୧୫୨୨ ଛାତ୍ରୀଛାତ୍ରଙ୍କୁ ମିଳିବ ଲ୍ୟାପଟପ୍‌

ବ୍ରହ୍ମପୁର ଅଫିସ୍‌,୧୪ା୧୧-ଯୁକ୍ତ ୨ରେ ଉତୀର୍ଣ୍ଣ ହୋଇଥିବା ମେଧାବୀ ଛାତ୍ରୀଛାତ୍ରଙ୍କୁ ମାଗଣା ଲ୍ୟାପଟପ୍‌ ପ୍ରଦାନ ପାଇଁ ତାଲିକା ଚୂଡ଼ାନ୍ତ ହୋଇଛି । ଗଞ୍ଜାମ ଜିଲାରେ ଚଳିତବର୍ଷ ୧୫୨୨ ଛାତ୍ରୀଛାତ୍ର ଲ୍ୟାପଟପ୍‌ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ତରଫରୁ ପ୍ରସ୍ତୁତ କଟ୍‌ଅଫ୍‌ ମାର୍କଠାରୁ ଅଧିକ ମାର୍କ ଆଣିଥିବା ଛାତ୍ରୀଛାତ୍ରମାନେ ଏହି ଲ୍ୟାପଟପ୍‌ ପାଇବେ । ତେବେ କେବେଠୁ ଏହା ବଣ୍ଟନ କରାଯିବ ତାରିଖ ଚୂଡ଼ାନ୍ତ ହୋଇନାହିଁ ।
ଯୁକ୍ତ ୨ ପରୀକ୍ଷାରେ ଶ୍ରେଷ୍ଠ ପ୍ରଦର୍ଶନ କରିଥିବା ମେଧାବୀ ଛାତ୍ରୀଛାତ୍ରଙ୍କୁ ରାଜ୍ୟ ସରକାରଙ୍କ ପକ୍ଷରୁ ବିଜୁ ଯୁବ ସଶକ୍ତୀକରଣ ଯୋଜନାରେ ପ୍ରତିବର୍ଷ ଲ୍ୟାପଟପ୍‌ ଦିଆଯାଉଛି। ଏହିକ୍ରମରେ ଚଳିତବର୍ଷ ଗଞ୍ଜାମ ଜିଲାରେ ମୋଟ ୧୫୨୨ ଛାତ୍ରୀଛାତ୍ରଙ୍କୁ ଲ୍ୟାପଟପ୍‌ ମିଳିବ। ସେମାନଙ୍କ ମଧ୍ୟରେ କଳା ବିଭାଗରେ ସାଧାରଣ ବର୍ଗର ୩୦୬ ଛାତ୍ରୀଛାତ୍ର ରହିଥିବା ବେଳେ ଅନୁସୂଚିତ ଜାତିର ୮୧ ଏବଂ ଅନୁସୂଚିତ ଜନଜାତିର ୧୧୧ଜଣ ରହିଛନ୍ତି । ବିଜ୍ଞାନ ବିଭାଗରେ ସାଧାରଣ ବର୍ଗର ୪୯୦, ଅନୁସୂଚିତ ଜାତିର ୧୩୧ ଏବଂ ଅନୁସୂଚିତ ଜନଜାତି ବର୍ଗର ୧୮୦ ଛାତ୍ରୀଛାତ୍ର ରହିଛନ୍ତି । ବାଣିଜ୍ୟ ବିଭାଗରେ ସାଧାରଣ ବର୍ଗର ୧୩୩, ଅନୁସୂଚିତ ଜାତିର ୩୦ ଏବଂ ଅନୁସୂଚିତ ଜନଜାତିର ୪୦ ଛାତ୍ରୀଛାତ୍ର ଲ୍ୟାପଟପ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି । ସେହିପରି ସଂସ୍କୃତରେ ମୋଟ ୧୧ ଏବଂ ଧନ୍ଦାମୂଳକ ଶିକ୍ଷାରେ ୯ ଛାତ୍ରୀଛାତ୍ର ଲ୍ୟାପଟପ ପାଇବେ। ରାଜ୍ୟର ଅନ୍ୟ ଜିଲାଗୁଡ଼ିକ ସହ ତୁଳନା କଲେ ଗଞ୍ଜାମ ଜିଲା ଦ୍ୱିତୀୟ ସ୍ଥାନରେ ରହିଛି । ଖୋର୍ଦ୍ଧା ଜିଲାର ସର୍ବାଧିକ ୧୬୨୪ଜଣ ଛାତ୍ରୀଛାତ୍ର ରହିଛନ୍ତି ।
ଗତ ଯୁକ୍ତ ୨ପରୀକ୍ଷାରେ ଯେଉଁମାନେ ଭଲ ପ୍ରଦର୍ଶନ କରିଥିଲେ, ରାଜ୍ୟବ୍ୟାପୀ ସେଭଳି ମୋଟ ୧୫ହଜାର ଛାତ୍ରୀଛାତ୍ରଙ୍କୁ ଲ୍ୟାପଟପ୍‌ ପ୍ରଦାନ କରାଯିବ । ରାଜ୍ୟରେ ୩୦ ଜିଲା ପାଇଁ ୩୦ ନୋଡ଼ାଲ୍‌ ସେଣ୍ଟର୍‌ କରାଯାଇଛି । ଗଞ୍ଜାମ ଜିଲା ପାଇଁ ଖଲ୍ଲିିକୋଟ ସ୍ବୟଂ ଶାସିତ ମହାବିଦ୍ୟାଳୟ ନୋଡ଼ାଲ୍‌ ସେଣ୍ଟର ରହିଛି । ସୂଚନା ଓ ପ୍ରଯୁକ୍ତିବିଦ୍ୟା ବିଭାଗ ତରଫରୁ ଲ୍ୟାପଟପ୍‌ଗୁଡ଼ିକ ନୋଡ଼ାଲ ସେଣ୍ଟର ଅଧ୍ୟକ୍ଷଙ୍କୁ ପ୍ରଦାନ କରାଯିବ। ଜିଲାରେ କେବେ ଲ୍ୟାପଟପ୍‌ ବଣ୍ଟାଯିବ ତାହା ସ୍ଥିର ହୋଇନାହିଁ । ତେବେ ଡିସେମ୍ବର ୩୧ତାରିଖ ସୁଦ୍ଧା ନୋଡ଼ାଲ କେନ୍ଦ୍ରରୁ ଛାତ୍ରୀଛାତ୍ରମାନେ ଲ୍ୟାପଟପ୍‌ ସଂଗ୍ରହ କରିପାରିବେ। ଯଦି କୌଣସି ଛାତ୍ରୀଛାତ୍ର ନିଜେ ଆସି ନ ପାରନ୍ତି, ତେବେ ସେ ଯାହାଙ୍କୁ ଲ୍ୟାପଟପ୍‌ ସଂଗ୍ରହ କରିବା ପାଇଁ ପଠାଇବେ, ସେ ଆବଶ୍ୟକ ପ୍ରମାଣପତ୍ର ଦାଖଲ କରିବା ଆବଶ୍ୟକ। ଅନ୍ୟପଟେ ସୁରୁଖୁରରେ ଲ୍ୟାପଟପ ବଣ୍ଟନ ପାଇଁ ଜିଲାସ୍ତରରେ କମିଟି ଗଠିତ ହୋଇଛି । ଏହାର ଅଧ୍ୟକ୍ଷ ଜିଲାପାଳ ରହିଥିବା ବେଳେ ସଂଯୋଜକ ଭାବେ ନୋଡ଼ାଲ୍‌ କଲେଜର ଅଧ୍ୟକ୍ଷ ଏବଂ ବଣ୍ଟନ ଦାୟିତ୍ୱରେ ଥିବା ଅଧ୍ୟ୍ୟାପକ ଏହି କମିଟିରେ ସଦସ୍ୟ ରହିଛନ୍ତି ।
ସୂଚନାଯୋଗ୍ୟ ଯେ, ଗତ ୨୦୧୪ ମସିହାରୁ ବିଜୁ ଯୁବ ସଶକ୍ତୀକରଣ ଯୋଜନାରେ ଲ୍ୟାପଟପ୍‌ ବଣ୍ଟନ କରାଯାଉଛି । ପ୍ରଥମ ବର୍ଷ ଗଞ୍ଜାମ ଜିଲାର ୧୫୪୨ ଛାତ୍ରୀଛାତ୍ର ଲ୍ୟାପଟପ୍‌ ପାଇଥିଲେ । ୨୦୧୫ରେ ୧୪୩୮, ୨୦୧୬ରେ ୧୩୭୨, ୨୦୧୭ ମସିହାରେ ୧୫୦୧ ଜଣ ଲ୍ୟାପଟପ୍‌ ପାଇଥିଲେ। ୨୦୧୮ରେ ୧୪୫୯ ଛାତ୍ରୀଛାତ୍ର ଲ୍ୟାପଟପ୍‌ ପାଇଥିଲେ । ଗତ ୪ ବର୍ଷକୁ ତୁଳନା କଲେ ଚଳିତ ବର୍ଷ ଅଧିକ ସଂଖ୍ୟକ ଛାତ୍ରୀଛାତ୍ର ଲ୍ୟାପଟପ୍‌ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି ।


Enter your email to get our daily news in your inbox.

All Right Reserved By Dharitri.Com

ଭାରତ ଆସୁଛନ୍ତି ନେପାଳ ପ୍ରଧାନମନ୍ତ୍ରୀ ବାଲେନ ଶାହ, ପ୍ରଧାନମନ୍ତ୍ରୀ ମୋଦିଙ୍କ ସହ ଦ୍ୱିପାକ୍ଷିକ ବୈଠକ ସ୍ଥିର, ଅନେକ ଚୁକ୍ତି ହେବ ସ୍ବାକ୍ଷରିତ

ନୂଆଦିଲ୍ଲୀ/କାଠମାଣ୍ଡୁ,୨୦।୧୧: ନେପାଳର ପ୍ରଧାନମନ୍ତ୍ରୀ ବାଲେନ ଶାହ ଭାରତ ଗସ୍ତରେ ଆସିବାର କାର୍ଯ୍ୟକ୍ରମ ରହିଛି। ନେପାଳର ବୈଦେଶିକ ସଚିବ ଅମୃତ ବାହାଦୁର ରାୟ ଏହା ଘୋଷଣା କରିଛନ୍ତି। ପ୍ରଧାନମନ୍ତ୍ରୀ…

ବାତ୍ୟା ଅକ୍ୱାନର ତାଣ୍ଡବ: ତାରାତାରିଣୀ ପାହାଡ଼ରେ ଭୂସ୍ଖଳନ

ପୁରୁଷୋତ୍ତମପୁର,୨୦ା୧୧(ସବିତା ମିଶ୍ର): ବାତ୍ୟା ଅକ୍ୱାନ୍‌ର ପ୍ରଭାବରେ ଗଞ୍ଜାମ ଜିଲାରେ ଲଗାଣ ବର୍ଷା ଏବେ ବିପଦ ଡାକି ଆଣିଛି। ପ୍ରବଳ ବର୍ଷା ଯୋଗୁ ଦକ୍ଷିଣଓଡ଼ିଶାର ପ୍ରସିଦ୍ଧ ଶକ୍ତିପୀଠ ମା’…

ଦିଲ୍ଲୀ ହାଇକୋର୍ଟଙ୍କ ବଡ଼ ରାୟ, ଆଧାର କାର୍ଡ ଜନ୍ମ ତାରିଖର ପ୍ରମାଣପତ୍ର ନୁହେଁ

ନୂଆଦିଲ୍ଲୀ,୨୦।୧୧: ବ୍ୟକ୍ତିଙ୍କ ଜନ୍ମ ତାରିଖର ପ୍ରମାଣପତ୍ର ଭାବେ ଆଧାର କାର୍ଡକୁ କେବଳ ଏକମାତ୍ର ଆଧାର ଭାବେ ଗ୍ରହଣ କରାଯାଇପାରିବ ନାହିଁ ବୋଲି ଦିଲ୍ଲୀ ହାଇକୋର୍ଟ ରାୟ ଦେଇଛନ୍ତି।…

ସୁନା ୫ହଜାର ରୂପା ୮ ହଜାର ହେଲା ଶସ୍ତା, ଏକ୍ସପର୍ଟ କହିଲେ ଆଗକୁ…

ନୂଆଦିଲ୍ଲୀ,୨୦।୧୧: ସୁନା କିଣିବାକୁ ଯୋଜନା କରୁଥିବା ଗ୍ରାହକଙ୍କ ପାଇଁ ପୁଣି ଆସିଛି ଖୁସି ଖବର। ଅନ୍ତର୍ଜାତୀୟ ବଜାରରେ ସୁନା ମୂଲ୍ୟରେ ଲଗାତାର ଉତ୍ଥାନ-ପତନ ଜାରି ରହିଥିବା ବେଳେ…

ଖୋର୍ଦ୍ଧାରେ ପ୍ରବଳ ବର୍ଷା: ଦକ୍ଷିଣ-ପଶ୍ଚିମ ଜୋନ୍‌ରେ ସର୍ବାଧିକ ୩୪.୭ ମିଲିମିଟର, ଉତ୍ତର ଜୋନ୍‌ରେ…

ଖୋର୍ଦ୍ଧା,୨୦ା୧୧(ପ୍ରଭାତ ପାଣିଗ୍ରାହୀ): ସମ୍ଭାବ୍ୟ ବାତ୍ୟା ‘ଅକ୍ୱାନ’ ପ୍ରଭାବରେ ଶୁକ୍ରବାର ୧୦ଟା ସୁଦ୍ଧା (ନଭେମ୍ବର ୨୦ ତାରିଖ) ଖୋର୍ଦ୍ଧା ଜିଲାର ବିଭିନ୍ନ ଅଞ୍ଚଳରେ ବର୍ଷା ରେକର୍ଡ କରାଯାଇଛି। ଜିଲାରେ…

ଗାଁ ଜମି, ଗାଁର ଭୂମିହୀନଙ୍କୁ ଦିଅ: ଗର୍ଜିଲେ ମହିଳା

ଅମରପାଲି,/ବୀରମହାରାଜପୁର, ୨୦/୧୧ (ପୀତାମ୍ବର ସାହୁ/ଯୁଗଳ କିଶୋର ମିଶ୍ର): ସରକାରୀ ଜମିରେ ପ୍ରଥମ ଅଧିକାର ସ୍ଥାନୀୟ ଭୂମିହୀନଙ୍କର। ହେଲେ ନିଜ ଗ୍ରାମର ଭୂମିହୀନ ପରିବାରଙ୍କୁ ଘରଡିହ ଯୋଗାଇ ଦେବା…

IPLକୁ ନେଇ ଅନୁତାପ କଲା ପାକିସ୍ତାନ, PSL ଦଳର ମାଲିକ ଏହାକୁ ବିକ୍ରି କରିବା ସ୍ବୀକାର କଲେ

ନୂଆଦିଲ୍ଲୀ,୨୦।୧୧: ଗତ ଦୁଇ ବର୍ଷ ଧରି, ପାକିସ୍ତାନ କ୍ରିକେଟ ବୋର୍ଡ ବିଶ୍ୱର ସର୍ବବୃହତ T20 ଲିଗ, IPL ସହିତ ସମାନ ୱିଣ୍ଡୋରେ PSL ଆୟୋଜନ କରିଆସୁଛି। ପାକିସ୍ତାନର…

ଡିସେମ୍ବର ୩ରେ ଦେଶବ୍ୟାପୀ ଧର୍ମଘଟ ଚେତାବନୀ; ୨.୫ ଲକ୍ଷ କର୍ମଚାରୀ…

ନୂଆଦିଲ୍ଲୀ,୨୦।୧୧(ପି.ଟି.): ଆଇଡିବିଆଇ ବ୍ୟାଙ୍କର ୬୦ ପ୍ରତିଶତ ଅଂଶଧନ କାନାଡାର ‘ଫେୟାରଫାକ୍ସ ଫାଇନାନ୍ସିଆଲ ହୋଲ୍ଡିଂସ’କୁ ବିକ୍ରି କରିଦେବା ଲାଗି କେନ୍ଦ୍ରର ପ୍ରସ୍ତାବକୁ ସମ୍ପୃକ୍ତ ବ୍ୟାଙ୍କ କର୍ମଚାରୀ ଓ ସଂଘ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?