ପୁରୀ ଅଫିସ,୧ା୬: ଶ୍ରୀନଅର ସମ୍ମୁଖ ରଥଖଳାରେ ଚାଲିଛି ରଥକାମ। ତୁମ୍ବ କାମ ସରିବା ପରେ ଚକ ନିର୍ମାଣ ଚାଲିଛି। ଶୁକ୍ରବାର ସୁଦ୍ଧା ୨୭ ଚକ ନିର୍ମାଣ ଶେଷ ହୋଇଛି। ତିନିରଥ ଲାଗି ମୋଟ ୪୨ଟି ଚକ ତିଆରି ହେବ। ସେଥିମଧ୍ୟରୁ ନନ୍ଦିଘୋଷ ଲାଗି ୧୬ଟି, ତାଳଧ୍ୱଜର ୧୪ଟି ଏବଂ ଦର୍ପଦଳନ ରଥ ଲାଗି ୧୨ଟି ଚକ ତିଆରି କରାଯିବ। ଭଉଁରୀ ଦିନ ତିନି ରଥର ଦୁଇଟି ଲେଖାଏଁ ଚକାଡେରା ନୀତି ସମ୍ପନ୍ନ ହୋଇଛି। ଏହା ପର ଠାରୁ ଚକ ନିର୍ମାଣ କାମ ଯୋରସୋରରେ ଚାଲିଛି। ବର୍ତ୍ତମାନ ସୁଦ୍ଧା ନନ୍ଦିଘୋଷ ରଥର ୧୦, ତାଳଧ୍ୱଜର ୯ ଏବଂ ଦର୍ପଦଳନ ରଥର ୮ଟି ଚକ ତିଆରି ସରିଛି। ରଥଖଳାରେ ମୁହଁ।ଟ, ପାର୍ଶ୍ୱ ମୁହଁ।ଟ ହଣାଯାଇ ସାଇତି ରଖାଯାଇଛି। ତିନି ରଥର ୨ଟି ଲେଖାଏଁ ଚଉତା କାଠ ପଡିଛି। ଜନ୍ତାଗାଢରେ ସିଙ୍ଗଡା ବାଡିଆ ଚାଲିଛି ବୋଲି ଭୋଇ ସର୍ଦ୍ଧାର ରବି ଭୋଇ କହିଛନ୍ତି। ସେହିପରି ଦୋଳବେଦୀ ସ୍ଥିତ ଅସ୍ଥାୟୀ କମାର ଶାଳରେ କମାର ସେବକ ମାନେ ଲୁହା କଣ୍ଟା ପ୍ରସ୍ତୁତ କରୁଛନ୍ତି। ନୃସିଂହ ଚତୁଃଦ୍ଦର୍ଶୀଠାରୁ ରୂପକାର ସେବକ ରଥଖଳାରେ ଯୋଗଦାନ କରିଛନ୍ତି। ରୂପକାର ସେବକ କଣଗୁଜ କରୁଛନ୍ତି।
