Posted inଖେଳ

୧୭ ବର୍ଷରୁ କମ୍‌ ମହିଳା ଫିଫା ବିଶ୍ୱକପ: କଳିଙ୍ଗରେ କ୍ୱାର୍ଟର, ସେମିଫାଇନାଲ

ଭୁବନେଶ୍ୱର, ୨୩।୬(କ୍ରୀଡ଼ା ପ୍ରତିନିଧି)- ବିଶ୍ୱ ଫୁଟବଲ ପରିଚାଳନା ସଂସ୍ଥା ଫିଫା ପକ୍ଷରୁ ମଙ୍ଗଳବାର ୧୭ ବର୍ଷରୁ କମ୍‌ ମହିଳା ଫୁଟବଲ ବିଶ୍ୱକପ ପାଇଁ ପରିବର୍ତ୍ତିତ କାର୍ଯ୍ୟସୂଚୀ ପ୍ରକାଶ ପାଇଛି। ଫଳରେ ଟୁର୍ନାମେଣ୍ଟର ଅନ୍ୟତମ ଭେନ୍ୟୁ କଳିଙ୍ଗ ଷ୍ଟାଡିୟମରେ କ୍ୱାର୍ଟର ଫାଇନାଲ ଓ ସେମିଫାଇନାଲ ଖେଳାଯିବା ସ୍ପଷ୍ଟ ହୋଇଛି। ଏହା ବ୍ୟତୀତ ଏଠାରେ ୬ଟି ଗ୍ରୁପ୍‌ ମ୍ୟାଚ ଖେଳାଯିବ। ଗ୍ରୁପ୍‌ ‘ଏ’ର ଗୋଟିଏ ଏବଂ ଗ୍ରୁପ୍‌‘ବି’ର ୫ଟି ମ୍ୟାଚ ଭୁବନେଶ୍ୱରରେ ଅନୁଷ୍ଠିତ ହେବ। ଅର୍ଥାତ୍‌ ଗ୍ରୁପ୍‌ ‘ବି’ର ଅଧିକାଂଶ ମ୍ୟାଚ କଳିଙ୍ଗରେ ଖେଳାଯିବ। ୨୦୨୧ ଫେବୃୟାରୀ ୧୭ରୁ ମାର୍ଚ୍ଚ ୭ ମଧ୍ୟରେ ଏହି ଟୁର୍ନାମେଣ୍ଟ ଅନୁଷ୍ଠିତ ହେବ। ପ୍ରଥମ ଦିବସରେ ୨ଟି ମ୍ୟାଚ ଖେଳାଯିବ। ଏହା କଳିଙ୍ଗ ଷ୍ଟାଡିୟମ ଏବଂ ଗୁଆହାଟୀରେ ଆୟୋଜିତ ହେବ। ପ୍ରକୃତରେ ଏହି ପ୍ରତିଯୋଗିତା ୨୦୨୦ ନଭେମ୍ବରରେ ହେବାର ଥିଲା। ମାତ୍ର କରୋନା ଭାଇରସ ସଂକ୍ରମଣ ଜନିତ କାରଣରୁ ଏହାକୁ ୨୦୨୧କୁ ଘୁଞ୍ଚାଇ ଦିଆଯାଇଛି।
ପ୍ରତିଯୋଗିତାର କ୍ୱାର୍ଟର ଫାଇନାଲ ଫେବୃୟାରୀ ୨୭ ଓ ୨୮ରେ ଅନୁଷ୍ଠିତ ହେବ। ୪ଟି କ୍ୱାର୍ଟର ଫାଇନାଲ ଯଥାକ୍ରମେ ଭୁବନେଶ୍ୱର, କୋଲକାତା, ଅହମ୍ମଦାବାଦ ଓ ନଭି ମୁମ୍ବାଇରେ ଖେଳାଯିବ। ମାର୍ଚ୍ଚ ୩ରେ ୨ଟି ଯାକ ସେମିଫାଇନାଲ ଆୟୋଜିତ ହେବ। ଏହା ନଭି ମୁମ୍ବାଇ ଓ ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ଖେଳାଯିବ। ତୃତୀୟ ସ୍ଥାନ ପାଇଁ କ୍ଲାସିଫିକେଶନ ଏବଂ ଫାଇନାଲ ନଭି ମୁମ୍ବାଇରେ ଅନୁଷ୍ଠିତ ହେବ।
ଗୁଆହାଟୀରେ ଭାରତର ଗ୍ରୁପ୍‌ ମ୍ୟାଚ-
ଫିଫା ପକ୍ଷରୁ ହୋଇଥିବା ଡ୍ର ଉଠାଣରେ ଆୟୋଜକ ଭାରତ ଏ-୧ ପୋଜିଶନରେ ରହିଥିଲା। ଏହି ଦଳ ସମସ୍ତ ଗ୍ରୁପ୍‌ ମ୍ୟାଚ ଗୁଆହାଟୀର ଇନ୍ଦିରା ଗାନ୍ଧୀ ଆଥଲେଟିକ୍‌ ଷ୍ଟାଡିୟମରେ ଖେଳିବା ନିଶ୍ଚିତ ହୋଇଛି। ଭାରତ ଏହାର ପ୍ରଥମ ମ୍ୟାଚରେ ଏ-୨ ଦଳକୁ ଭେଟିବ। ଗ୍ରୁପ ‘ସି’ ମ୍ୟାଚ କୋଲକାତା ଏବଂ ଗ୍ରୁପ ‘ଡି’ ମ୍ୟାଚ ଅହମ୍ମଦାବାଦରେ ଫେବୃୟାରୀ ୧୮ରୁ ଆରମ୍ଭ ହେବ। ଫେବୃୟାରୀ ୨୦ରେ ଭାରତ ଏ-୩ ଏବଂ ୨୨ରେ ଏ-୪ ଦଳକୁ ଭେଟିବ। ଅହମ୍ମଦାବାଦ, ଭୁବନେଶ୍ୱର, ଗୁଆହାଟୀ, କୋଲକାତା ଓ ନଭି ମୁମ୍ବାଇ ୫ଟି ଆୟୋଜକ ଭେନ୍ୟୁ ଭାବେ ପୂର୍ବରୁ ସ୍ଥିରିକୃତ ହୋଇ ସାରିଛି। ପ୍ରତିଯୋଗିତାରେ ମୋଟ ୩୨ଟି ମ୍ୟାଚ ଖେଳାଯିବ। ଦ୍ୱିତୀୟ ଥରପାଇଁ ଭାରତ ଏକ ଫିଫା ଟୁର୍ନାମେଣ୍ଟ ଆୟୋଜନ କରିବାକୁ ଯାଉଛି। ପୂର୍ବରୁ ୧୭ ବର୍ଷରୁ କମ୍‌ ପୁରୁଷ ଫିଫା ବିଶ୍ୱକପ ୨୦୧୭ରେ ଅନୁଷ୍ଠିତ ହୋଇଥିଲା।
ମହିଳା ଫୁଟବଲର ଭବିଷ୍ୟତ କୁହା ଯାଉଥିବା ଯୁବ ପ୍ରତିଭା ମାନଙ୍କୁ ଆଗାମୀ ବିଶ୍ୱକପରେ ଦେଖିବାକୁ ମିଳିବ। ଭାରତୀୟ ଫୁଟବଲ ପ୍ରେମୀମାନେ ନିକଟରୁ ସେମାନଙ୍କର ଖେଳ ଦେଖିବାର ସୁଯୋଗ ପାଇବେ। ଆୟୋଜକ ଦେଶଭାବେ ଭାରତ ଆଗାମୀ ବିଶ୍ୱକପ ଖେଳିବାକୁ ସ୍ବତଃ ଯୋଗ୍ୟତା ପାଇଛି। ୨୦୧୯ ଏଏଫସି ୧୬ ବର୍ଷରୁ କମ୍‌ ମହିଳା ଚାମ୍ପିୟନଶିପ୍‌ରେ ଉନ୍ନତ ପ୍ରଦର୍ଶନ ପାଇଁ ଜାପାନ ଓ ଉତ୍ତର କୋରିଆ ଏବଂ ୨୦୨୦ ଓଏଫସି ୧୭ ବର୍ଷରୁ କମ୍‌ ମହିଳା ଚାମ୍ପିୟନଶିପ୍‌(କୋଭିଡ-୧୯ ପାଇଁ ବାତିଲ)ରୁ ନ୍ୟୁଜିଲାଣ୍ଡ ଆଗାମୀ ମେଗା ପ୍ରତିଯୋଗିତା ପାଇଁ ଯୋଗ୍ୟତା ଅର୍ଜନ କରିଛି। ଅନ୍ୟ ଯୋଗ୍ୟତା ପର୍ଯ୍ୟାୟ ଟୁର୍ନାମେଣ୍ଟ ଗୁଡ଼ିକ ହେବାପରେ ଅବଶିଷ୍ଟ ୧୨ଟି ଦଳର ଅଂଶଗ୍ରହଣ ସ୍ପଷ୍ଟ ହେବ। ୨୦୧୮ରେ ହୋଇଥିବା ଗତ ସଂସ୍କରଣରେ ସ୍ପେନ ଚାମ୍ପିୟନ ହୋଇଥିଲା। ସ୍ପେନ ପ୍ରଥମଥରପାଇଁ ଏହି ଟାଇଟଲ ହାସଲ କରିଥିଲା। ୨୦୨୩ ଫିଫା ମହିଳା ବିଶ୍ୱକପ କେଉଁଠାରେ ହେବ ତାହା ଚଳିତମାସ ୨୫ ତାରିଖରେ ଘୋଷଣା ହେବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ରବି ଶାସ୍ତ୍ରୀଙ୍କ ଭବିଷ୍ୟବାଣୀ

ମୁମ୍ବାଇ,୧୯।୫: ଭାରତରେ ଖେଳାଯାଉଥିବା ଆଇପିଏଏଲ୍‌ ୨୦୨୨ ଉପରେ ଏବେ ସମଗ୍ର କ୍ରିକେଟ୍‌ ଜଗତର ଆଖି ରହିଛି। ଏହି ଲିଗ ବର୍ତ୍ତମାନ ଧୀରେ ଧୀରେ ଏହାର ଶେଷ...

ଧିମା ବୋଲିଂ ହାର ପାଇଁ ସସ୍‌ପେଣ୍ଡ ହେବେ ନାହିଁ ଅଧିନାୟକ: ଆଇସିସି

ଲଣ୍ଡନ,୧୯ା୭(ପିଟି)- ଅନ୍ତର୍ଜାତୀୟ ମ୍ୟାଚ୍‌ରେ ଧିମା ବୋଲିଂ ହାର ଯୋଗୁ ଦଳର ଅଧିନାୟକଙ୍କୁ ଆଉ ସସ୍‌ପେଣ୍ଡ କରାଯିବ ନାହିଁ। ଏ ନେଇ ଆଇସିସି ନିଷ୍ପତ୍ତି ନେଇଛି। ଏଭଳି...

ଜିଟିର ସହଜ ବିଜୟ…

ମୁମ୍ବାଇ, ୩୦।୪ : ଆଇପିଏଲ୍‌ ସିଜିନ୍‌ର ୧୫ତମ ସଂସ୍କରଣର ୪୩ ତମ ମ୍ୟାଚ୍‌ରେ ଶନିବାର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍‌ସିବି) ବିପକ୍ଷରେ ଗୁଜରାଟ ଟାଇଟନ୍ସ(ଜିଟି) ବିଜୟୀ ହୋଇଛି।...

ରଣଜୀ ଟ୍ରଫି: ରୋମାଞ୍ଚକ ସ୍ଥିତିରେ ଓଡ଼ିଶା-ହରିୟାଣା ମ୍ୟାଚ୍‌

କଟକ ଅଫିସ,୧୩ା୧-  ରୋହତକର ଚୌଧୁରୀ ବଂଶୀଲାଲ କ୍ରିକେଟ ଷ୍ଟାଡିୟମରେ ଚାଲିଥିବା ଓଡ଼ିଶା-ହରିୟାଣା ରଣ୍‌ଜୀ ଟ୍ରଫି କ୍ରିକେଟ ମ୍ୟାଚ ରୋମାଞ୍ଚକ ସ୍ଥିତିରେ ପହଞ୍ଚତ୍ଛି। ଦ୍ୱିତୀୟ ଦିବସରେ ଘରୋଇ...

ପାକିସ୍ତାନ ବିଶ୍ୱକପ୍‌ ଦଳରେ ଆମୀରଙ୍କ ସ୍ଥାନ ନାହିଁ

କରାଚୀ, ୧୯।୪(ପି.ଟି.)- ମେ ୩୦ ତାରିଖରୁ ଇଂଲଣ୍ଡରେ ଆରମ୍ଭ ହେବାକୁ ଥିବା ଆନ୍ତର୍ଜାତିକ କ୍ରିକେଟ କାଉନସିଲ (ଆଇସିସି) ଦିନିକିଆ ବିଶ୍ୱକପ୍‌ ପାଇଁ ଗୁରୁବାର ପାକିସ୍ତାନ ଦଳ...

୨୦୨୧ ଆଇପିଏଲରେ ଖେଳିବେ ନାହିଁ ଷ୍ଟେଇନ

ନୂଆଦିଲ୍ଲୀ,୨ା୧- ଦକ୍ଷିଣ ଆଫ୍ରିକୀୟ ପେସର ଡେଲ ଷ୍ଟେଇନ ଚଳିତ ବର୍ଷର ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ରୁ ଓହରି ଯାଇଛନ୍ତି। କ୍ରିକେଟରୁ କିଛି ସମୟ ଦୂରେଇ ରହିବାକୁ...

ଭାରତୀୟ ସେନାଙ୍କ ସହ ଲେହରେ ପହଞ୍ଚିଲେ ଧୋନୀ, ଅଗଷ୍ଟ ୧୫ରେ ଉଡାଇବେ ତ୍ରିରଙ୍ଗା

ଶ୍ରୀନଗର,୧୪।୮:ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଏବେ କ୍ରିକେଟରୁ କିଛିଦିନ ପାଇଁ ଦୂରେଇ ଯାଇଛନ୍ତି। ଏହି ସମୟ ମଧ୍ୟରେ ନିଜକୁ ସେନାରେ ସାମିଲ...

ଟସ୍‌ ଜିତି ପ୍ରଥମେ ବ୍ୟାଟିଂ କରିବ ମୁମ୍ବାଇ ଇଣ୍ଡିଆନ୍ସ

ଆବୁଧାବି, ୬।୧୦: ଚଳିତ ଆଇପିଏଲ୍‌ର ବିଂଶତମ ମ୍ୟାଚରେ ମଙ୍ଗଳବାର ମୁମ୍ବାଇ ଇଣ୍ଡିଆନ୍ସ ଓ ରାଜସ୍ଥାନ ରୟାଲ୍ସ ସାମ୍ନାସାମ୍ନି ହୋଇଛନ୍ତି। ସ୍ଥାନୀୟ ଶେଖ୍‌ ଜାୟେଦ ଷ୍ଟାଡିୟମରେ ଅନୁଷ୍ଠିତ...

Advertisement
Archives

Model This Week