ଏବେ କିଡ୍ନୀ ସମସ୍ୟା ଦେଖାଗଲେ ଆଉ ଭୟ କରିବାର ନାହିଁ। କାରଣ ୫ ବର୍ଷ ପରେ ବଜାରରେ କୃତ୍ରିମ କିଡ୍ନୀ ମିଳିବ। ଆମେରିକାରେ ଗବେଷକ ଏଭଳି କିଡ୍ନୀ ତିଆରି କରିସାରିଛନ୍ତି। ଆଗାମୀ ୨ ବର୍ଷ ମଧ୍ୟରେ ଏନେଇ ଅଧ୍ୟୟନ ଶେଷ ହେବାର ସମ୍ଭାବନା ରହିଛି। ଅଧିକ ପରୀକ୍ଷା ନିରୀକ୍ଷା କରାଯିବାପରେ ଏହି କିଡ୍ନୀକୁ ବଜାରରେ ବିକ୍ରି ପାଇଁ ଛଡ଼ାଯିବ। ଏହାର ପ୍ରତିରୋପଣ କରିବା ଦ୍ୱାରା ସାଧାରଣ ଭାବେ ଜଣେ ବଞ୍ଚିପାରିବ। ଫଳରେ କିଡ୍ନୀ ସମସ୍ୟା କ୍ଷେତ୍ରରେ ଆଉ ଡାଏଲିସିସ୍ର ଆବଶ୍ୟକତା ରହିବ ନାହିଁ। ଭାରତରେ ଏହା ୧୫ରୁ ୨୦ ଲକ୍ଷ ଟଙ୍କାରେ ବିକ୍ରି ହେବ ବୋଲି ଗ୍ରେଟର ନୋଏଡ଼ାରେ ଆୟୋଜିତ ଏକ ଆଲୋଚନା ଚକ୍ରରେ ଖ୍ୟାତି ସମ୍ପନ୍ନ ୟୁରୋଲୋଜିଷ୍ଟ ଡାକ୍ତର ସଞ୍ଜୟ ଗର୍ଗ ସୂଚନା ଦେଇଛନ୍ତି।
