ରାୟଗଡ଼ା ଅଫିସ,୪।୩: ଭାରତୀୟ ମଜଦୁର ସଂଘ ପକ୍ଷରୁ ଶ୍ରମଆୟୁକ୍ତଙ୍କ କାର୍ଯ୍ୟାଳୟ ସମ୍ମୁଖରେ ବୁଧବାର ବିକ୍ଷୋଭ ପ୍ରଦର୍ଶନ କରାଯାଇଛି। ଭାରତୀୟ ମଜଦୁର ସଂଘର ରାଜ୍ୟ ନିଷ୍ପତ୍ତି କ୍ରମେ ଏହି ଜିଲାସ୍ତରୀୟ ଆନ୍ଦୋଳନ ହୋଇଯାଇଛି। ଏନେଇ ପୂର୍ବରୁ ସ୍ଥାନୀୟ ଗାନ୍ଧୀ ପାର୍କରୁ ଏକ ଶୋଭାଯାତ୍ରା ବାହାରି ଓଭରବ୍ରିଜ୍ ଦେଇ ଜିଲା ପ୍ରଭାଗୀୟ ଶ୍ରମ ଆୟୁକ୍ତଙ୍କ କାଯର୍ର୍ୟାଳୟରେ ପହଞ୍ଚିଥିଲା। ଦାବିଗୁଡ଼ିକ ମଧ୍ୟରେ ନୂତନ ୟୁନିୟନର ପଞ୍ଜିକରଣ ସମୟ ସୀମା ମଧ୍ୟରେ କରଯିବା, ସାରା ଓଡ଼ିଶାରେ ଅଧିକ ସଂଖ୍ୟାରେ ଷ୍ଟାଫ୍ ଶ୍ରମ ଆୟୁକ୍ତଙ୍କ କାର୍ଯ୍ୟାଳୟଗୁଡ଼ିକରେ ନିୟୋଜିତ କରାଯିବା, ଗ୍ରାମାଞ୍ଚଳରେ ରୁରାଲ ଲେବର କାର୍ଯ୍ୟାଳୟ ଗଠନ ଅନ୍ତର୍ଭୁକ୍ତ। ରାଜ୍ୟର ଲେବର ସେକ୍ରେଟାରୀଙ୍କୁ ଏନେଇ ଏକ ଦାବିପତ୍ର ରାୟଗଡ଼ା ଡିଭିଜନାଲ ଲେବର କମିଶନର ପ୍ରଶାନ୍ତ କୁମାର ତ୍ରିପାଠୀଙ୍କ ଜରିଆରେ ପ୍ରଦାନ କରାଯାଇଛି।
