କେନ୍ଦୁଝର, ୫ା୨ (ସ୍ବ.ପ୍ର.)-କେନ୍ଦୁଝର ସହରର ପବିତ୍ରଡିହା ସାହିରେ ରହୁଛନ୍ତି ଗୋପାଲ ଶର୍ମା(୬୪) ଙ୍କ ପରିବାର ା ବେଶ ଖୁସିରେ ତିନି ଝିଅ, ଜଣେ ପୁଅ ଓ ସ୍ତ୍ରୀ ସହିତ ଚଳିଆସୁଥିଲେ। ଗୋପାଳ ସ୍ଥାନୀୟ ଗାନ୍ଧୀ ଛକ ନିକଟରେ ଏକ ଛୋଟ ମୋବାଇଲ ରିଚାର୍ଜ ଦୋକାନ ଖୋଲି ପରିବାର ଚଳାଇଆସୁଥିଲେ ା ପୁଅ ବିଣ୍ଟୁ ଶର୍ମା ବଡ ହେବା ପରେ ପରିବାରର ଖର୍ଚ୍ଚ ବଢିବାରୁ ଦୋକାନ ସହିତ ଏକ ଟ୍ୟାକସି କିଣି ନିଜେ ଚଳାଇ ପରିବାର ପ୍ରତିପୋଷଣ କରିଆସୁଥିଲେ। ତିନି ଝିଅଙ୍କ ବିବାହ କରିଛନ୍ତି। ହଠାତ ୨୦୧୫ ମସିହାରେ ଦାନ୍ତରେ ସଂକ୍ରମଣ ହେବାରୁ ପ୍ରଥମେ ରାଞ୍ଚି ଯାଇ ଚିକିତ୍ସିତ ହୋଇଥିଲେ ା ଦାନ୍ତ ଉଠାଇବାକୁ ପଡିଥିଲା। ତେବେ ଦାନ୍ତ କିଛି ଅଂଶ ମାଢିରେ ରହିଯାଇ ସଂକ୍ରମିତ ହେଲା ା ପ୍ରାୟ ୮ ମାସ ପରେ ବାଇଓପ୍ସି କରିବାରୁ କ୍ୟାନସର ହୋଇଥିବା ଜଣାପଡିଥିଲା। ତା’ପରେ କଟକ ସ୍ଥିତ ଆଚାର୍ଯ୍ୟ ହରିହର କ୍ୟାନସର ହସ୍ପିଟାଲକୁ ଯାଇ ଚିକିତ୍ସିତ ହୋଇଥିଲେ। ଡାକ୍ତର ତାଙ୍କର ଦାନ୍ତ ସହିତ ମୁହଁର ମାଢିକୁ ଅପରେସନ କରି ବାହାର କରିଦେଇଥିଲେ। ତେବେ ଏବେ ସାଧାରଣ ଲୋକଙ୍କ ଭଳି ଚଳପ୍ରଚଳ କରୁଛନ୍ତି ଏବଂ ସ୍କୁଟର ଚଲାଇ ବୁଲୁଛନ୍ତି। ଯାହା ହେବା କଥା ହେବ ା ଭୟ କାହିଁକି କରିବୁ। ଚଳିବା ପାଇଁ ପଇସା ଦରକାର। ଏଣୁ ନିଜର ଗାଡି ଚଳାଇ ପରିବାର ପାଇଁ ରୋଜଗାର କରୁଛି ବୋଲି ଗୋପାଳ କୁହନ୍ତି ା
ଛୋଟ ଦୋକାନ ଚଳାଇ ଓ ଗାଡି ଚଳାଇ ଯାହା କିଛି ସଞ୍ଚୟ କରିଥିଲେ ସେସବୁ ଶେଷ ହୋଇଯିବା ପରେ ଘରେ ଥିବା ସୁନାଗହଣା ବିକିବାକୁ ପଡିଥିଲା। ଦୁଇ ଥର ଅପରେସନ କରି ପାଖାପାଖି ୬ ଲକ୍ଷ ଟଙ୍କା ଖର୍ଚ୍ଚ କରିଥିଲେ। ସେହିପରି ପରବର୍ତ୍ତୀ ସମୟରେ ଚିକିତ୍ସା ଜାରି ରହି ଖର୍ଚ୍ଚାନ୍ତ ହେବାକୁ ପଡିଥିଲା ା ଏବେ ଯଦିଓ ସୁସ୍ଥ ଅଛନ୍ତି ତେବେ ଆଉ ଥରେ ଯାଞ୍ଚ ପରେ କ୍ୟାନସର ସମ୍ପୂର୍ଣ ଭଲ ହୋଇଛି କି ନାହିଁ ଜଣାପଡିବ ବୋଲି କହିଛନ୍ତି ା ଏବେ ସୁସ୍ଥ ହୋଇଥିଲେ ହେଁ ଖର୍ଚ୍ଚ ଉଠାଇବା ପାଇଁ କଲ ମିଳିଲେ ନିଜେ ଟ୍ୟାକ୍ସି ଚଳାଇ ଯାଉଥିବା କହିଛନ୍ତି ଗୋପାଳ। କ୍ୟାନସର ହୋଇଛି ା କିଛି କହି ହେବ ନାହିଁ ବୋଲି ଡାକ୍ତର କହିଥିଲେ ା କିନ୍ତୁ ସେ ସେଥିରେ ସେତେ ଭୟଭୀତ ହୋଇ ନ ଥିଲେ ା କିନ୍ତୁ ଅର୍ଥାଭାବ ଯୋଗୁଁ ଚିନ୍ତାରେ ରହିଥିଲେ ବୋଲି କହିଛନ୍ତି। ତାଙ୍କ ସ୍ତ୍ରୀ କଲ୍ୟାଣୀ ଶର୍ମା ମଧ୍ୟ ଦୀର୍ଘ ୧୫ ବର୍ଷ ହେଲା ଜରାୟୁ କ୍ୟାନସର ହୋଇ ଚିକିତ୍ସାଧୀନ ଅଛନ୍ତି ା ଏଣୁ କ୍ୟାନସର ପ୍ରତି ଆଉ ସେଭଳି ଭୟ ନାହିଁ ବୋଲି ସେ କୁହନ୍ତି ା ତାଙ୍କ ସ୍ତ୍ରୀଙ୍କ ଚିକିତ୍ସା ପାଇଁ ମଧ୍ୟ ସେ ୬ ଲକ୍ଷରୁ ଅଧିକ ଟଙ୍କା ଖର୍ଚ୍ଚ କରିସାରିଛନ୍ତି। ସେ ଏବେ ସୁସ୍ଥ ଅଛନ୍ତି ା ତାଙ୍କ ମା’ଙ୍କର ମଧ୍ୟ କ୍ୟାନସର ହୋଇଥିଲା। ଏଣୁ ସେ ମଧ୍ୟ କେବେ ସେଭଳି ଭୟଭୀତ ହୋଇ ନ ଥିଲେ ବୋଲି ଗୋପାଳ କହିଛନ୍ତି ା ଯେତେବେଳେ ଯାହା ହେବ ଦେଖାଯିବ କିନ୍ତୁ ମନରେ ଦୃଢତାକୁ ଦେଖିଲେ କ୍ୟାନସର ତାଙ୍କ ଆଗରେ ହାର ମାନିଥିବା ମନେ ହୁଏ ବୋଲି କହିଛନ୍ତି ା ସେ ପାନ ଖାଆନ୍ତି କିନ୍ତୁ ଗୁଟ୍ଖା ଖାଆନ୍ତି ନାହିଁ। ତେବେ ଏଭଳି କିପରି ହେଲା ସେ ମଧ୍ୟ ବୁଝିପାରୁନାହାନ୍ତି। ଦାନ୍ତରେ ସଂକ୍ରମଣ କାରଣରୁ ହୋଇଥିବା କହିଛନ୍ତି ା
