ଆଗ୍ରା,୧୫।୮: ସ୍ବାଧୀନତା ଦିବସ ଅବସରରେ ବ୍ୟବସାୟୀ ରାଜେଶ ସେହଗଲ ଉଦାହରଣ ସୃଷ୍ଟି କରିବା ଭଳି କାମ କରିଛନ୍ତି। ଉତ୍ତର ପ୍ରଦେଶ ଆଗ୍ରା ଜିଲା ଜେଲ୍ରେ ୨୧ ଜଣ କଏଦୀ ତାଙ୍କ ଦଣ୍ଡାଦେଶର ସମୟ ସୀମା ପୂରଣ କରିସାରିଥିଲେ ସୁଦ୍ଧା ମୁକୁଳି ପାରୁ ନ ଥିଲେ। କାରଣ ଥିଲା ଏମାନଙ୍କ ଉପରେ ଲାଗିଥିବା ଜରିମାନା ଟଙ୍କା ଏମାନେ ପଇଠ କରି ପାରୁ ନ ଥିଲେ। ତେବେ ଏହି ୨୧ ଜଣ କଏଦୀଙ୍କ ପାଇଁ ମୋଟ୍ ୧,୭୩,୦୦୦ଟଙ୍କା ପଇଠ କରି ସ୍ବାଧୀନତା ଦିବସରେ ବ୍ୟବସାୟୀ ରାଜେଣ ସେହଗଲ ଏମାନଙ୍କୁ ମୁକୁଳାଇଥିବା ସୂଚନା ମିଳିଛି। ଜେଲ୍ ସୁପରିଟେଣ୍ଡେଣ୍ଟ ଶଶିକାନ୍ତ ମିଶ୍ର ଏଥିପାଇଁ ବ୍ୟବସାୟୀ ରାଜେଶଙ୍କୁ ଧନ୍ୟବାଦ ଜଣାଇଛନ୍ତି। ରାଜେଶଙ୍କ ଯୋଗୁ ୨୧ ଜଣ କଏଦୀ ସ୍ବାଧୀନତା ଦିବସ ଓ ରାଖୀ ପୂର୍ଣ୍ଣିମା ପାଳନ କରିପାରିଛନ୍ତି ବୋଲି ସେ କହିଛନ୍ତି।
