳତା ମିଳିଛି। ମାଛକୁଣ୍ଡ ପୋଲିସ ଦ୍ୱାରା ଲମତାପୁଟ ବ୍ଲକର ବାଲେଲ ଗ୍ରାମରେ ଥିବା ଏକ ବିଜୁ ପକ୍କା...

ଲାଞ୍ଚ ନେଇ ଜିଲା ଶ୍ରମ ଅଧିକାରୀ ଗିରଫ: ଟଙ୍କା ନଷ୍ଟ କରି ନ ପାରି ଭିଜିଲାନ୍ସ ଅଧିକାରୀଙ୍କୁ କାମୁଡ଼ିଲେ

ଫୁଲବାଣୀ ଅଫିସ, ୮ା୧୧-କନ୍ଧମାଳ ଜିଲା ଶ୍ରମ ଅଧିକାରୀ ଗୁରୁବାର ୧୫ ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡ଼ିଛନ୍ତି। ଗିରଫରୁ ବର୍ତ୍ତିବା ପାଇଁ...

ଖୋର୍ଦ୍ଧାରୋଡ୍‌ ରେଲୱେ ପକ୍ଷରୁ ହାଓଡ଼ାକୁ ଅଣ୍ଡା ପରିବହନ

ଜଟଣୀ,୬ା୪(ଡି.ଏନ୍‌.ଏ.): ଦେଶସାରା ଲକ୍‌ଡାଉନ୍‌ ଘୋଷଣା ଯୋଗୁ ରେଲୱେର ଯାତ୍ରୀବାହୀ ଟ୍ରେନ ଚଳାଚଳ ବନ୍ଦ ରହିଛି। ହେଲେ ରେଲୱେ ପକ୍ଷରୁ ଅତ୍ୟାବଶ୍ୟକ ସାମଗ୍ରୀ ପରିବାହନ ଜାରି ରହିଛି।...

ବିପୁଳ ପରିମାଣର ଶାଗୁଆନ, ଶାଳ କାଠ ଜବତ: ୨ ଅଟକ

ଛେଣ୍ଡିପଦା,୪।୧(ସ୍ବ.ପ୍ର): ଅନୁଗୋଳ ଜିଲା ଛେଣ୍ଡିପଦା ବନାଞ୍ଚଳ ଅନ୍ତର୍ଗତ କୋରଡ଼ା ଗାଁରେ ମଙ୍ଗଳବାର ଛେଣ୍ଡିପଦା ବନ ବିଭାଗ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ଶାଗୁଆନ ଓ...

ସୁରଟରେ ଆଖି ବୁଜିଲେ କରୋନା ଆକ୍ରାନ୍ତ ଓଡିଆ ଶ୍ରମିକ

ଧରାକୋଟ,୧୯ା୫(ଡି.ଏନ.ଏ.)-ଗଞ୍ଜାମ ଜିଲା ଧରାକୋଟ ବ୍ଲକ ଝରପାରି ପଞ୍ଚାୟତ ବାଡୁଲା ଗ୍ରାମର କୃଷ୍ଣଚନ୍ଦ୍ର ବିଶୋଇ(୨୭)ଙ୍କ ସୁରଟରେ ମୃତ୍ୟୁ ହୋଇଛି। ସେ କରୋନାରେ ଆକ୍ରାନ୍ତ ହୋଇ ଗତ ୮ଦିନ...

Advertisement
Archives

Model This Week